Nunuk Ragang

Nunuk Ragang

Nunuk Ragang nopo nga kinoyonon doungguugulu di notinduon sabaagi nimpusadan sandad do taki om todu tulun Kadazan-Dusun, di ogumu poingiyon id ponong koibutan Borneo . Kinoyonon dilo nopo nga poinsomok do iso kampung pomungaranan do Tampias, poinwili id simpang gibang (Liwagu Kogibangan) om wanan (Liwagu Kowananan) cawangan Sungai Liwagu id kosilahon Ranau omTambunan id Sabah. Mogiiso o koduo-duo bawang lumuyung kumaa Sungai Labuk luminuyung sumoliwan kumaa Laut Sulu. Noimpohon kinoyonon diti id siriba do puun nunuk tagayo, om noboros do kaanu manahak kolungungan kumaa iso lamin tanaru di kiwaa 0 10 paganakan id suang dii. Legenda kokomoi Nunuk Ragang pinoDiasaskan di bawah pokok beringin gergasi, dikatakan mampu memberi teduhan kepada sebuah rumah panjang yang mempunyai 10 keluarga di dalamnya. Legenda tentang Nunuk Ragang telah diturunkan melalui tradisi lisan kepada generasi muda. Tiada penggalian arkeologi telah dijalankan untuk membuktikan kebenaran legenda itu.

Etimologi

Pointanom no kopio o istila Nunuk Ragang di kirati do "puun nunuk taragang" id pomusarahan do tulun Kadazan-Dusun. Noboros kaka do id pogulu po, poingiyon om taki om todu do tulun Kadazan-Dusun id iso walai tanaru di poinwili id pogirubaan do Bawang Liwagu Kogibangan (ponong gibang), Liwagu Kawananan (ponong wanan) om Bawang Labuk. Kiwaa o hopod tontobon paganakan id walai dii id siriba do iso puun nunuk tagayo poinragang.

Gisom dinondo, aiso po o ponoriukan arkeologi di nowonsoi id kinoyonon do Nunuk Ragang om aiso nogi ruputan kokomoi kokunamaan nuununu relik arkeologi montok popohinta kinohoroon tulun kuno do Nunuk Ragang. I haro nopo nga tungkusan tangon doh guluh guluh (susuyan dongugulu do taki om todu) di pointanom id pomusaahan om "sagiaan fisikal" (dapu tontok toinsanan) di pinobagi-bagi id pialatan diolo di nuru gompion do tikid tinaru gisom do tadau baino.

Kalaja tikid tadau do tulun donggulu-gulu do Nunuk Ragang nopo nga magasu om monimung asil talun, mooi pokisada, om pokibirid. Mananom-nanom nogi yolo do kinotuon, ii nopo nga woih, guol om mundok. Aiso po i manaananom do parai ontok dii. .

Pokito pogisosompuran mitoluod om pogiuhupan mitatabang o tulun dongguugulu Kadazandusun soira popoindalan do timbaba'on om tonggungan diolo sondii. Pogulu patatap do timbaba'on om tonggungan, papaharo yolo do pitimburungakkan ii no pogibaabarasan montok papatantu disai paganakan toi ko i mion walai honggo di kitonggungan montok paparalan isoiso gana timbaba'on. Amu oilaan toun piro po di totopot poingiyon o todu om taki do tulun Kadazandusun id Nunuk Ragang. Poingkuro po, soira nowonsoi iso projeksi tumanud di naaga do tikid walai kiwaa 5 o tulun, om momoguno do kadar kogoyoon purata 1.7 piatus tikid toun, monto dii id timpu pikiikiro do 600 toun, ginumu tulun do Kadazan- Dusun id Sabah nopo nga korikot do 500,000 tulun. Mogowoit iti dati gumuli kawagu id pialatan toun 1590 – 1610 do poingiyonon pogulu Nunuk Ragang. Banci kependudukan 2010 popokito do kiwaa 555,647 o tulun Kadazan-Dusun idSabah.