Kotogisan Padang Padang
Padang Padang Beach | |
|---|---|
Tropical beach | |
 VKokitanan do Kotogisan Padang Padang | |
| Coordinates: 8°48′40″S 115°06′04″E / 8.81114°S 115.1012°E | |
| Location | Pecatu, Bali, Indonesia |
Kotogisan Padang Padang (Pantai Padang Padang) nopo nga' kotogisan miampai 110-meter-ninaru (120 yd) id Pecatu, id Semenanjung Bukit id Bali, Indonesia. Kowoowoyoon do togis do hiti nopo nga' opurak aalus om akawas o piras.
Otutunan nogi o kotogisan diti sabaagi Kotogisan Labuan Sait montok do mogigion hiri.[1]
Kinoyonon
[simbanai | simbanai toud]Kotogisan Padang Padang diti nopo nga' poinladsong id kotogisan kotonobon Semenanjung Bukit, lobi kuang 3 km kabaatan kotonobon mantad Kotogisan Bingin i otutunan kopio, om lobi kuang sanjaam pamanahon mantad Denpasar.
Nuru do lumintuhun do 120 tukad om maya id pialatan do kowotuan di nahaba om piras montok sumuang id kotogisan.[2] Haro nogi o bayaran montok sumuang. Otutunan kopio o kotogisan diti miampai kara di orohian do manakau kakamot tongoulun.
Aktiviti
[simbanai | simbanai toud]Kotogisan diti nopo nga' kotogisan luncur kitaang sompomogunan miampai lakun i otutunan sabaagi Padang Padang Left (pinunguranan do Balinese Pipeline). Kinoyonon diti nopo nga' iso mantad ko' limo kinoyonon montok moluncur id pomogunan soira otoronong o kowoowoyoon. [3]
Iti nopo nga' kinoyonon montok piboian moluncur tounan Piala Rip Curl i popokito do piipiro poluncur di bobos otutunan om kikabaalan id pomogunan.[4]
Kinoyonon ponggambaran
[simbanai | simbanai toud]Nakaanu o Padang Padang do kointutunan sompomogunan soira ponggambaran filem montok filem Eat Pray Love, pinaharo id kinoyonon diti di toun 2010, miampai Julia Roberts sabaagi palakun. Pinokito o filem diti kokomoi kolumison do kotogisan om minonguhup pinopoingkawas kointutunan kumaa modtutuongis.[5]
Go Boat
[simbanai | simbanai toud]GoBoat nopo nga' bot osikap i popioput do Uluwatu miampai Canggu, mongingkuri do timpu pamanahon kumaa 35 minit. [6] Kotogisan Padang Padang nopo nga kinoyonon do terminal feri id Uluwatu, om Kotogisan Nelayan nopo nga' terminal feri id Canggu.
Sukuon
[simbanai | simbanai toud]- ↑ "Pantai Labuan Sait - Love Bali". lovebali.baliprov.go.id. Linoyog ontok 2024-02-07.
- ↑ Windsor, Kieren (April 28, 2024). "Padang Padang Beach: Why to Avoid This Perfect Spot [2024 Review]". Bali Untold (id boros Inggeris AS). Linoyog ontok 2024-02-07.
- ↑ "Padang Padang's Surfing Heritage" (id boros Inggeris). Rip Curl Australia. Linoyog ontok 2024-02-07.
- ↑ "Rip Curl Cup Padang Padang" (id boros Inggeris). Rip Curl Indonesia. Linoyog ontok 2024-02-07.
- ↑ Arba Wirawan, I Komang; Masyuni Sujayanthi, Ni Wayan; Suardana, I Wayan (2022). "SETTING FILM EAT PRAY AND LOVE DESTINASI PARIWISATA BALI". Seminar Nasional Republik Seni Nusantara. 2: 72–79.
- ↑ "Canggu ⇄ Uluwatu in 35 minutes ⏐ GoBoat.id". GoBoat (id boros Inggeris). Linoyog ontok 2024-02-07.