Susanna Perini
Susanna Perini nopo nga' songulun mamalan bangkad om moninimung inus i poinlongkod id pulau Bali, Indonesia. Isido no i minonimpuun do jenama BIASA[1] om lembaga inus BIASA ArtSpace. Maya sokodung dau kumaa kopoinlaaban do fesyen om inus id Indonesia, nakaanu isido do pomoroitan Knighthood of Order of Merit of the Republic mantad pomorinta Italia di toun 2017.[2]
Toun-toun kotimpuunon
[simbanai | simbanai toud]Nosusu id paganakan mamalan fesyen id Roma, Itali, nokointutun i Perini do fesyen mantad di tokoro po. Kalapas mininsingilo do antropologi montok sarjana, mininsingilo i Perini do fotografi om minongoi id bali, Indonesia montok kalaja mantad majalah IO Donna. Nagayat ginawo disido do koubasanan pulau tropis diti, mantad kopogikaakawaan do upacara kaadat-adato gisom ahal kokomoi koubasanan om rasuk tradisional. Au alaid mantad dii, minaganu koutuson i Perini montok mion id Bali om minanansawo miampai songulun pereka mantad Amerika, i Paul Ropp. Kalapas nosusu o 2 tanak diolo, i Nova Ropp om Sayang Ropp, miniada yolo.[3]
Bangkad Winonsoi
[simbanai | simbanai toud]Di toun 1994, minongukab i Perii do butik rasuk BIASA kumoiso id Seminyak, popointutun do woyo tropis momoguno do kain linen topurak. Antakan dii, poimponu po o Seminyak miampai ranahon di otomou om okuri po o butik. Kinoburuon do jenama dii nogi nga osonong kopio, gisom nokorikot do onom kadai id Bali om iso kadai id Kemang, Jakarta Selatan.[4] Mantad koinsanai kadai id kinoyonon di, kiwaa BIASA+, sabaagi butik fesyen om inus.
Inus
[simbanai | simbanai toud]Maya pogibaabarasan do surupu seniman id Indonesia, pinopoingkakat i Perini do BIASA ArtSpace di toun 2005.[5] Lembaga diti kitudu do monokodung seniman Indonesia montok ointutunan do moninimung inus id suang om labus Indonesia. [6]
Maya BIASA ArtSpace, minonguhup i Perini do pinapadalin om minoncetak piipiro ulasan kokomoi karya-karya sastara mantad do pongkritik Itali, Achille Bonito Oliva, pinotimpuun mantad di "Thisoriented. 2nd Stage" (2009) sabaagi iso ulasan kokomoi inus fotografi mantad magaganu gambal Italia Matteo Basilé i pinokito id BIASA ArtSpace.[7] Duo toun potilombus, pinoposoliwan i Perini do "Seni Setelah Tahun Dua Ribu" (2011), koleksi pongintangan Oliva kokomoi koinusan di toun 2000.
Di toun 2016, pinoposoliwan i Perini do iso koleksi poimbida i roitan do WEARART,[8] i minongadaptasi karya koinusan mantad artis monikid musim kumaa do rasuk kaftan.
Suai ko' BIASA ArtSpace, Perini miampai personal nogi nga' manahak sokodung kumaa seniman multimedia kontemporari miagal di Laurent Montaron, Keren Cytter om Enrique Ramirez.
Sukuon
[simbanai | simbanai toud]- ↑ "The 'Made in Indonesia' Opportunity". The Business of Fashion (id boros Inggeris British). 2017-11-14. Linoyog ontok 2019-11-05.
- ↑ "Feminista! • The Yak Online". The Yak Online (id boros Inggeris AS). 2019-08-30. Linoyog ontok 2019-11-05.
- ↑ Royo, Alessandra Lopez y (2019-10-31). Contemporary Indonesian Fashion: Through the Looking Glass (id boros Inggeris). Bloomsbury Publishing. ISBN 9781350061316.
- ↑ Ellwood, Mark (2018-10-25). "On Bali, a Retail Scene That's Equal Parts Varied and Vibrant". The New York Times (id boros Inggeris AS). ISSN 0362-4331. Linoyog ontok 2019-11-05.
- ↑ "Biasa Art Gallery Jakarta - One of The Best Activities in Jakarta". jktgo.com (id boros Inggeris AS). Pinoopi mantad sand̠ad ontok 2019-11-05. Linoyog ontok 2019-11-05.
{{cite web}}: Unknown parameter|dead-url=ignored (|url-status=suggested) (help) - ↑ Dharma, Annisa (2016-02-23). "A Life Less Ordinary". Annisa Dharma, copywriter & content strategist. (id boros Inggeris). Linoyog ontok 2019-11-05.
- ↑ Media, Exquisite. "Susanna Perini Indonesia's Resort Lifestyle Muse | Asia Dreams" (id boros Inggeris AS). Linoyog ontok 2020-01-10.
- ↑ "BIASA–The WEAR-ART Project". Sugar & Cream (id boros Inggeris AS). Linoyog ontok 2019-11-19.