Sheila Rusly
Sheila Rusly | |
|---|---|
| Kinosusuon | Sheila binti Rusly Manom 18, 1971 |
| Pondidikan | Sijil Pelajaran Malaysia (SPM) |
| Kalaja | Minggagaso, mimingkono, popolombus ababayan, penerbit |
| Toun mimparagat | 1986–dinondo |
| Sawo | |
| Tanak | 2 |
Sheila binti Rusly (nosusu ontok 18 Manom 1971) nopo nga songulun minggagaso, mimingkono, momuruan ababayan om penerbit Malaysia. Kipusakag Melayu-Minangkabau (tapa) om Cina (tama) , mimpuun isido mimparagat id gana inus mantad di 1986 ontok di 16 o toun.[1][2]
Karaja
[simbanai | simbanai toud]Ontok di timpuunon i kinoimbulayan disido,[3] insaru i Sheila mingkono id siriba ponuhuan minggagaso ointutunan A. R. Badul. Numaan di Badul asa'o kabaalan komedi disido gisom nosiliu minggagaso tondu bobos ointutunan id Malaysia.
Mulong po alaid no mingkono, minonigowo nokoinsawat o populariti di Sheila kalapas nokoimbulai id suang trilogi Enot ontok toun 2002. Pinsingkanaan disido di osuhatan (bersahaja) minoposiliu disido sabaagi songulun mantad aktres komedi bobos kirahung. Sheila nogi kaka nga minggagaso tondu koiso do Malaysia i nakalantoi nosiliu ponindak do kulit gulu majalah fesyen.
Sundung oinsanan nopo filim pinsingkanaan disido nga kigenre komedi, aparagat nogi i Sheila id TV maya kono drama. Kono nopo disido di pirait-rait nga nagakom (banduan) tondu id suang drama Sebuah Ijtihad om Cinta Si Penggali Kubur (tondu di naraag kowowoyoo).
Id layar perak, osorou i Sheila maya kono komedi dau id suang filim MX3 miampai minggagaso i Saiful Apek. Piomungan di Sheila om Saiful meledakkan panggung om nohondom yolo sabaagi minggagaso bobos abantug id suang filim Melayu. Maya filim dii, nakaanu nogi i Sheila do gaa' Pelakon Komedi Terbaik di Festival Filem Malaysia ke-17. Maya filim Pontianak Menjerit (2005), nokotorimo isido nominasi sabaagi Pelakon Wanita Terbaik Dalam Watak Pembantu id Festival Filem Malaysia ke-18. Nointutunan nogi i Sheila soira nakaampai di Afdlin Shauki id suang filim Diva Popular.
Dinondo nopo nga aparagat i Sheila sabaagi papalabus (penerbit) om ogumu drama i kikualiti nakalabus montok kosolimbahan televisyen tempatan. Maya drama Sebuah Ijtihad, nakalantoi o produksi di Sheila nakaanu gaa' Drama Terbaik id Anugerah Skrin 2007.
Sukuon
[simbanai | simbanai toud]- ↑ Tahir Alhamzah (22 Februari 2018). Hard to find new talent with merit, says Sheila New Straits Times. Dicapai pada 14 Jun 2019.
- ↑ #Showbiz: There is a thin line between honest opinion and rude remarks, says Sheila Rusly New Straits Times (28 Mei 2020). Dicapai pada 6 Jun 2020.
- ↑ Dia cakap saya dah cukup manis, minum air mineral je, tak payah ABC Astro Awani. 29 September 2018. Kinoyog ontok 1 Gumas 2018.