Lugus

Pinang
	Puun do lugus
Scientific classification
Kingdom:	Plantae
Division:	Magnoliophyta
Class:	Liliopsida
Order:	Arecales
Family:	Arecaceae
Genus:	Areca
Species:	A. catechu
Binomial name
	Areca catechu; L.

Puun lugus (ngaran saintifik: Areca catechu, boros Inggeris: betelnut, sinuatan Cina: 檳榔) nopo diti nga iso spesies susumuni palma i sumuni id kogumuan kinoyonon tropika Pasifik, Asia, om nogi id boogian-boogian Afrika timur. Puun diti kisaiz do asadang miampai kinawas miririkot 20 meter, miampai diameter rondong i kikinapal 20-30 sm. roun nopo dau nga kiukuran 1.5-2m do ninaru, alawis o bucu, om kiharo mantad tanak roun i ogumu.

Lugus nopo diti tinanom montok manganu tua dau i oponsol mantad toguang ekonomi sabaagi tinggaton manahak topurimanan di opoto soira piomungan miampai daing.Kiharo sajara i alaid id suang koubasanan pomogunan tulun Melayu; mantad apat kawo puun palma i roitan nogi id suang Batu Bersurat Talang Tuwo id toun 684 M:

ñiyur pinaṃ hanāu ru-/mviya dṅan samiśrāña yaṃ kāyu nimākan vuaḥña

("nyiur, pinang, enau, rumbio miampai [i miagal rati] kayu di akanon o tua dau...")^[1]^: 39

Botani

Rondong di otulid,kaanu miririkot kinawas gisom 25 m miampai diameter lk 15 sm, om nogi haro i lobi agayo. Pelepah roun kibontuk tabung miampai konoruo 80 sm, rawo roun oniba; helaian roun kininaru gisom 80 sm, tanak roun 85 x 5 sm, miampai dompok noruhak om kirugii.

Tongkol wusak koimbulai id siriba pelepah puun berseludang (spatha) anaru om osonong araag, tongkol diti kininaru au kolobi 75 sm, mirapang miampai sumbu dompok gisom kininaru 35 sm.

Tua' lugus diti asaru posurungon miampai piduon momoguno kacip om akanon miampai daing om piipiro kakamot suai setepak om kosuang no gambir om kapur.

Waig mantad tua' lugus di omulok diti otumbayaan do milo mongubat raha id suang sobu om nogi popokuri rabun id titik kornea. Tawu mantad tua dau i sorobon kaanu gunoon montok momorisi nipon mibagal asadang. Lugus di tomulok om benzoin poluhadon do notogu berkhatan.^[2]

Pionitan miampai tulun

Tua' lugus nopo diti oponsol kopio id suang kaadat-adaton pisasawaan tulun Melayu om nogi tulun India, om nogi adat momuhaboi sondiri i nokoulai mantad boros posugkuan pinang id boros Malayu loolobi no miampai perlambangan i agaras kopio tua' lugus kumaa kusai pinoontok kumaa daing i tondu id suang ginumuan pointantu.^[3]^: 32–33

Ginumuan i kiugama Hindu popinonit do tua' lugus miampai dewa Brahma id suang kopogiisaan dewa tolu kotumbayaan diolo.^[3]^: 32

Pulau Pinang nopo diti poingwiliu id doros do disan do rahat kotonobon Semenanjung Malaysia, pinungaran kopihondot ngaran "pinang" id boros Malayu. Puun lugus diti nogi iso tadon montok ngran pekan Bukit Pinang iso nogi bagas tina pogun om kota diraja Kedah pogulu abad ke-18.

Sifat kimia

Tua lugus diti kiharo bahan alkaloid i poinsusuai i aanu miagal arekaina om arekolina i noboros do kopongulai topurimanan id suang pomogunaan dau soira akanon.

References

↑ Coedes, George (1930). "Les inscriptions malaises de Çrivijaya". BEFEO. 30 (1): 29–80.
↑ "Pinang". Sirih Pinang. Perpustakaan Negara Malaysia. 1999. Linoyog ontok 9 Julai 2021.{{cite web}}: CS1 maint: url-status (link)
↑ ^3.0 ^3.1 Rooney, Dawn F. (1992). "The Symbolism". Betel Chewing Traditions in South-East Asia. Kuala Lumpur Malaysia: Oxford University Press. ISBN 0-19-588620-8.

References

Pautan luar

Profil spesies di Sistem Maklumat Biokepelbagaian Malaysia
Profil spesies di Flora and Fauna Web Lembaga Taman Negara Singapura
Plant Cultures: Betelnut botany and history Archived 2008-08-27 at the Wayback Machine
Photos of The fruit of Areca catechu

[1] Coedes, George (1930). "Les inscriptions malaises de Çrivijaya". BEFEO. 30 (1): 29–80.

[PNM-2] "Pinang". Sirih Pinang. Perpustakaan Negara Malaysia. 1999. Linoyog ontok 9 Julai 2021.{{cite web}}: CS1 maint: url-status (link)

[Rooney-3] 3.0 ^3.1 Rooney, Dawn F. (1992). "The Symbolism". Betel Chewing Traditions in South-East Asia. Kuala Lumpur Malaysia: Oxford University Press. ISBN 0-19-588620-8.

[1]

[2]

[3]