Mohammad Fuad Stephens

 

Muhammad Fuad Stephen,( nosusu i Donald Aloysius Marmaduke Stephen, ontok 14 Manom 1920 - 6 Mahas 1976 ) nopo nga songulun puru politik Malaysia i popoindalan tongguan saabagi Boyoon Montiri Sabah ko-1 om ko-5 mantad Manom 1963 gisom Momuhau 1964 om insan po nakaanu isio popoindalan tongguan saabagi Boyoon Montiri id timpu di otigas mantad Ngiop 1976 gisom timpu minidu pogun isio ontok 3 Mahas 1976 id pogun Sabah. Ontok Madas 1975, minigit isio do Jawatan saabagi Pesuruhjaya Tinggi Malaysia ko-6 id Australia mantad 1968 gisom 1973. Suai ko ii, nokoumbal nogi isio pinoimagon saabagi Huguan Siou koiso toi ko' taang takawas momuruan id tinimungan tulun Kadazan Dusun. Isio nopo diti, kitongguan apangkal saabagi tulun dii minongowit pogun Sabah id Persekutuan Malaysia ontok toun 1963. Sundung po do dii timpuun nopo, sumaap isio kokomoi idia pisaan Sabah id Persekutuan, nga naakun dau iti pibatosan sabab tu katangaban British kokomoi kaadangan pogun Sabah om kookunan diti nogi montok popoidu ngawi tana pinorinta id era pasca Perang Dunia II. Minigit isio jawatan saabagi Boyoon Montiri mantad 16 Manom 1963, nga nokotingkod ontok 31 Momuhau 1964 tu nosonsog do tumingkod om insan po id toun 1976 solinaid 54 tadau tumimpuun 15 Ngiop.

Id maso pangaan koduo saabagi Boyoon Montiri , minidu pogun isio tu nokohompit id suang koligaganan di nointutunan saabagi (Double Six Crash) id Kota Kinabalu Sabah. Maso dii, isio nopo nga susumakai mantad kapal nomad Australia ii nokodunsong om aiso songulun i poimpasi id suang koligaganan diti. Mantad dii, linobong rata dau id Makam Negeri id doros Masjid Pogun Sabah, Kota Kinabalu