Pergi ke kandungan

Mélanie Laurent

Mantad Wikipedia
Mélanie Laurent
Laurent smiling at the camera in a white shirt.
Laurent at the 2025 Cannes Film Festival
Kinosusuon (1983-02-21) 21 Mansak 1983 (umul 42)
Paris, France
Kalaja
  • Actress
  • filmmaker
  • singer
Toun mimparagat1997–present
SawoUnknown (kept private)
(m. c. 2013)
KoruhangJulien Boisselier (2005–2009)
Tanak2

Mélanie Laurent ( ; nosusu 21 Mikat 1983) nopo nga songulun mimingkono', momomonsoi filem, om modsisinding Perancis. Isio nakaramit duo Gaa César om iso Gaa Lumière. Id naayatan sompomogunan, Laurent nointutunan sabab tonggungan dau id suang Inglourious Basterds (2009), Now You See Me (2013), Operation Finale (2018) om 6 Underground (2019).

Laurent tuminimpuun mingkono ontok kiumul hopod om onom toun, pinili' do Gérard Depardieu id suang tonggungan okoro id suang drama romantik The Bridge (1999). Nakaanu isisdo ko'okunan i lobi alaab maya karaja ko'obian dau id suang piipiro filem Perancis, kaampai komedi Dikkenek (2006), hinonggo nakamanang isido Étoiles d'Or montok Mondidikot Kawaawagu Ko'onduan Poingingo.Tonggungan pinopoundaliu kopooposion dau korikot id suang filem drama 2006 Don't Worry, I'm Fine, hinonggo nakamanang isido Gaa César montok Mimingkono' Ko'onduan Bobos Minamatos om Prix Romy Schneider. Laurent minomonsoi debut Hollywood dau di toun 2009 miampai tonggungan Shosanna Dreyfus id suang filem sangod blockbuster Quentin Tarantino, Inglourious Basterds. Kokitanan dau nakamanang Gaa Mimingkono' Ko'onduan Poingingo mantad Online Film Critics Society om Austin Film Critics Association.

Soira kuminalaja isido poinlobi id suang filem obibas, kaampai Paris (2008) om Enemy (2013), Laurent nogi nokoimbulai id suang filem sompomogunan i kolimbou mibagal komersial, kaampai drama komedi Beginners (2011), om filem tangaraat Now You See Me (2013), kumoiso i papasaga kaanu kopoingkakatan id Gaa Pitimungan Pengkritik Filem San Otubis montok Mimingkono' Asisten Ko'onduan Poingingo.

Karya kapangkalan dau i suai kaampai drama The Round Up (2010), drama komedi The Day I Saw Your Heart (2011), om thriller misteri Night Train to Lisbon (2013). Nointutunan nogi isido sabab kopoiyonan rolou Mary Katherine om Disgust id suang dubbing Perancis montok Epic (2013) om Inside Out (2015) sandadau. Suai ko iri, nakalantoi isido id drama Chris Weitz 2018, Operation Finale, i monusui susuyan kinopogompitan Nazi Adolf Eichmann.

Tambaon po kawagu karajaaon dau, i filem id suang produksi dimbangan id Perancis. Minomonsoi isido debut teater id toun 2010 id suang Promenade de santé karya Nicolas Bedos. Filem oniba De moins en moins (2008) monokotanda' debut dau sabaagi momomonsoi filem. Debut pangarah dau montok filem anaru nopo nga The Adopted (2011). Respire (2014), produksi ngoduo dau sabaagi monunuhu, pinopokito id bohogian Critics' Week id Festival Filem Cannes 2014.Momonsoi isido debut modisisinding miampai album studio T i En'attendant Magandad Montok Iya di toun 2011.

Koposion pogulu

[simbanai | simbanai toud]

Nosusu laurent ontok 21 Mikat 1983 id Paris, Perancis, tanak tondu kumaa Annick (songulun ballerina) om Pierre Laurent songulun mimingkono' rolou, i minsugut watak Ned Flanders id suang kawo Perancis The Simpsons). Tapa mantad Nancy om ama' dau nopo nga songulun Jewish, i mantad pusakag Jewish Ashkenazi (Polish- Jewish) om Jewish Sephardic (Jewish-Tunisia). Aki dau nounsub mantad Poland maamaso podudukan Nazi, nga napasi.[1] Aki om odu dau mantad koobian ama' nopo nga editor poster filem. Nakagayo isido id arrondissement alamahas9 id Paris.[2]

Tumombului laurent set Asterix om Obelix vs. Caesar miwaya tambalut dau dau om tapa tambalut dau. Mimingkono' i Gérard Depardieu, mintong Laurent doilo', minoguhot kumaa dau om manu isido mingkono id suang filem. Minonimbar i Laurent, "Nokuro au?" Manaba isio tomod mo'oi do au maganu i Laurent do kalas mingkono sabab otumbayaan isio haro no kabaalan disio mantad. Da'amot i Laurent kiumur toun i 16, Depardieu manahak tonggungan id suang The Bridge, songinan drama i nakalantoi yau om ponong miwaya Frédéric Auburtin.[3] Mongigit kitonggungan sabaagi Lisbeth Daboval, tanak kumaa poimpalid songulun protagonis filem dilo, Claire Daboval. Laurent nogi kumalaja sabaagi mimingkono' rolou, mokinongou watak Satsuki id suang kawo Perancis My Neighbour Totoro, om kawo omulok Madame de Fleurville id suang adaptasi animasi Sophie' s Misfortunes.[4][5]

Kalajaon

[simbanai | simbanai toud]

2006–2008: debut and kinalantaion kumoiso

[simbanai | simbanai toud]
Laurent wearing a black hat and a black top looking away from the camera.
Laurent in 2008

Laurent mamain kitonggungan okoro id suang piipiro filem maso pogulu karajaaon dau. Isio imbulai id suang drama Michel Blanc, Summer Things, komedi-drama Jackie Chan, Rice Rhapsody, drama Jacques Audiard, The Beat That My Heart Skipped om filem sangod Of i Days Glory kokomoi Tiim Perancis Obibas.

Tonggungan Laurent korikot di toun 2006, soira mongigit isido watak ahapakan 19 toun i olunggui i lumangad tobpinai kambar dau i natagak, id suang filem Don't Worry, I'm Fine ponuhuan Philippe Lioret. Nakamanang isido Gaa César montok Mimingkono' Ko'onduan Bobos Asawat Potensi kokitanan. Id suang pabantaan montok Variety,Ronnie Scheib mamarayou Laurent om minonurat do isido, "kaampayat nokososoton watak dau i aangkal miampai sawi-awi dau notumbayaan aiso ka'ampai id suang kourodusan". Di toun i agal, isido om mimingkono' Belgium Jérémie Renier nakaanu Gaa Romy Schneider om Jean Gabin Perancis montok mimingkono' om mimingkono' ko'onduan bobos kipotensi. Laurent kaawagu nakalantoi id filem Franco-Belgian Dikkenek, iso komedi i nosuhu do Olivier Van Hoofstadt i nakadampot ningkakaton filem kultus linaid toun-toun sabab do koirakan dau i kiharo kowoyo-woyoon Belgium, hinonggo mingkono isio miwaya Marion Cotillard, Jérémie Renier, Jean-Luc Couchard om Dominique Pinon. Montok kokitanan dau id suang filem dilo, Laurent nakamanang Étoiles d'Or montok Mimingkono' Ko'onduan Mondidikot Kawaawagu Poingingo.

Di 2007, Laurent nokoimbulai id suang filem kaampai Le tueur om Hidden Love. Nookunan isido montok Gaa Lumière montok Mimingkono' Ko'onduan Poingingo Bobos Tasawat montok kokitanan dau id suang kosolimbahan Chambre des morts. Laurent sumusuhut nokoimbulai id suang komedi drama Paris karya Cédric Klapisch di toun 2008, songinan filem Perancis i kopohompit miampai sontinimungan tulun i mogikaakawo. Filem diti haro mimingkono' tinimungan kaampai Laurent, Juliette Binoche, Romain Duris, Fabrice Luchini om François Cluzet.[6]

2009–2010: Kopokitanan Hollywood om koingkawasan

[simbanai | simbanai toud]

Laurent noulud montok pinonuhuan mingkono koiso' dau, Mi-cuit cœur pistache (ngaran pomolihung kabang i orohian disido) ontok Milatok 2009 id Théâtre Marigny id Paris. Nasansagan isido do minogiduan projik dilo soira linantik isido sabaagi Shosanna Dreyfus, songulun Parisian mogihum suli karait Nazi id suang filem Quentin Tarantino, Inglourious Basterds miwaya Brad Pitt, Diane Kruger om Christoph Waltz. Iti nopo nga tonggungan id suang boros Perancis hinonggo isio balajal montok mimboros id suang boros Inggilis montok piipiro pangan kokitanan. Filem dilo nopo nga kalantayan komersial om i agayo, mamajak lobi mantad $321 riong id pawagam id sompomogunan. Kokitanan Laurent rinayou do piipiro pongkritik. Kyle Buchanan mantad Movieline minonurat: "Mélanie Laurent minanganu Inglourious Basterds koginawaan om ginawo dau. Iti aratu kumaa mimingkono' Perancis kiumur 26 toun dilo montok mamanggor piipiro pangan kokitanan sabaagi Shosanna[7]

Laurent standing alongside Eli Roth and Lawrence Bender posing for the camera.
Eli Roth, Laurent, and Lawrence Bender at a screening of Inglourious Basterds in 2009

Owen Gleiberman mantad Entertainment Weekly minonurat do Laurent apatut do nakaramit kopoingkakatan id Gaa Pitimungan Mimingkono' Skrin alamahas16 miampai mamawara, "Miampai pongimbayat kumaa songulun mimingkono', poimbida dau, diolo i nakaada mantad kategori Mimingkono' Asisten Ko'onduan Poingingo, [...] Oku totopot oimayaan kokitanan diti om oku kosorou ogumu wookon nogi arahi dau." om lobi sumusuhut mamarayou kokitanan Laurent, Laurent, "babang om, miampai karaaralano Tarantino i oginggo, kitudu ginawo. Seksi om kibabang id tanga kasagaan dau. Mamadam tapui – om mangapui. Iti kosili tondig tulu opuriman otuong om koondosan, tanda do Laurent, Shosanna i sabaagi, koihum timpu dumotol dau."

Id suang iso pogibabarasan, Laurent minomboros do isido nokosuang Inglourious Basterds miampai opuriman mupus karait Quentin Tarantino. "[Tulun Perancis] au mintong dau sabaagi monunuhu i obibas yahai mintong dau sabaagi monunuhu poingingo, nokoumbal, [mantad Amerika Komponi]." Kokomoi karalano ki'kitoila'an i noumbalan, Laurent minimboros do koilo isido mantad osopung do diti nopo nga filem i kiguno isido do mampayat, sabab kopurimon isido piantakan miampai tonggungan dau id suang filem dilo, sabab sajara kapaganakan dau[8][9]

Suai ko iri, Laurent nakamanang piipiro gaa montok kopokitanan dau sabaagi Shosanna kaampai Gaa Pitimungan Pengkritik Filem Austin montok Mimingkono' Ko'onduan Poingingo om Gaa Pitimungan Pengkritik Filem Id piromutan montok Mimingkono' Ko'onduan Poingingo om kopoingkakatan id Gaa Pitimungan Pengkritik Filem Detroit, Gaa Empire montok Mimingkono' Ko'onduan Poingingo om Gaa Saturn montok Mimingkono' Ko'onduan Poingingo pialatan tulun suai. Filem i piandad-andad dilo, id suang kopotundaan pointonod 1998, monokotanda' tonggungan apangkal koiso' Laurent id suang filem Amerika om Laurent minongunsub tinan dau sondii doid kalantayan garakan id i luguan Amerika Koibutan.[10]

Tambalut Laurent, Julien Boisselier, om Marie Denarnaud, Mélanie Doutey, om Louise Monot nouludan timpu do mingkono id suang produksi oroitan om klip filom oniba pinokito id sawat dimbangan, piipiro mantad dau rinakam id kalab dongotuong Le Baron, i asaru mindapou Laurent maamaso timpu ponuatan.

Di toun 2010, nakaampayat i Laurent The Round Up, iso filem Perancis i sinuhu di Roselyne Bosch, om tinorbit di Alain Goldman, miwaya Jean Reno, Sylvie Testud, om Gad Elmaleh. Tumanud susuyan otopot songulun tanga'anak kusai Johudi, filem diti kopokito Vel' d'Hiv Roundup, kinopogompitan kogumuan tulun Johudi do pulis Perancis i nopo nga kandam tangaraat Nazi id Paris ontok Madas 1942.[11] Filem om kokitanan Laurent kopomoromitan poinsonong do pongkritik, miampai Peter Bradshaw mantad The Guardian monindu dau "mamain do tosonong". John Anderson mantad Newsday mamarayou Laurent miampai mamawara do minanganu isido "kokitanan pinaparamit ponokoguas sabaagi songulun noos gentile".[12]

2011–baino: kantantaion potilombus

[simbanai | simbanai toud]

Laurent nogi mamarancang iso kaagu filem kowoowoyoon, Putain de pluie!, i pinokitanan do Productions du Trésor tontok Alain Attal, i skrip dau sinuat miwaya Morgan Perez om i isio kigaab montok monuhu. Pointopot noulud timpu montok ponokasangai ontok timpu wusak 2009, sinapad diti sabab karaja dau id Inglourious Basterds. Nokoilo isido i koilo isido mimboros id suang boros Perancis, om nga' mingkono id suang boros Perancis id suang iso filem oniba id Paris, je t'aime, minanahak isido tonggungan koiso' kumaa Natalie Portman, i monurung sabab boros skrip dilo.

Laurent kitonggungan sabaagi mamamain biula id suang Le Concert Radu i karya Mihăileanu—mamarait isido sabaagi "filem i aba'al om filem i popular", om minomoruhang do isido, "noondos sabab tulun Perancis mumang mintong filem miampai muzik klasik." Mick LaSalle mantad San Francisco Chronicle mamarait sabaagi "tonggungan miampai pinokianu teknikal i agayo" om mamarayou Laurent miampai minimboros, "isido nopo nga aalus tomod om atahan ... 'Ilo Konsert' nopo nga iso kinogompoton montok dau,i monongukab topurimanan dau".[13]

Laurent in a white dress looking away from the camera.
Laurent promotes Aloft at the 2014 Berlinale International Film Festival

Laurent kopoonjuran koduuduo ababayan kohimaganan om koowian Festival Filem Cannes alamahas64. Di toun 2011, monokodung isido miampai Mike Mills, minimbulai mitoguang miampai Ewan McGregor om Christopher Plummer id suang Beginners, iso drama komedi i monokotanda' tonggungan koduo Laurent id suang boros Inggilis Hollywood. Laurent mamain watak Anna, songulun mimingkono' Perancis i karaatan. Tumanud kopooposion Mills sondii, filem diti kopokito susuyan songulun tapa i suminoliwan mantad lamari ontok usia 75 toun alapas kapatayon sawo tondu dau linaid 45 toun. Filem diti giangon miampai rarayou kritis om kokitanan Laurent kopomoromitan poinsonong, miampai Calvin Wilson mantad St. Louis Post-Dispatch minomboros do Laurent minanganu 'karisma ginawo' kumaa tonggungan dilo.[14][15]

Laurent kaawagu minongigit misuai ko Jeremy Irons id suang Night Train to Lisbon, songinan filem drama 2013 i tumanud novel miampai ngaran i agal i suhuo' do Bille August. Jessica Kiang Indie i mantad Wire monurat do Laurent 'nonuan okurang do maan' nga mamarayou kokitanan dau miampai minonurat do isio, 'momoguno sawi-awi timpu skrin dau i orontob'.[16]

Nokoimbulai i Laurent id suang filem caper 2013 kolobusan Louis Leterrier, Now You See Me, sabaagi songulun ohon Interpol Perancis i mongintong panakauan bank miwaya Mark Ruffalo om mimingkono' suai. Filem diti nopo nga kalantayan komersial i agayo miampai puhu kadala 351.7 riong dolar, nakaramit banta lilinamu nga rarayou montok ko'ongoyo ototongkop mimingkono'. Todd McCarthy mantad The Hollywood Reporter minaganu rarayou takawas kumaa Laurent om minonurat, "[Laurent] kitonggungan montok kokiraan ginumu do kolosuan id suang dilo filom.[17]

Filem sumusuhut di Laurent, filem thriller psikologi Kanada-Spanish Enemy, sinuhu di Denis Villeneuve, pinopokito id bohogian Mamabanta Poimbida id Festival Filem Sompomogunan Toronto 2013. Naanu mibagal koluku do Javier Gullón mantad novel José Saramago 2002 kiuhu The Double, filom diti giangon miampai rarayou di ogumu. Filom diti noigitan di Jake Gyllenhaal sabaagi duo kusai i mibagal koinano dau identik, nga misuai mantad toguang kowowoyoo. Laurent om Sarah Gadon mongigit kitonggunggan sabaagi tambalut romantik do tongokusai.[18]

Id 2014, Nokoimbulai i Laurent id suang Aloft, iso filom drama 2014 i sinuat om sinuhu di Claudia Llosa, miwaya Jennifer Connelly om Cillian Murphy. Filem diti pinopokito id suang piaalaan id Festival Filem Sompomogunan Berlin alamahas64. Laurent minanahak rolou kumaa Mary Katherine id suang Epic mantad Blue Sky Studios, om Disgust id suang Inside Out mantad Pixar id suang dub Perancis montok filom-filom animasi oroitan.[19][20]

Di toun 2015, Laurent minongigit miwaya Laurent Lafitte, id suang filem drama Perancis Boomerang ponuhuan François Favrat i diadaptasi mantad buuk alaku kiuhu A Secret Kept do Tatiana De Rosnay. Filem diti pinopokito ontok 23 Manom 2013 miampai pokikitanan dit positif. The Hollywood Reporter minonurat, "Boomerang nopo nga iso whodunit i apanggor mulong po do loobi konvensional i kaanu kounalan mantad mimingkono' topuhod om plot i pongimbayat ia' linaid ginumu' maso."[21] Laurent minongigit kaawagu sabaagi Lea is suang Angelina Jolie By the Sea i sinuat om suhuo' do Angelina Filem is suang Drama filom Amerika. Filom diti noigitan di Jolie om Brad Pitt, om alantas ontok 13 Milau 2015, do Universal Pictures. Laurent kaawagu nokoimbulai id suang drama 2018 Operation Finale i sinuhu do Chris Weitz, i moboros kokomoi tingkonoon Mossad montok mamagamit Adolf Eichmann.

Di toun 2025, Laurent minongigit kopokitanan pogulu id monunuhu Joséphine Japy, The Wonderers.[22]

2008–baino: kalaja pamansayan filom

[simbanai | simbanai toud]

Momonsoi laurent kopokitanan pogulu dau sabaagi songulun monunuhu om noigitan di tabang dau Mathieu miampai filom oniba 2008 De moins en moins, i nogi sinuat dau, iso filom 7minit kokomoi songulun susumakit i "sorou okon nogi okurang" id id toguang psikiatris dau. Filom oroitan kopocolunan montok Filem Oniba Poingingo id Festival Filem Cannes alamahas61. Sinuhunogi isido di À ses pieds, songinan filem oniba erotik i pinopokito id saluran tv Perancis Canal+ ontok 25-26 Gumas 2008, sabaagi iso pat id suang filom, kiuhu X Femmes.[23]

Id toun 2011, nosuhuan isido om mongigit sondii filem kowoowoyoon koiso' dau, The Adopted. Filem koduo dau, Breathe, pinopokito id bohogian Minggu Pongkritik id Festival Filem Cannes 2014 om kapamarayahan i akawas. Sinuhu kawagu isido miwaya dokumentari 2015, Tomorrow, i papasaga isio mamajak Gaa César montok Filem Dokumentari Bobos Poingingo.

Id suang iso pirubaan miampai Indiewire di toun 2014, Laurent minangakun do aanangan isido : "[Minonurat nopo nga] poinlobi kohiok tomod sabab ia' kiharo toinsanan montok maan om ginumu' idia ia' korikot mantad bohogian koiso' ia'... ika kaanu momusorou ahal, i guason ia' , mimingkono'." Isido kopokito karalano ponokasangai sabaagi "bohogian i aramaian" sabab "kumaraja miampai tulun i korohian ku—ia toririmo nopo nga timpu tulun i osonong kopio tu kaanu tokou mogiilang ahal om asanangan do okito tongotulun i kiharo miampai tokou om sorita nu, do popoboros sorita nu. Iti nopo nga olumis kopio, iri no sabab orohian oku momonsoi filom. [24]

Laurent momonsoi kopokitanan pogulu id suang boros Inggilis dau di toun 2018 miampai Galveston, adaptasi filem mantad novel Nic Pizzolatto i kingaran i aagal. Iti pinoigit di Ben Foster om Elle Fanning.

Sinuhu i Laurent om mongigit tinan sondii id suang The Mad Women's Ball id toun 2021.[25]

Laurent sumusuhut sinuhu Wingwomen montok Netflix di toun 2023 om Libre montok Amazon Prime Vidiu di toun 2024.

Laurent pinoilo montok pinonuhuan The Nightingale, iso adaptasi novel miampai ngaran i agal do Kristin Hannah, i nuludan timpu mogintalang Elle om Dakota Fanning. Nga, ponokasangai au nokoumbal nimpuunan, filem i om oroitan punsoon sawi-awi dau mantad nuludan timpu pinopokito ontok Gumas 2021. Filem oroitan id kolimpupuson dau nanu mundali do Michael Morris di toun 2025.[26]

Musik

[simbanai | simbanai toud]

Koposion sondii and kalaja id labus skrin

[simbanai | simbanai toud]
Laurent in a black dress posing for the cameras.
Laurent at the 63rd Berlin International Film Festival

Laurent monimbaba piantakan aaga' anaru miampai tambalut mimingkono' Perancis Julien Boisselier i kopupus di toun 2009. Ontok tulan Gomot 2013, pinopointalang isido do manansawo nga au mumang isido do mamarait ngaran koruhang dau. Minamawara isido kumaa The Independent, "isio nopo nga koinano kru om yoku nopo nga songulun mimingkono'." Tanak koiso' dau miampai koruhang kusai dau, songulun tanak kusai kingaran Léo, nosusu ontok tulan Manom 2013. Di toun 2019, nokosusu isido tanak koduo disido mogiampot, tanak tondu pinomungaranan Mila. Id toun 2019, paganakan diti poingion id Los Angeles. [27][28][29]

Tuminombului i laurent do Kiim Momiara Iklim id tana gambut gouton darun Indonesia miwaya aktivis Greenpeace. Isido nopo nga songulun Duta Iklim montok Forum Tulun Global Kofi Annan, kimpin " Tck Tck Tck". Mampayat isido kimpin gumaga' kinopogompitan sada kopindadala sawat pagalapan Momuruan kotinanan Blue Marine, om pinili' montok rolou ponolikud id suang dokumentari Perancis Surpêche (tumanud buuk The End of the Line) kokomoi ligogon kinopogompitan sada kopindadala. Isido nopo nga iso selebriti nointutunan id suang kimpin kolimbou Fish Fight France, i minokianu kooturan Eropah kawaawagu montok minongingkuri pagaan ada' sada id popointalang i rahat. Laurent minomboros do mangawi timpu id walai mamaamain muzik Damien Rice id Ireland, maamaso kumaraja ontok albumdau dau2011i , manahak ponokoguas montok popoingkakal tung kompos om mangakan do taakanon organik.[2]

Filmografi om tutungkap

[simbanai | simbanai toud]
Laurent at the 2016 Cesar Awards, as the director for the documentary film Tomorrow

Laurent nokoimbulai id suang lobi mantad 40 filem om pinonuhuan 10 filem. Montok tonggungan dau id suang Don't Worry, I'm Fine, Laurent memenangi Gaa César om Gaa Lumière id suang katogori Mimingkono' Ko'onduan Bobos Minamatos. Isio nakaramit mogikaakawo ko'okunan montok tonggungan dau id suang Inglourious Basterds, kaampai gaa Mimingkono' Ko'onduan Poingingo id Gaa Pitimungan Kritikan Filem Austin om Gaa Pitimungan Kritikan Filem Id piromutan pialatan suai. Filem Laurent Tomorrow (2015) nakamanang montok Gaa Filem Dokumontari Bobos Tosonong.[30]

Diskografi

[simbanai | simbanai toud]
Toun Kopoilaan Album Koingkakat-kakato' carta
BEL FRA
2011 En t'attendant.[31]
  • Released: 2 May 2011
  • Label: Atmosphériques
  • Formats: LP, CD, digital download
 23[32] 35[33]

Sukuon

[simbanai | simbanai toud]
  1. ↑ Frétard, Dominique (5 December 2007). "Elles s'appellent toutes Mélanie". Le Monde. pp. 50–53. Pinoopi mantad sanḏad ontok 27 July 2011. Linoyog ontok 26 March 2010.
  2. ↑ 2.0 2.1 Le Vaillant, Luc (8 June 2009). "Mélanie Laurent : coup de fougue". Libération.fr. Pinoopi mantad sand̠ad ontok 11 June 2009. Linoyog ontok 27 August 2009. Ralat maganu:Tag <ref> tidak sah, nama "le-vaillant" digunakan secara berulang dengan kandungan yang berbeza
  3. ↑ "'In it for the drama and the danger". The Independent. 2 July 2010. Pinoopi mantad sanḏad ontok 5 July 2010.
  4. ↑ "30 ans de Totoro : Saviez-vous que Mélanie Laurent, Elle et Dakota Fanning ont doublé les héroïnes ?". Premiere.fr (id boros Perancis). 17 April 2018. Pinoopi mantad sanḏad ontok 3 May 2020. Linoyog ontok 17 May 2020.
  5. ↑ "Mélanie LAURENT - Anime News Network". www.animenewsnetwork.com. Pinoopi mantad sanḏad ontok 3 August 2020. Linoyog ontok 17 May 2020.
  6. ↑ "Paris". Rotten Tomatoes. Fandango Media. 18 September 2009. Pinoopi mantad sanḏad ontok 11 October 2016. Linoyog ontok 3 July 2016.
  7. ↑ Buchanan, Kyle (19 August 2009). "Mélanie Laurent on Tarantino's Inglourious Basterds: 'To Survive on That Set, You Learn Fast!'". Movieline. Pinoopi mantad sanḏad ontok 8 March 2016. Linoyog ontok 5 March 2016.
  8. ↑ Gomez, Tim (22 August 2009). "Mélanie Laurent Interview: On Inglourious Basterds And Loving France". CinemaBlend. Pinoopi mantad sanḏad ontok 3 March 2016. Linoyog ontok 5 March 2016.
  9. ↑ "Mélanie Laurent". AllMovie. Pinoopi mantad sanḏad ontok 24 June 2016. Linoyog ontok 25 May 2016.
  10. ↑ "Mélanie Laurent biography". Tribute. Pinoopi mantad sanḏad ontok 7 March 2016. Linoyog ontok 5 March 2016.
  11. ↑ Tartaglione, Nancy (4 November 2009). "Alain Goldman mounts French Holocaust epic with Gaumont". Screen International. Pinoopi mantad sanḏad ontok 3 March 2016. Linoyog ontok 5 March 2016.
  12. ↑ Anderson, John (15 November 2012). "'La Rafle' review: A Holocaust story". Newsday. Pinoopi mantad sanḏad ontok 19 August 2016. Linoyog ontok 2 July 2016.
  13. ↑ LaSalle, Mick (6 August 2010). "'The Concert' plays a fine note on screen". San Francisco Chronicle. Pinoopi mantad sanḏad ontok 17 August 2016. Linoyog ontok 2 July 2016.
  14. ↑ "Beginners". Rotten Tomatoes. 3 June 2011. Pinoopi mantad sanḏad ontok 9 July 2016. Linoyog ontok 2 July 2016.
  15. ↑ Wilson, Calvin (23 June 2011). "'Beginners' is sharp, smart and sentimental". St. Louis Post-Dispatch. Pinoopi mantad sanḏad ontok 3 June 2016. Linoyog ontok 2 July 2016.
  16. ↑ Kiang, Jessica (7 December 2013). "Review: Old-Fashioned, Deeply Unadventurous 'Night Train To Lisbon' Starring Jeremy Irons, Melanie Laurent & More". Indiewire. Pinoopi mantad sanḏad ontok 17 August 2016. Linoyog ontok 2 July 2016.
  17. ↑ McCarthy, Todd (30 May 2013). "Now You See Me: Film Review". The Hollywood Reporter. Pinoopi mantad sanḏad ontok 3 June 2016. Linoyog ontok 2 July 2016.
  18. ↑ "Enemy". Rotten Tomatoes. 14 March 2014. Pinoopi mantad sanḏad ontok 11 October 2016. Linoyog ontok 13 July 2016.
  19. ↑ "Mélanie Laurent is the French voice of Mary Katherine". PureBreak. Pinoopi mantad sanḏad ontok 7 March 2016. Linoyog ontok 5 March 2016.
  20. ↑ "The Emotions (2015 Pixar's Inside Out)". Charguigou. Pinoopi mantad sanḏad ontok 7 March 2016. Linoyog ontok 5 March 2016.
  21. ↑ Mintzer, Jordan (23 September 2015). "'Boomerang': Film Review". The Hollywood Reporter. Pinoopi mantad sanḏad ontok 11 March 2016. Linoyog ontok 5 March 2016.
  22. ↑ Goodfellow, Melanie (4 September 2024). "Pulsar Content Boards Joséphine Japy's 'The Wonderers' With Mélanie Laurent, Pierre-Yves Cardinal & Angelina Woreth". Deadline Hollywood.
  23. ↑ "X Femmes" à minuit sur C+ (−18)". le blog TV News (id boros Perancis). tvnews.over-blog.com. 25 October 2008. Pinoopi mantad sanḏad ontok 2 May 2009. Linoyog ontok 21 August 2009.
  24. ↑ Walsh, Katie (15 December 2014). "Interview: Mélanie Laurent Talks Directing, Being Impressed By 'Mommy,' And Working With Brad Pitt & Angelina Jolie". Indiewire. Pinoopi mantad sand̠ad ontok 21 March 2016. Linoyog ontok 1 July 2016.
  25. ↑ Keslassy, Elsa (10 January 2020). "Melanie Laurent to Write, Direct Female-Driven Period Thriller 'The Mad Women's Ball'". Variety. Pinoopi mantad sanḏad ontok 13 November 2020. Linoyog ontok 16 November 2020.
  26. ↑ Grobar, Matt (July 22, 2025). "TriStar Reignites 'The Nightingale' Movie For 2027 Release; 'To Leslie's Michael Morris To Direct Fanning Sisters In Adaptation Of Kristin Hannah Novel". Deadline Hollywood. Linoyog ontok July 25, 2025.
  27. ↑ "Mélanie Laurent : " Les Français sont admirés pour leur charme et leur liberté "" (id boros Perancis). Pinoopi mantad sanḏad ontok 13 July 2021. Linoyog ontok 2021-07-13.
  28. ↑ Média, Prisma (24 June 2021). "Le saviez-vous ? Mélanie Laurent a refait sa vie à Hollywood, avec homme et enfants - Gala". Gala.fr (id boros Perancis). Pinoopi mantad sanḏad ontok 13 July 2021. Linoyog ontok 2021-07-13.
  29. ↑ Henry, Rachel (2019-11-29). "Mélanie Laurent amoureuse d'un Américain : confidences sur sa nouvelle vie" [Mélanie Laurent in love with an American: secrets about her new life]. purepeople.com (id boros Perancis). Pinoopi mantad sand̠ad ontok 2023-02-10. Linoyog ontok 2021-07-13.
  30. ↑ "Cesar Awards: The Complete Winners List". The Hollywood Reporter. 26 February 2016. Pinoopi mantad sanḏad ontok 14 May 2016. Linoyog ontok 1 July 2016.
  31. ↑ "Mélanie Laurent Enlists Damien Rice for Debut Album". TwentyFourBit. 6 March 2011. Pinoopi mantad sand̠ad ontok 30 August 2011. Linoyog ontok 6 September 2011.
  32. ↑ "Discographie Mélanie Laurent". Ultratop (id boros Perancis). Hung Medien. Pinoopi mantad sanḏad ontok 6 May 2016. Linoyog ontok 15 January 2013.
  33. ↑ "Mélanie Laurent – En t'attendant". lescharts.com (id boros Perancis). Hung Medien. Pinoopi mantad sanḏad ontok 26 August 2015. Linoyog ontok 15 January 2013.

Sukuon suai

[simbanai | simbanai toud]
Wikimedia Commons has media related to Mélanie Laurent.
  • Mélanie Laurent at IMDb 
  • Mélanie Laurent at Rotten Tomatoes
  • Mélanie Laurent at AlloCiné (in French)
Naanu mantad "https://dtp.wikipedia.org/w/index.php?title=Mélanie_Laurent&oldid=22767"