Monumen Bajra Sandhi
| Monumen Bajra Sandhi | |
|---|---|
 Kokitanan mantad sawat do monumen Bajra Sandhi | |
 | |
| General information | |
| Kawo | Monumen, muzium |
| Location | Denpasar, Bali |
| Koordinat | 8°40′18″S 115°14′2″E / 8.67167°S 115.23389°E |
| Construction started | 1987 |
| Completed | 2001 |
| Opened | 2004 |
| Owner | Porinta' Bali |
| Management | Muzium Bali |
| Design and construction | |
| Structural engineer | Ir. Ida Bagus Yadnya[1] |
Monumen Bajra Sandhi nopo nga monumen tinggisaman do tulun ginumuan Bali id suang sajara'.[2] Monumen dii nopo nga id dumbangan do Upis Gabenor Bali id Denpasar, Indonesia, id pulau Bali. Winonsoi o monumen dii ontok 1987 om pinoimagon di Presiden Megawati Sukarnoputri ontok 14 Mahas 2003.
Struktur
[simbanai | simbanai toud]Monumen diti nopo nga kibontuk do apat pasagi tapat, om tumanud prinsip seni bina "Tri Mandala." Haro tolu boogian:[2]
- Utama Mandala, bongunan toponsol id tanga' do monumen
- Madya Mandala, natad id suang i monorili do Utama Mandala
- Nista Mandala, natad id labus monorili do Madya Mandala
Bongunan toponsol, Utama Mandala haro tolu timbau.[2] Timbau id siriba, Nistaning Utama Mandala haro linimput pomuruanan, longkod pambasaan, om dewan kopokitanan. Id tanga' do timbau siriba nopo nga haro tasik i roitan do Puser Tasik. Timbau kumoiso, Madyaning Utama Mandala haro 33 diorama i miagal i haro id Monumen Nasional id Jakarta nga fokus kumaa tinggisaman do tulun Bali. Diorama dii nopo nga kokomoi mogisuusuai kinaantakan id suang sajara' do Bali kaampai no kerajaan Bali, kopointutunan do ugama Hindu, timpu Majapahit, kolonialisme Belanda, om tinggisaman montok kagabasan. Timbou kumoduo nopo nga liwang meditatif i haro kokitanan do panorama Denpasar.
Sajara'
[simbanai | simbanai toud]Monumen diti nopo nga winonsoi ontok toun 1987 om noukab kumaa tulun ginumuan ontok toun 2004. Monumen dii mongobi do sajara' tanaru do tinggisaman tulun Bali, ii nopo nga pencerobohan Belanda ontok toun 1906 om 1908. Mantad pencerobohan dii, noiduan ginawo o 1,000 tulun Bali, kogumuan nopo nga tulun awam kaampai no pomorinta' Bali id Badung om Tabanan. Iti nopo nga soboogian mantad 6 kohompitan Belanda id Bali, i bobos wagu.[3] Tugu dii nopo nga mobi do tinggisaman di monorili do kolonialisme Belanda, i noruan do nokomi sabap do impohon-impohon dau loolobi no id pulau-pulau koibutan, miampai do sukuon sajara' ugama pogulu do penjajahan Belanda miagal do kopointutunan ugama Hindu.
Sukuon
[simbanai | simbanai toud]- ↑ Ira Rachmawati (23 August 2015), Belajar Sejarah Bali di Monument Bajra Sandhi (id boros Indonesia), linoyog ontok 20 March 2019
- ↑ 2.0 2.1 2.2 "Objek Wisata Monumen Bajra Sandhi di Denpasar Bali". www.balitoursclub.com. Linoyog ontok 2023-05-11.
- ↑ Hanna, Willard (2012). Bali Chronicles : Fascinating People and Events in Balinese History. Adrian Vickers. New York: Tuttle Pub. ISBN 978-1-4629-0211-8. OCLC 779828728.