Muzium Blanco Renaissance

Museum Blanco Renaissance
	Museum Blanco Renaissance
Established	28 Momuhau 1998
Location	Jl. Raya Campuhan, Sayan, Kecamatan Ubud, Kabupaten Gianyar, Bali
Type	Museum seni lukis
Website	Situs Museum Blanco Renaissance

Museum Blanco Renaissance nopo nga' iso muzium id Ubud, provinsi Bali, indonesia. Kinoingkakaton do muzium diti nopo nga' gama do kosionuan di Antonio Blanco, songulun polukis montok popoingkakat iso muzium, om nokoimbulai miampai pinungaranan do The Blanco Renaissance Museum.

Sajara

Mantad di umul 5 toun, pinopokito o i Antonio Blanco do rahi dau kumaa koinusan boros om nogi sastara. Kaanu nogi isio moboros momoguno 5 boros: Indonesia, Perancis, Sepanyol, Tagalog, om boros watas Bali om nogi sabaagi songulun momolukis do bontuk tinan tondu. Maamaso minsingilo kokomoi pomolukisan, minaganu iso do koutuson montok mion id bali di toun 1952.^[1]

Kosionuan disio montok papaharo iso muzium osomok o ogonop soira nonuan di Raja Ubud i Blanco do iso tana id Campuan, Ubud montok pamansayan do walai om nogi studio montok pomolukisan. Sundung pia nokoingkakat no di toun 1998, pongukaban muzium miampai rasmi nopo nga' nokoindalan di 15 Manom 2001, maamaso tadau kinouliton kinosusuon disio.

Bangunan om koleksi

Museum Blanco nopo nga iso kompleks i popotounda do koumatan montok ralan koinusan. Tutumombului kaanu mogintong do studio, galeri, kadai tutungkap, longkod pambasaan, kafe, amfiteater, om kuil paganakan di Blanco.^[2] Ukaban o Muzium Blanco Renaissance monikid tadau mantad pukul 9 kosuabon gisom 5 sosodopon. ^[3]

Studio

Studio nopo nga' iso liwang karajaan di Antonio Blanco montok momonsoi lukisan, om baino nopo nosiliu do liwang karajaon di tanak disio, Mario Blanco. Kiwaa piipiro litograf om buuk kokomoi Don Antonio Blanco montok pojualon id studio. Karya koinusan di Mario nopo nga montok pojualon om karya-karya sandad di Don Antonio Blanco nosiliu sabaagi soboogian do koleksi kakal muzium.

Galeri

“A thing of beauty is a joy forever” poingukir id limput galeri om nosiliu do pananda' kumaa galeri i popokito do kolumison koinusan i winonsoi do paganakan Blanco. Popokito o galeri diti kokomoi mikrokosmos pomogunan Don Antonio Blanco om haro nogi inus winonsoi miampai di dan Mario.

Longkod pambasaan

Tutumombului nogi nga' alapon montok mingintong miampai poinggonop do koinusan dii miampai tumombului id longkod pambasaan hinonggo soboogian tagayo do koleksi buuk nopo nga' kokomoi koinusan om nogi koubasanan. piipiro buuk id koleksid diti kokomoi do pamagayatan kumaa inus Don Antonio Blanco om Mario Blanco. Longkod pambasaan diti nogi nga mogiolon-olon do buuk miampai mogikaakawo muzium pointongkop do pomogunan.

Sukuon

↑ Rizky (2018-11-09). "Museum Blanco, Menikmati Maha Karya Pelukis Internasional". NativeIndonesia.com (id boros Inggeris AS). Linoyog ontok 2020-02-07.
↑ Don Antonio Blanco & Mario Blanco Press Kit 2007. Ubud: The Blanco Renaissance Museum. 2007.{{cite book}}: CS1 maint: url-status (link)
↑ "United States Naval Academy". Pinoopi mantad sand̠ad ontok 2022-06-6. Linoyog ontok 2022-09-23. {{cite web}}: Check date values in: |archive-date= (help); Unknown parameter |dead-url= ignored (|url-status= suggested) (help)

Noputan labus

Situs Museum Blanco Renaissance

[1] Rizky (2018-11-09). "Museum Blanco, Menikmati Maha Karya Pelukis Internasional". NativeIndonesia.com (id boros Inggeris AS). Linoyog ontok 2020-02-07.

[2] Don Antonio Blanco & Mario Blanco Press Kit 2007. Ubud: The Blanco Renaissance Museum. 2007.{{cite book}}: CS1 maint: url-status (link)

[3] "United States Naval Academy". Pinoopi mantad sand̠ad ontok 2022-06-6. Linoyog ontok 2022-09-23. {{cite web}}: Check date values in: |archive-date= (help); Unknown parameter |dead-url= ignored (|url-status= suggested) (help)

[1]

[2]

[3]