Nominalisme

William of Ockham, moninimpuhun do pomusarahan nomalis

Nominalisme nopo nga iso gana toilaan falsafah om teologi it nokoumbulai maso pintanganan abad ko-12. Nominalisme poposotol do toinsanai pomusarahan toi ko konsep sandad nopo nga kaanu monuku do ahal realiti. Toinsanai pomusarahan nopo nga aasil mantad boboroson no, ahal diti id suang latin nopo nga olohou do nomina. Boboroson di nopo kaka nga nokoimbulai montok uhu mongulud do kopogiususaian tongoulun. Ahal realiti nopo nga nohuyad sabaagi iso winoun di au miagal om au milo piiso'on id iso kawo konteks sandad. Sabab otumbayaan oo momomusorou maya pomusarahan diti do konsep sandad au kaanu potolinahas do iso-iso ahal id huyadan di bobos otopot. Nga tutuduk mantad Alkitab miampai Wahyu dau otorimo sabaagi iso pomusarahan di kosuku do ahal realiti sabab tu mantad Kinoringan. Iri nogi tu Nokoboros ii William om ii Gabriel Biel do waya pomusarahan diti nakaanu mangarahung di Martin Luther om tinimungan Positivisme moden do au monorimo do hak asasi sundung pia okon ko popohompit do karajaan.