Tambanuo
| Total population | |
|---|---|
| 15 0000 | |
| Regions with significant populations | |
 Malaysia(Sabah) | |
| Boros | |
| Tambanuo, Sungai, Malayu | |
| Ugama | |
| Islam (majority), Kristian, Animisme | |
| Related ethnic groups | |
| Orang Sungai, Kadazan-Dusun |
Tombonuo nopo nga iso mantad 40 tinaru mamasok Sabah i pointayad id suang Persatuan Kebudayaan Kadazandusun Sabah. Momoboros do tinaru diti nopo nga poinsuang id booyungan boros Paitanik.
Kiwaa tinaru Tag Banua (Tulun Banua) mantad Kepulauan Palawan id Filipina om ii nopo kaka tinaru nga mantad hilo o tadon. Pawang/shaman toi ko' luguan ugama Pagan montok tulun Tagbanua (Palawan Filipina) ointutunan sabaagi Bobolizan om Luguan Ugama tinaru Tombonuo nopo nga lohowon sabaagi Bobohizan.
Tinaru Tombonuo nopo nga poingion id Pantai Timur Sabah miagal do Pitas (Kg. Dandun, Kg. Saab, Kg. Sumbilingon, Kg. Sungai Eloi, Kg. Bangkau - Bangkau, Kg. Tombilidon, Kg. Pandan Mandamai), Paitan, Sandakan, Beluran, Labuk, Sugut, Kinabatangan om Beaufort.
Nontodon istilah Tombonuo
[simbanai | simbanai toud]Tumanud susuyan lisan, nontodon istilah Tombonuo nopo nga mantad piomungan hogot i naanu mantad Tumbolang (poring) ii no TUM om BONUA mantad hogot Terbonua (mamasok) i mombontuk do Tumbonua. Id kolimpupuson, numaan alanai o Tumbonua kumaa Tombonuo i kirati nontodon.
Etnik nogi kaka diti nga notumbayaan do mimpuun nobontuk mantad sajara Mondou Logaki om duo miobpinai miapid ii nosusu mantad poring kiwotik do amas (linumoput so tumbolang).
Sub - etnik Tombonuo
[simbanai | simbanai toud]Sub-etnik Tombonuo i pointayad id suang Persatuan Bangsa Tombonuo Sabah (PBTS)
- Tombonuo Salig Bulud Ondaras
- Tombonuo Puawang
- Tombonuo Diripau
- Tombonuo Sonsoluon
- Tombonuo Lingkobau
- Tombonuo Paitan
- Tombonuo Odas
Koubasanan om Momogun
[simbanai | simbanai toud]Rami - Rami Poriamo
[simbanai | simbanai toud]Pesta Poriamo nopo nga karamayan i poindalanon kalaps do mongomot. Rami Rami Poriamo (Pesta Poriamo) kiwaa pionitan miampai rombituon ii no buruj ‘Muru Puru’, buruj ‘Ra’ah’ om buruj ‘Wolatik’ i nosiliu tituduk toi ko' tonudon do momogunTombonuo montok mongumo mantad di timpuunon i gisom do opongo mananom parai solinaid timpu sontoun. Poimpuunon o karaja-karaja mananom miampai ababayan Mongogang (mongintong posorili do tumo), suhutonon do Mongoririk (momorisi posorili tumo), Monogad (momutul kayu/rumilik), Monusul (mongurak), Monuan (mangasok), Mongindikut (gumamas), Mamaroi (maganu asil parai/mongomot), Mongirik Nu Bambarayon (momolohou sunduan parai), Monongkop (mogonsok do noomot koinsan montok paganakan), Muraub (mitabang do mongomot) om kolimpupuson nopo nga mamaramai do karamayan Rami Rami Poriamo.
Pomitanan Boros
[simbanai | simbanai toud]| Dusun | Tombonuo |
|---|---|
| Abang | Ongko |
| Nunu | Onu |
| Tohun | Arong |
| Tanak | Lola'ing |
| Ika | Ikau |
| Tasu | Asuh |
| Manuk | Piyuh |
| Tapui | Apui |
| Sawat | Dilanggaw |
| Sarup | Uwos |
| Tauh | AUh |
| Kakato | Kokato |
| Waig | Sungoi |
| Tadon | Ungkiat |
| Lisun | Lisun |
| Gamut | Wakat |
Sukuon
[simbanai | simbanai toud]- https://web.archive.org/web/20130714193225/http://www.pbtps.comyr.com/
- Inventori Budaya Etnik Negeri Sabah - Etnik Tombonuo. Denis J. Sading. Siti Aminah Roslan. ISBN 978-967-13768-8-1.
- Dayu Sansalu, (2014). Persamaan dan perbezaan sebutan dan makna dalam pelbagai dialek bahasa Kadazandusun. Universiti Malaysia Sabah
- Sejarah Awal Suku Tombonuo. Kumis Kumis.Pinalabus ontok 29 Gomot 2021. Linoyog ontok 1 Mahas 2021
- Rami-rami Poriamo Perayaan Tahunan Tombonuo. Malaysia Aktif. Pinalabus ontok 5 Magus 2019. Linoyog ontok 1 Mahas 2021