Tadau Piniombolutan
Mantad Wikipedia, ensiklopedia obibas.
Tadau Piniombolutan (ointutunan nogi sabaagi Tadau Piniombolutan Kabansaan toi ko' Tadau Tambalut) nopo nga tadau id piipiro pogun montok mamaramai piniombolutan. Tadau diti pinointutun industri kaad pason ; hinta mantad laman sosial popokito gaab montok Tadau Piniombolutan di nasarabak maya intonet id piipiro pogun miagal do India, Bangladesh om Malaysia. Tolipaun kandai, komunikasi digital om media sosial di popoingkawas kapasarabakan koubasanan diti. Pinosarabak koubasanan diti id Asia Selatan maya popionit koubasanan tadau mamantang tongotambalut mantad Amerika Syarikat ontok toun 1935.
Sajara
[simbanai | simbanai toud]Tadau Piniombolutan pinotimpuun di Joyce Hall, id Paraguay ontok toun 1958. Tadau dii nopo nga tadau koundarangan di popohompit karamayan piniombolutan mantad koundarangan global. Tadau wulan karamayan diti nopo ontok 2 Magus nga pinoundaliu mooi 7 Magus tumanud iso kobolingkahangan id Amerika Syarikat.
Ontok Tadau Piniombolutan id toun 1998, Nane Annan, sawo Monunuat Agung PBB Kofi Annan, manahak gaa kumaa Winnie the Pooh sabaagi Duta Piniombolutan Sompomogunan id Koisaan Bansa - Bansa Miiso. Abaabayan diti pinaharo Jabatan Toilaan Awam PBB om komponi Disney, om Kathy Lee Gifford sabaagi ponorikohon abaabayan.
Tadau Piniombolutan Global koinsan pinosogu ontok 20 Madas 1958, di Dr. Ramon Artemio Bracho ontok makan totuong miampai tambalut id Puerto Pinasco, id iso kakadayan id Bawang Paraguay 200 watu id koibutan Asuncion, Paraguay.
Ontok pitimungan dii, World Friendship Crusade nokotimpuun. World Friendship Crusade nopo nga impohon di popoingkawas piniombolutan om piopinaian miampai toinsanan tulun amu moginton tinaru, warana kulit toi ko' ugama. Mantad dii, 30 Madas ramayon sabaagi Tadau Piniombolutan id Paraguay monikid toun om gunoon nogi id piipiro pogun suai.
World Friendship Crusade mokianu PBB solinaid piipiro toun montok papaharo 30 Madas sabaagi Tadau Piniombolutan Sompomogunan om montok toun 2011, Pitimungan Agung Koisaan Bansa - Bansa Miiso popoutus 30 Madas sabaagi Tadau Piniombolutan Kabansaa ; om mangalap toinsanan Puruan Pogun montok mamaramai Tadau Piniombolutan Kabansaan tumanud koubasanan tinaru sandad om kabansaan, kohompit no pondidikan om abaabayan popoingkawas gaab tulun ginimuan mamaramai tadau diti.