Sosiologi
Sosiologi nopo nga iso ponoriukan kokomoi ukum tulun ginumuan om proses kokomoi idi; om i milo boroson sabaagi puru tinimungan tulun).
Tumanud teori, asaru pikoitan o sosiologi kumaa ponguhatan kokomoi tongoulun id isoiso tinimungan tulun. Kirahi o sosiologi do woyo dati sabaagi tulun; toi ko i otigas nopo nga monoriuk do piromutan tulun, id nonggo id pogulu nopo daa nga amu kopitutun kumaa id iso taang di lobi proses sosial sejagat.
Kopointutunan
[simbanai | simbanai toud]Nokoimbulai o sosiologi aantakan abad ko-19 di nosorou sabaagi iso koimaan tisuli akademik kokomoi woyo kemodenan; soira moro koro o pomogunan om lobi kosompuru, pongintangan koposion tongoulun kokomoi pogun nga modo kodo om rumalad. Kilansanon o puru sosiologi do maya toilaan diri, kaanu tokou do lobi karati roromu di pogirot piisaan (mogihum piiradan) id pialatan dotokou, om nogi momontuk 'pongolingos' kumaa pitongkiadan toi ko' kobolingkahangan moral tulun ginumuan.
Monoriuk o tongososiologi do baino do struktur makro di momontuk om manarampas tulun ginumuan, miagal ko tinaru toi ko etnik, kelas masyarakat om tonggungan gender om institusi miagal ko paganakan; proses sosial, di mongobi do pagalayan mantad toi ko korumbakan, struktur diti kohompit no karaatan om pitongkiadan; om proses tokoro miagal ko pibarasan interpersonal.
Asaru puru sosiologi do tumanud kumaa kaida kuantitatif montok monolinahas do wotik piromutan sosial om montok momonsoi model-model di milo monguhup do mangaga' kosimbanan sosial om bagas dau kumaa tongoulun. Sasatanga' puru do sosiologi kipomusarahan do kaida kualitatif (miagal ponurubungan, pibarasan id tinimungan om kaida etnografi) kaanu manahak kopomorotiandi lobi aralom kokomoi proses sosial. Laang di bobos tosonong nopo nga momoguno koduo-duo kaida. Kootusan mantad koduo-duo diti milo gunoon montok popogirot tonsi id tiso om tiso. Poomitanan, kaida kuantitatif di milo popotolinahas wotik om sosial, daamot diri kaida kualitatif milo monguhup do mamarati poingkuro sosongulun tulun sumimban kotimbaba' do kosimbanan sosial.
Sajara
[simbanai | simbanai toud]Wagu po o gana ponoriukan kotipong do gana sains sosial sua kohompit no o ekonomi, sains politik, antropologi om psikologi.
Noporunan o guason diti di Auguste Comte, di kilansanon montok poposompuru toinsanan ponoriukan kokomoi tulun kohompit no sajara, psikologi om ekonomi. Skema sosiologi dau nopo nga i koubasanan no montok abad ko-18; otumbayaan isio do oinsanan koposion tulun nakawaya taang sajara di misuai kopio om dokiro sosongulun di karati do proses diri, sosongulun diri milo papaasil polingos montok toinsanan kobolingkahangan toruol sosial.
Id dohuri nopo nga, sosiologi diti amu mongolon sains sosial di suai nga iso no mantad ilo miampai manahak panatalan di sondii kokomoi subjek om kaida. Tadau diti, ponoriukan sosiologi monoriuk panarampasan tulun om institusi sosial, kogumuan maya kaida piadangan. Poinlongkod iri kumaa organisasi komples tinimungan pengilangan (industrial society).
Toidan Labus
[simbanai | simbanai toud]- Persatuan Sosiologi Antarabangsa (ISA)
- SocioSite di Universiti Amsterdam
- Teori sosial untuk peminat budaya popular
- Cebisan sosiologi
- Panduan Menyeluruh untuk Sosiologi oleh Julian Dierkes
- Persatuan Sosiologi Gunaan Archived 2005-05-19 at the Wayback Machine
- Projek Penyelidikan Perubahan Sosial Sejagat
- Kaedah-kaedah Penyelidikan Sains Sosial Archived 2005-12-01 at the Wayback Machine
- Tutorial untuk Sosiologi Pengiraan di Institut Bandung Fe.
- Karektor fizikal dan sosio-budaya bandar