Protokol (diplomasi)

Montok mongintong id Sains Komputer, sukuo' o Protokol komputer.

Protokol nopo nga etika diplomasi om hal ehwal negeri. Suai ko' ilo', noilaan nogi o protokol diti do suusukuon di papatantu do laang popoindalan do iso-iso aktiviti. Ontok di pogulu po, panandatan do protokol nopo nga noguno loolobi po id gana diplomatik om polinta sabaagi pogumbalan do papatatap garis sukuon aso tulis. Ontok di abad ko duo nohopod om iso, hogot do 'protokol' nopo diti nga sumuku loolobi po id gana do komputer om nogi protokol komunikasi. Id suang do kooturan antarabangsa om piromutan antarabangsa, protokol nopo nga pisagaan toi ko' ruhang pibatasan antarabangsa kumaa pibatasan antarabangsa toi ko' pisagaan antarabangsa di pogulu po. Okon ko' ilo' no, protokol diti nogi nga kaanu popoinsonong do pisagaan di pogulu po toi ko' kaanu momoruhang ruhang poruntukan (provisions).

Puru kumaa pibatasan pogulu amu minog do monorimo protokol ; Sumonu nopo nga potolinahason iti miampai do popoilo sabaagi do 'protokol pomilian', loolobi po do kogumuan nopo do tulun sandad pibatasan gulu diri nopo nga amu monokodung do protokol diri. Piipiro poomitanan : minonuridong o United Nations Framework Convention on Climate Change (UNFCCC) do rangka karaja montok popoburu do had kopolobusan gas di wajib do poindalanon. Protokol Kyoto nopo nondo nga kiharo do had di nookunan.