Pergi ke kandungan

Liam Payne

Mantad Wikipedia

Liam Payne
Payne ontok 2023
Kinosusuon
Liam James Payne

(1993-08-29)29 Magus 1993
Wolverhampton, West Midlands, England
Tadauwulan
minidu pogun		16 Gumas 2024(2024-10-16) (umul 31)
Buenos Aires, Argentina
Kalaja
  • Susuminding
  • monunuat sinding
Toun mimparagat2008–2024
Koruhang
Tanak1
Musical career
Genre
LabelCapitol
Formerly ofOne Direction
Websiteliampayneofficial.com
Signature

Liam James Payne (29 Magus 1993 – 16 Gumas 2024) nopo nga susuminding om monunuat sinding mantad England. Ointutunan isio sabaagi puru tinimungan handab (pop genre) One Direction, iso mantad sampot (band) kusai tosogoi poingompus hiza (timpu).[1][2] Nokoimbulai i Payne induo sabaagi mampayat molus id suang ababayan soduontong Boritis The X Factor; id suang nulud 2010, om naalap isio mampayat One Direction i kinoturidongo, i nakaanu kinoyonon kotolu om nokodimpot do kalantayan id sinasaat winoun.

Katalib minundorong o One Direction ontok 2016, minopotilombus i Payne do gamalantoi molus (solo), minomuralan do pitoruon miampai Republic Records id Amerika Koibutan.[3] Ontok toun 2017, minapalabus isio salabi molus (solo single) koiso "Strip That Down", i nakaanu kuang kotolu id UK Singles Chart om kuang kohopod id US Billboard Hot 100, om nakaramit nogi timag gupiok (platinum certified) id koduo-duo pogun. Hopot lodi (debut album) dau, LP1, pinalabus ontok Momuhau 2019. Ontok tolu toun koiso kagamaan molus disio, nokopoboli i Payne lobi 18 riong salabi (single), 2.4 riong hopot (album), om nokotimung 3.9 bilion undus (stream).[4] Suai ko sinupu molus, minonupu nogi i Payne do nirolot (remix) id ngaran "Big Payno" om "Payno". Minitatabang nogi isio gonsupu suai om minomonsoi nirolot montok tinimungan dau om nogi susuminding Cheryl.[5] Minidu pogun i Payne ontok Gumas 2024, soira naratu mantad sinurambi timbou kotolu id iso tugopon (walai timporonon) hilo Buenos Aires, Argentina.[6]

Koposion Pogulu

[simbanai | simbanai toud]

Nosusu i Liam James Payne id Lamin Pongusapan New Cross id watas Heath Town, Wolverhampton ontok 29 Magus 1993, tanak do noos tangaanak i Karen Payne om juruteknik Geoff Payne. Kiwaa duo taka disio ii no Nicola om Ruth.[7][8] Nosusu i Payne tolu minggu lobi osopung mantad tadauwulan jangkaan om insaru haro kobolingkahangan kolidasan. Gisom do apat toun, mongoi kasari iso ujian (test) id lamin pongusapan gama nadapatan dokutul do kipilat o tiso luulunsou tawak dau om au kaanu berfungsi miampai osonong. Id suang iso buuk, nokoboros isio do pogulu nokorikot apat toun, "Insaru oku hilo lamin pongusapan montok popoindalan ujian, nga au diolo oilaan nunu o kobolingkaangan. Noilaan dii diolo do sampaping nopo luulunsou tawak ku nga au berfungsi miampai osonong om kipilat. Nokotorimo oku 32 suntikan id longon monikid kosuabon om sosodopon montok kolingasan."[9]

Sabaagi susumikul, opogot kopio i Payne id gana sipoot, loolobi merentas desa. Minampayat i Payne do Kelab Olahraga Wolverhampton & Bilston montok momodimpot karaja id suang gana manangkus. Solinaid tolu toun, isio nopo nga id kinoyonon kotolu id sawat montok mananangkus 1500m id suang tinimungan toun dau id taang pogun.[10][11]

Mimpuun isio maganu kalas tinju ontok di 12 toun gama umang-umangon do susumikul suai i lobi otuo id sikul takawas.[12] Nakaawi i Payne do11 GCSE id St Peter's Collegiate School (baino ointutunan sabaagi St Peter's Collegiate Academy) pogulu minongoput sinikulan id gana teknologi muzik id City of Wolverhampton College.[2] Pinountutun i Payne kumaa gana kohiakan ontok di 12 toun, sabaagi puru Syarikat Teater Pink Productions, id nombo nokoimbulai isio sabaagi Tony Manero id suang Saturday Night Fever.[13] Pogulu diti, nokoumbal i Payne momonsoi kosolimbahan id dumbangan 26,000 tulun maso pialaan buul sipak Wolverhampton Wanderers.[2][14]

Karier

[simbanai | simbanai toud]

2008–2015: The X Factor om One Direction

[simbanai | simbanai toud]

Nokowoyo i Payne do uji bakat montok siri kolimo The X Factor ontok 2008, di 14 o toun, id dumbangan momimilantoi Simon Cowell, Cheryl Cole, Dannii Minogue om Louis Walsh. Nokolimbou i Payne doid turugan koiso kalapas minonondig sinding di Frank Sinatra ii no "Fly Me to the Moon". Noidu isio id taang Boot Camp, nga nokosimban pomusarahan di Cowell om minonuhu kawagu di Payne do gumuli montok taang judges' houses.[15] Noidu kawagu i Payne wmaso id taang judges' houses, nga minongunsub i Cowell disio montok "gumuli kawagu kalapas duo toun".[16]

Sukuon

[simbanai | simbanai toud]
  1. ↑ Oliver, Sarah (2014). Zayn Malik and Liam Payne – The Biography. New York: John Blake Publishing. ISBN 978-1782199496.
  2. ↑ 2.0 2.1 2.2 Nash, Victoria (11 Manom 2010). "Liam Payne now sprinting to X Factor success". Express & Star. Linoyog ontok 17 Madas 2015.
  3. ↑ Kaufman, Gil (17 Gumas 2016). "Liam Payne Joins Ariana Grande & the Weeknd on Republic Records Roster". Billboard. Pinoopi mantad sand̠ad ontok 17 Gumas 2016. Linoyog ontok 16 Magus 2018.
  4. ↑ "Liam Payne". Republic Records. Pinoopi mantad sand̠ad ontok 22 Manom 2020. Linoyog ontok 17 Gumas 2024.
  5. ↑ "Listen to 1D's Liam Payne's Remix of Cheryl's new single 'I Don't Care'". MTV UK. 14 Gumas 2014. Linoyog ontok 10 Milatok 2016.
  6. ↑ Morgan, Emmanuel; Herrera, Lucía Cholakian (17 Gumas 2024). "What We Know About Liam Payne's Death". The New York Times. Linoyog ontok 18 Gumas 2024.
  7. ↑ "ONE DIRECTION STAR Liam Pain Celebrates 21st Birthday in Chicago". CBS News Chicago. 29 Magus 2014. Linoyog ontok 7 Ngiop 2022.
  8. ↑ "Mums of One Direction stars reveal how the boys have grown into music sensations". Daily Record. 16 Ngiop 2012. Linoyog ontok 17 Madas 2015.
  9. ↑ Davies, Rebecca (18 Manom 2011). "One Direction's Liam Payne: 'I effectively died as a baby'". Digital Spy. {{cite web}}: Missing or empty |url= (help)
  10. ↑ "Liam Payne to Perform at 20th Anniversary Laureus World Sports Awards". Yahoo! Finance. 17 Mansak 2020.
  11. ↑ "Athlete Profile". Thepowerof10.info.
  12. ↑ "One Direction's Liam Payne: "I Was Devastated After Breaking Up With Danielle Peazer". Capital FM.
  13. ↑ "Liam Payne theatre company holds auditions to find their 'next star'". Native Monster. Pinoopi mantad sand̠ad ontok 22 Momuhau 2015. Linoyog ontok 20 Gumas 2015.
  14. ↑ "Liam Payne's journey from Bushbury to Big Apple". Express & Star. Linoyog ontok 17 Madas 2015.
  15. ↑ "Liam Payne shows he has the X Factor". Wolverhampton Express And Star. 6 Manom 2010. Linoyog ontok 26 Milau 2015.
  16. ↑ "Episode 1". The X Factor (series 5). London. 16 Magus 2008. ITV.
Naanu mantad "https://dtp.wikipedia.org/w/index.php?title=Liam_Payne&oldid=18405"