Pedagogi

Pedagogi nopo nga ponoriukan kokomoi do pongiaan poimbida id pondidikan formal. Id boros suai nopo nga, iso sains om inus kokomoi woyo mongia id sikul. Maya umum, pedagogi nopo diti nga iso mato balajalan ii minog montok diolo i sumiliu mongingia id sikul. Sabaagi do iso gana ponoriukan di agayo, pedagogi nopo nga popohompit do ponoriukan kokomoi proses pongiaan om pinsingilaan, panarampasan do linimput pongiaan, organisasi sikul om nogi pitimbungakan do mongingia-tangaanak.

Maya etimologi, hogot Pedagogi nopo nga mantad boros Yunani paidagogos, ii papaatod om mogongoi tangaanak id sikul. (intangai Paideia.) Hogot “paida” sumuku kumaa tangaanak, i sumiliu sabab do soboogian tulun aanangan do popisuai do pedagogi (mongia' tangaanak) om Andragogi (mongia' do tulun nosukod). Hogot Yunani montok pedagogi, pondidikan, gunoon miampai alaab, om kosoruan milo pisowolionon.

Taksonomi Bloom

Pedagogi moden koinsoruan papabaagi fungsi pongiaan kumaa tolu gana, i komoyon do taksonomi Bloom. Tumanud taksonomi Bloom, abaagi o pongiaan kumaa:

Gana Kognitif
Kokomoi aktiviti mental miagal do korotian, toilaan om pomorindakan.
Gana Afektif
Kokomoi kowowoyoo om sahsiah.
Gana Psikomotor
Kokomoi do aktiviti fizikal miagal do kabaalan poimpasi, pertukangan, om sipoot.

Kotolu-tolu do gana diti kiwaa koulalaho sondii, nga id suang pongiaan-pinsingilaan semula jadi, koubasanan do aiso kopogisuayan do ahal diti. Poomitanan, soira mongia' songulun mongingia' do tangaanak monuat, minog do ia'on ii do woyo mongigit pinsil (gana psikomotor); bontuk pimato om rati(gana kognitif); om nogi minog mamagayat rahi diolo do minsingilo monuat (gana afektif).

Uhu id suang pedagogi

Pedagogi nopo nga iso koilaan di agayo om aralom. Milo ii boogion kumaa duo boogian agayo ii no:

Koubasanan nopo, sosongulun i sumiliu do mongingia' kawaya koduo-duo gana diti pogulu osiliu do mongingia'. Sundung do ingkaa, nuru nogi minsingilo kokomoi panarampasan linimput balajalan, organisasi sikul, kurikulum sikul, woyo mongia', Interaksi Mongingia'-Tangaanak om suusuai po.

Noputan Labus

https://web.archive.org/web/20021127070838/http://www.geocities.com/nikzafri/pedagogi.html https://web.archive.org/web/20060824031503/https://www.det.nsw.edu.au/media/downloads/languagesupport/qualteach_nswps/quali_teach_ind.pdf https://web.archive.org/web/20020707221858/http://sekolahbestari.hypermart.net/pedagogi.htm Archived 2002-07-07 at the Wayback Machine

[ http://eprints.utm.my/17079/ Archived 2012-07-08 at the Wayback Machine Tahap pengetahuan pedagogi kandungan pelajar pendidikan fizik UTM dan hubungannya dengan pencapaian dalam latihan mengajar ]