Mahaletchumy Arujanan
Mahaletchumy Arujanan
| |
|---|---|
 Arujanan in Penang, Malaysia giving a talk on her career journey
| |
| Born | 25 May 1969 Klang Valley, Selangor, Malaysia
|
| Spouse | Selvamuthu Raja |
| Children | 2 (Komalah & Deepa) |
| Parent(s) | Arujanan Periasamy and Mariyayee. S |
Mahaletchumy Arujanan (nosusu 25 Mikat 1969 [1]) songulun popolombus sains di noiiktiraf sompomogunan kinintodonon do India Malaysia. Kumalaja isido sabaagi do Global Coordinator of International Service montok Acquisition of Agribiotech Applications (ISAAA) om pongarah eksekutif do Malaysian Biotechnology Information Center (MABIC).
Nakaampayat isido maya opurokis id komunikasi sains mantad 2003 nga nosiliu lundu koizaai ontok 2015 soira nokointayad sabaagi songulun mantad 100 tulun kirahung id gana do bioteknologi montok edisi kumo-7 The Scientific American Worldwide View: A Global Biotechnology Perspective Journal.[2]
Suminikul isio id Universiti Putra Malaysia (1989-1993) om tinilombus id Universiti Malaya (1993-1997). Ontok toun 1996, minimpuun isido do kumalaja id Sandoz Agro, iso sarikat kimia pomutanaman Switzerland ontok nolimpupusan o ponginabasan sarjana dau.
Nokoimpuun o wayaan dau sumiliu popolombus sains di nointutunan sabaagi wayaan pininggaasan, kisunduan om kidedikasi.[3] Id pialatan do 1996-2002, kumalaja isido id apat organisasi om syarikat di misual pogulu nokoruba pamalahawan montok piluumagan sains soira minampayat isido do Malaysian Biotechnology Information Centre (MABIC) id Milatok 2003 sabaagi pagawai projek. Naanu dau o pongarah eksekutif ontok Mikat 2005[4] hinombo opurokis no isido do popolombus sains kumaa toinsanan pihak toponsol tu' monolibamban do ogumu isu id sains nopo nga toinsanan montok dau. Ahal diti nga pinopoburu poranan dau id taang sompomogunan.
Ontok 2008, minampayat isido do University of Malaya montok mongoput ponginabasan kumaa taang PhD id gana sains komunikasi, om nosiliu tulun Malaysia koiso ii minongoput do pongibasan id gana diti id taang PhD. Sabaagi somboogian mantad inisiatif dau do mondemokrasi do sains om momunso elitisme ii asaru pikomoyon do sains, minongasas isido do akhbar bioteknologi koiso pogun, The Petri Dish. Ogumu nowonsoi dau sabaagi platform montok popohompit mogikaakawo pihak toponsol do popoingkawas korotian diolo kokomoi sains. Sabaagi Pongarah Eksekutif MABIC, kalaja dau nopo nga kitudu do popoimbulai masyarakat di celik sains; popointutun pondidikan om kalaja STEM kumaa mokiikinobos; mamarahung dasar om kooturan tumanud sains; om poposiliu komunikasi sains sabaagi disiplin arus pordana.[5] Toinsanan sakadai dau id komunikasi sains nopo nga nokoimbulai do karayahan om pinoposiliu dau sabaagi do poncoramah sompomogunan di ihum-ihumon. Kohompit iti do mimboros id Parlimon EU ontok toun 2016 kokomoi konuruon montok EU monolibamban katangaban kokomoi tanom-tanom ii nosimbanan maya genetik id woyo tumanud do sains.
Koposion gulu om pondidikan
[simbanai | simbanai toud]Nosusu i Mahaletchumy id Lembah Klang, Malaysia kumaa songulun Guru Besar do sikul Tamil,[6] Arujanan Periasamy ii poposotol do kapansalan pondidikan kumaa dau. Mongigit isido do poranan toponsol id mombontuk keazaman om daya tahan dau montok momonsoi tinungkusan dau.[7] Mimboros isido miampai agayo sunduan id wawancara dau miampai New Straits Times[8] om Malay Mail.[9] Kiwaa apat tompinai dau om tama dau nopo nga songulun suriwalai.
Nokoimpuun pondidikan tosiriba om takawas di Mahaletchumy id Convent Klang om tinilombus do pra-universiti (STPM) id ACS Klang. Noputan dau o sikul kumaa taang sarjana muda id Universiti Putra Malaysia id gana Mikrobiologi om nopupusan ponginabasan ontok toun 1993. Noputan disido do Sarjana id gana Bioteknologi id Universiti Malaya om nopupusan ontok toun 1997. [10] Nokopuriman do koilaan saintifik, tinilombus di Mahaletchumy o pondidikan dau id taang PhD id gana Sains Komunikasi om nosiliu do tulun koiso id gana di id Malaysia .[11]
Kalaja
[simbanai | simbanai toud]
Notimpuunan di Mahaletchumy o kalaja dau sabaagi Pagawai Teknikal om Pontadbiran id Sandoz Agro Chemicals ontok toun 1992. Perkhidmatan dau id Sandoz nopo nga au alaid om miniamung miampai Ciba Geigy om pejabat wilayah d di kinalaja dau nopo nga natabanan. Minampayat di isido miampai Institut Towud Genetik Tanom Sompomogunan ii nointutunan sabaagi do Bioversity International sabaagi Pagawai Program. Tuminingkod isido kahapas 2 toun om minampayat id panamanga kolidasan DXN. Minongiduan i Mahaletchumy do DXN om minampayat do Konsep Kolidasan Poimponu. 1999 gisom 2002, apaganan i Arujanan do momnsoi kalaja om minogidu mantad dii ontok toun 2002.
The Petri Dish
[simbanai | simbanai toud]Mahaletchumy nopo nga luguan monuunuat om minomonsoi do abal sains koiso id Malaysia, The Petri Dish.[12] Abal dii nopo nga montok mogowit bioteknologi/sains kumaa domain koizaai.
Nokoimpuun o abal dii miampai 12 bolikan tikid tulan ontok Mansak 2011 miampai edaran soginumu 2,000 naskhah om nokoburu kumaa kopolobusan 20 bolikan miampai 20,000 naskhah ii patayadon kumaa pihak toponsol gulu id gana sains/bioteknologi id Malaysia. Miampai kotumbayaan togirot kumaa sains nopo nga nuru pointutunon kumaa toinsanan tulun, mininggoos i Mahaletchumy do papatatad dii kumaa longkod momoomoli, hospital, swasta, kadai Starbucks, komontirian om agensi karajaan kokomoi do sains, hotel, gana tutubpoon kapal tulud Malaysia, porpustakaan Parlimon om longkod servis korita di pinili. Ontok 2017, minomorun i Arujunan do portal id talian montok The Petri Dish.[13]
Sakadai
[simbanai | simbanai toud]Bioteknologi/ Piluumagan Sains
[simbanai | simbanai toud]- Minoonodo i Mahaletchumy do Komitikuasa Mamason Piluumagan Sains id siriba do COMSTECH ontok 2023 montok momonsoi strategi piluumagan sains di ogirot id pogun anggota OIC. Isido nopo nga songulun mamason sompomogunan montok inisiatif diti.[14]
- Pinaasas disido [15] o Science Media Centre Malaysia, do minimpuun Longkod Media Sains UK ontok 2019 miampai wartawan ii nakalantoi gaa, Tan Su Lin miampai hodtolon do popoingkawas ruputan di kotunud om tumanud hinta loolobi no id isu sains di kompleks om kontroversi id media.
- Kaabalan Mahaletchumy id piluumagan sains nopo nga ginuno do Nature Mastervlass miampai do isido nopo nga pakar di popolombus modul kumaa komuniti saintifik kokomoi woyo di kibagas montok popolombus ponoriukan diolo.[16]
- Nokoimpuun di Mahaletchumy do piipiro dialog id pialatan do saintis om ulama (ilmuwan Silam) montok popisomok jurang toilaan id koduuduo dii. Sundung do okon Silan, ogumu sakadai dau kumaa pogun Silam miampai nokoimbulai topurimanan kokomoi bioteknologi pomutanaman om kosolamatan do taakanon. Inisiatif disido diti pinadalin id suang ponorimoon resolusi i minongunsub pogun-pogun Silam do monorimo om momoguno bioteknologi pomutanaman.[17] Oguno nogi iti montok sukuon do pogun-pogun Silam.
- Pinointutun di Mahaletchumy mogikaakawo ponginsamakan okon tradisional montok mogowit bioteknologi kumaa tulun ginumuan. Iso mantad dii nopo nga maya kopokitanan fesyen. [18] Notorimo om noguno iti kumaa tambalut sojawatan dau mantad Kenya.[19]
- Pinointutun nogi di Mahaletchumy do konsep karnival montok popoimbulai topurimanan kokomoi bioteknologi kumaa tangaanak sikul miampai popohompit diolo id roisol, debat, kuiz, molukis, poster om pialaan momowotik.[20]
- Opurokis nogi i Mahaletchumy do humompit id goos kooturan biokasalamatan di osulimbang.[21] Asaru isido do papaanjul piipiro persidangan om sominar montok popoimbulai topurimanan id tinimungan saintis Malaysia om Asia, ponggubal dasar, pengawal selia om mamaamain industri kokomoi konuruon do kooturan biokasalamataan tumanud sains.
- Pansaramah tatap nogi i Mahaletchumy id sompomogunan montok popointutun agribioteknologi sabaagi kakamot montok kasalamatan taakanon, popoingkuri komiskinan id tinimungan momuumutanom om pombangunan mampan. [22][23][24]
- Mahaletchumy nogi nga pongasas montok Kursus Toniba Asia kokmoi Agribiotechnology, Biosafety Regulations, and Communication (ASCA) id 2018 montok popoimbulai kapasiti montok monggubal dasar om pongawal selia Asia id suang Agribioteknologi moden, sektor mogikaakawo disipin ii kohompit do undang-undang sompomogunan om pogun, sains bioteknologi moden, sosioekonomi om panahangan risiko piluumangan om panarampasan. Pinapasaga o ASCA do pihak toponsol Asia montok popoingkawas diolo id suang gana diti miampai au nuru maganu do pinludaan id USA.[25]
Popoingkawas komuniti India Malaysia
[simbanai | simbanai toud]Mahaletchumy nopo nga songulun poncoramah opurokis id sikul om abaabayan komuniti.[26] Ontok 2023, pinosiliu dau The Petri Dish do milo akses kumaa 525 sikul Tamil id Malaysia maya kousinan ii notorimo dau mantad unit Malaysian Indian Transformation Unit.Pinointutun disido o gayaton lumabus 4 bolikan id boros Tamil,[27] lohowon do Ariviyal Ainthiram montok popointutun kiikiro 80,000[28] tangaanak sikul tosiriba kumaa koburuon STEM do baino miampai tudu montok hinta diolo kumaa gana STEM do timpu dumontol.
Poranan om gaa
[simbanai | simbanai toud]| Jawatan rasmi | |
|---|---|
| Global Coordinator | ISAAA |
| Executive Director | Malaysian Biotechnology Information Centre |
| Editor-in-Chief | The Petri Dish |
| International Consultant on Strategy for Public Participation and Outreach | UN FAO (Sri Lanka) |
| Awards/Nominations | |
| Wiki Impact | 100 changemakers creating real impact in Malaysia, 2024 |
| Tatler | Asia's Most Influential 2023 |
| Wiki Impact | Women Empowerment 2022 |
| Finalist Women of the Future SEA 2019 (mentor) | Women of the Future Awards SEA (2019)[29] |
| Scientific American WorldView 2015 | 100 Most influential person in biotechnology in the world (2015)[30] |
| Women in Biotechnology Law and Regulation[31] | Biotechnology Law Report, Mary Ann Liebert (2015) |
| Great Women of our Time | Malaysian Women's Weekly (2015)[32] |
| Regional Prize for Public Understanding of
Science |
Third World Academy of Science (2010) |
Kalaja
[simbanai | simbanai toud]Kopolobusan
[simbanai | simbanai toud]Kinopolobusan pinili dau:
- Arujanan, M. Effective Communication Strategies for Stakeholder Acceptance of New Technologies in Agri-food Systems (2024) in Food Security Issues in Asia. Paul Teng (editor) https://doi.org/10.1142/13469
- Jones, M.G.K.; Fosu-Nyarko, J.; Iqbal, S.; Adeel, M.; Romero-Aldemita, R.; Arujanan, M.; Kasai, M.;Wei, X.; Prasetya, B.; Nugroho, S.; et al. Enabling Trade in Gene-Edited Produce in Asia and Australasia: The Developing Regulatory Landscape and Future Perspectives. Plants (2022), 11, 2538. https://doi.org/10.3390/plants11192538
- Arujanan, M. (2021) Communicating Genome Editing: Editing the Bloopers from the Past Science Communication Strategies. In. ISAAA. Breaking Barriers with Breeding: A Primer on New Breeding Innovations for Food security. ISAAA Brief No. 56. ISAAA: Ithaca, NY.
- ·Arujanan, M., Shamsuddin, S and Nadzri, F. (2020). Malaysia: Science Communication in a Pluralistic Society. Toss Gascoigne, et. al. (editor), The emergence of modern science communication, ANU Press DOI: http://doi.org/10.22459/CS.2020
- Arujanan, M. and Teng, P. (2017). Legal, Regulatory and Labelling Status of Biotech Crops. pp 46–89. In. Advances in Botanical Research Vol. 86. Eds Jean-Pierre Jacquot and Pierre Gadal. Academic Press Publication. https://doi.org/10.1016/bs.abr.2017.11.019
- Arujanan, M. and Singaram, M. (2017). Biotechnology and Bioeconomy Landscape in Malaysia. New Biotechnology. Doi: 10.1016/j.nbt.2017.06.004. Elsevier.
- Arujanan, M. (2017). Genetically Engineered Crops: Fake News Disappointments. Inter Press Service. News Agency. http://www.ipsnews.net/2017/05/genetically-engineered-crops-fake-news-disappointments/ June 1, 2017.
- Arujanan, M. (2017). March for Science: Agony and Ecstasy of a Malaysian Agricultural Biotechnology Communicator. Genetic Literacy Project. https://www.geneticliteracyproject.org/2017/04/21/march-science-agony-ecstasy-malaysian-agricultural-biotechnology-science-communicator/ April 21, 2017
- Arujanan, M. (2017). Unlocking Asia’s potential in agribiotechnology. Genetic Literacy Project. https://www.geneticliteracyproject.org/2017/02/21/asian-agrobiotechnology-slowed-private-public-sector-tensions-ngo-activism/ Feb 21, 2017
Sukuon
[simbanai | simbanai toud]- ↑ Koshy, Elena (20 April 2025). "Born in a rubber estate, this Malaysian woman is now a global champion for science and equity". New Straits Times.
- ↑ Alexandra Hariri, Richard Gallagher (2015). "The visionaries who continue to reshape biotechnology - and the world" (PDF). Scientific American. Linoyog ontok 16 Nov 2023.
- ↑ https://www.nst.com.my/lifestyle/sunday-vibes/2025/04/1204523/born-rubber-estate-malaysian-woman-now-global-champion
- ↑ "Team". Pinoopi mantad sand̠ad ontok 22 October 2018. Linoyog ontok 8 February 2016.
- ↑ https://bic.org.my/
- ↑ Kamlesh Kumar (27 September 2015). "10 things about: Mahaletchumy Arujanan, biotechnologist putting Malaysia on the world map". Malay Mail. Linoyog ontok 8 February 2015.
- ↑ https://www.nst.com.my/lifestyle/sunday-vibes/2025/04/1204523/born-rubber-estate-malaysian-woman-now-global-champion
- ↑ https://www.nst.com.my/lifestyle/sunday-vibes/2025/04/1204523/born-rubber-estate-malaysian-woman-now-global-champion
- ↑ https://www.malaymail.com/news/malaysia/2015/09/27/10-things-about-mahaletchumy-arujanan-biotechnologist-putting-malaysia-on-t/977131
- ↑ University Malaya. "University Malaya. Thesis and Dissertation Collection". University of Malaya. Linoyog ontok 16 Nov 2023.
- ↑ University of Malaya (2013). "University Malaya. Thesis and Dissertation Collection". University of Malaya. Linoyog ontok 16 Nov 2023.
- ↑ "The Petri Dish". Linoyog ontok 24 Feb 2017.
- ↑ "The Petri Dish". www.thepetridish.my. Linoyog ontok 26 Feb 2017.
- ↑ https://scac.comstech.org/
- ↑ https://sciencemediacentremalaysia.com/about-us/
- ↑ https://masterclasses.nature.com/narrative-tools/18487026
- ↑ Shaikh Mohd Salleh, Shaikh Mohd Saifuddeen (2012). "International Workshop for Islamic Scholars on Agribiotechnology: Shariah Compliance" (PDF). Linoyog ontok 26 Feb 2017.
- ↑ Bernama (20 September 2010). "M'sia to host first-ever Bio-fashion show at MyBio Carnival". Linoyog ontok 26 Feb 2017.
- ↑ Kebic. "Kenya Biotechnology Information Centre". Linoyog ontok 27 February 2017.
- ↑ ISAAA (2010). "MyBio Carnival: Where Passion Meets Fashion" (PDF). ISAAA Org. Linoyog ontok 26 Feb 2017.
- ↑ Ministry of Natural Resources and Environment (2007). "Law of Malaysia, Act 678, Biosafety Act 2007". Linoyog ontok 26 Feb 2017.[noputan di napatai]
- ↑ TEDx (8 August 2016). "TEDx Talk: GMO: Seeds of destruction?". YouTube. Linoyog ontok 26 Feb 2017.
- ↑ Embajada Estados Unidos en México (11 September 2015). "Dra. Maha Arujanan: Lo que necesitamos es tecnología". YouTube. Linoyog ontok 26 Feb 2017.
- ↑ Public Research and Regulation Initiative (7 October 2016). "GM crops in Asia and Vandhana Shiva". YouTube. Linoyog ontok 26 Feb 2017.
- ↑ "APAARI" (PDF).
- ↑ Arujanan, Mahaletchumy. "Facebook". Facebook. Linoyog ontok 27 Feb 2017.
- ↑ https://thepetridish.my/ariviyal-ainthiram/
- ↑ Lists of Tamil national-type primary schools in Malaysia
- ↑ "Women of the Future Awards Southeast Asia Winner & Shortlist 2019".
- ↑ May, Mike (2015). "The visionaries who continue to reshape biotechnology - and the world" (PDF). Scientific American WorldView. 7: 8–21.
- ↑ Holman, Christopher (18 June 2015). "Women in Biotechnology Law and Regulation". Biotechnology Law Report. 34 (3): 107–118. doi:10.1089/blr.2015.28999.
- ↑ Kwong, Elaine (Dec 2015). "Great women of our time 2015". The Malaysian Women's Weekly. Dec 2015: 35–48.