Sharifah Abu Salem
Sharifah Abu Salem | |
|---|---|
| Momogun | Malaysia |
| Kalaja | Editor Kanan Kumpulan Karangkraf Sdn Bhd, Penulis novel & skrip drama |
Sharifah Abu Salem nopo nga songulun monunuat novel om skrip id Malaysia.[1]
Sharifah Abu Salem nopo nga monunuat novel i minapaasil novel miagal do Salam Taj Mahal, Tak Seindah Mimpi, Pesona Rindu om Janji Diana. Baino, okon nopo ko ointutunan sabaagi novelis, nga ointutunan nogi ngaran dau sabaagi monunuat skrip drama-drama kinoyonon i posolimbahon id televisyen.
Mimpuun i Sharifah Abu Salem do monuat skrip drama radio ontok di 16 toun, pogulu minundaliu monuat novel. Suai ko novel, mimparagat nogi i Sharifah Abu Salem do monuat skrip drama, miagal do drama Asmara, Nenek Kebayan, Gelora Di Hati Sara 1 & 2, Isabella, Kasih, Rahsia Demi Rahsia, Cik Yah Balik Kampung, Julia, Anakku Nik Aziz, om Misteri Karina, id nombo oinsanan nopo skrip drama dii nga sinuat disido.
Ogumu buuk sinuat dau i pinosiliu do drama, miagal do drama Biar Rindu Berlalu mantad novel miampai uhu di miagal, pinalabus do Bright Network Sdn Bhd om drama Trilogi Cinta nopo nga adaptasi mantad novel Tak Seindah Mimpi, Tak Semanis Impian om Tiada Lagi Mimpi i pinalabus do Suhan Movies & Trading Sdn Bhd.[2]
Sabaagi Editor Kanan id Kumpulan Karangkraf Sdn Bhd, minamara isido do akawwas pokionuon montok adaptasi novel. Gisomi 2010, soginumu 14 novel sinuat disido i nosiliu adaptasi montok drama. Sundung do atangkangau monuat skrip, kakal isido mongolu timpu montok monuat do novel. Nga panatalan kopio nopo dau nga poinlobi id ponuatan skrip.
Ahal nopo dii nga ingkaa tu duo no novel di nuru disio suaton doid timpu sontoun tumanud kontrak miampai syarikat kopolobusan Alaf 21. Nokoumbal i Sharifah nakatanud kursus intensif ponuatan kreatif om kewartawanan id Universiti Sains Malaysia (USM) sesi 82/83 id siriba tapanai Dr Fatimah Busu, Prof Emeritus Datuk Dr Shahnon Ahmad.
Nokotorimo isido Gaa Poimbida i pinotunui do bagas Luguan Montiri, Datuk Seri Najib Tun Razak ontok Madas nakatalib tu osomok do 1 riong o karya dau nokoboli. Suai ko ii, nokotorimo nogi isido gaa Gold Club mantad Kumpulan Karangkraf Sdn Bhd ontok Ngiop nakatalib.
Buuk
[simbanai | simbanai toud]- Masihkah Ada Kasih[3]
Skrip Drama
[simbanai | simbanai toud]- Kamar Kamariah (2019)