Kunit

Kunit
Perbungaan Curcuma longa
Serbuk dan rimpang kunyit
Scientific classification
Kingdom:	Plantae
Clade:	Tracheophytes
Clade:	Angiosperms
Clade:	Monocots
Clade:	Commelinids
Order:	Zingiberales
Family:	Zingiberaceae
Genus:	Curcuma
Species:	C. longa
Binomial name
Curcuma longa L.
Synonyms
Curcuma domestica Valeton

Kunit (Jawi: ‏كوڽيت‎code: ms is deprecated ‎), temu kunit (Jawi: تمو کوڽيت) om temu osilou (Jawi: تمو کونيڠ; ngaran saintifik: Curcuma longa) nopo nga spesies suusumuni mongusak poinsuang koompinai'an temu-temuan. Iti nopo nga iso bansa do rampa di ogumu noguno id suang do kari om toonsokon do suai id Asia Kabataan. Kunit nogi noguno montok manahak warana osilou kuma'a nansakan. Suai ko kogugunaan id suang nansakan, kunyit nogi ointutunan id koginumuan ginumuan Melayu om India miampai kounalan sabaagi rusap pomorisi suang tinan om popolundus do kulit. Id sampaping dii, roun om tusak kunit mimang ka'anangan sabaagi tulam do piipiro ginumuan tulun Melayu.

Pomoguasan

Kunit nopo nga mantad boros guas Proto-Austronesia, *kunij, pointimung miampai piipiro ngaran sokinoyonon suai id monopogunan Nusantara mibagal kunir (Jawa), konéng (Sunda), huni (Bima), konyè' (Madura), kunyir (Komering) kuni (Sangir). Boros dilo tinungkusan miampai boros "Osilou" ii kinomi montok warana.

Koguugunaan

Suang nansakan

Kunit nopo nga rampa ii koubasanan noguno id suang nansakan id pogun-pogun Asia miagal kari, gulai om sanga'agal dau; nogi noguno montok manahak warana osilou ontok nansakan toi ko sabaagi kakamot pengawet.

Sabaagi rusap

Produk farmasi kikakamot poinguas kunit kaanu mogiala miampai mogikaakawo rusap suai, poomitanan dau montok lumonit langaban (artritis-reumatoid) toi ko osteo-artritis kakamot aktif natrium deklofenak, piroksikam, om fenil butason miampai horogo di relatif apagon toi ko suplemen taakanon (Vitamin-plus) id suang bontuk kapsul.

Produk kakamot adadi mantad ekstrak kunit kumaa suplemen taakanon id suang bontuk kapsul (Vitamin-plus) tomu om kopolobusan dau kumingkiap no. Suplemen taakanon diti winonsoi mantad kakamot poinguas ekstrak kunit miampai kakamot pomoruhang Vitamin B1, B2, B6, B12, Vitamin E, Lesitin, Amprotab, Mg-stearat, Nepagin om Kolidon 90.

Umbi toi ko rimpang suusumuni diti di kiumul lobi mantad sontoun milo gunoon sabaagi rusap kikounalan montok poposogit do tinan, mongisu, mamarahung bohogian tian loolobi po kumaa lituko, monubuh, poposoliwan lobi-lobi gas id tina'i, popotingkod kopomurahaan om moningolig kumantal raha'. Suai ko iri, iti nogi gunoon sabaagi kakamot id suang nansakan.

Kunit nogi ginuno sabaagi rusap antikatol, antiseptik om antidumoron om mongingkuri lulumonit kinulit lalamou kabang. Pati dau di milo inumon di koubasanan orison toi ko gunoon sabaagi rusap sulap montok mongubat linonit om nokotompisal. Kunit nogi kikounalan montok momolingos todung di nosonsong miampai woyo monutud kulit kunit om singudon.

Kounalan

Iso ponoriukan winonsoi do saintis monoonoriuk mantad Universiti Tel Aviv, Israel nakaanu koilaan kunit kiharo iso bansa kakamot aktif id kurkumin. Id suang dos di akawas, roromu di kaanu manahak bagas terapeutik momolingos kinolonito. Dr. Shahar Lev-Ari mantad Fakulti Kolidasan Awam, Pongusapan Sackler Univeristi Tel Aviv minomboros do ponoriukan di winonsoi miampai ginumuan monoonoriuk suai nakaanu koilaan do kakamot aktif kurkumin kaanu suma'ap kanser soira piroloton miampai iso tinimungan rusap antilonit di suai; iti nopo nga kisabap do kakamot dii nopo nga kaanu kaanu poponeutral radikal obibas suai ko' kaanu sumiliu antioksidan montok momorumbak radikal obibas sabaagi sabab kopio kumaa kinoimbulayan sel-sel kanser.(Kosmo 17 Mahas 2011)

Galeri

• 
  Kunit
• 
  Rimpang kunit
• 
  Roun kunit asaru gunoon id suang nansakan.
• 
  Guas kunit
• 
  Kunit miau om mumuk

Nangayan solian

• Kolidasan: Kunit id suang pongusapan sandad Pina'arkib 2011-07-03 id Wayback Machine
• Kunit Oitom (Curcuma Caesia) Pina'arkib 2018-07-01 id Wayback Machine