Tongkurangoh
| Neualu | |
|---|---|
| |
| Rasem kitua Medinilla speciosa | |
Scientific classification 
| |
| Kingdom: | Plantae |
| Clade: | Tracheophytes |
| Clade: | Angiosperms |
| Clade: | Eudicots |
| Clade: | Rosids |
| Order: | Myrtales |
| Family: | Melastomataceae |
| Genus: | Medinilla |
| Species: | M. speciosa
|
| Binomial name | |
| Medinilla speciosa | |
| Synonyms | |
| |
Tongkurangoh[1] (Medinilla speciosa) nopo nga iso kawo susumuni epifit saka id suang do genus Medinilla mantad tinimungan do Melastomataceae.
Etimologi
[simbanai | simbanai toud]Medinilla pinungaranan mantad do José de Medinilla y Pineda, songulun gabenor Mauritius (maamaso di nopo nga otutunan sabaagi do Kopulauan Marianne) di toun 1820.[2]
Kokomoi
[simbanai | simbanai toud]Medinilla speciosa nopo nga kikinawas miampai purata 45–60 centimetres (18–24 in). Puun renek malar hijau diti nopo nga kiguas di mirapang om roun otomou belulang i misulak (kininaru gisom 20 centimetres (7.9 in) om linaab 15 centimetres (5.9 in), miampai tuhat di pointalang. Tusak-tusak tongokoro di olumis miampai kiwaranan aragang tomulok om pinaasil mantad bulir tagayo id guas di aragang-ragang. Timpu mongusak nopo nga id koimpuunon do timpu talasu gisom timpu magalang. Soira oungkalad, poingkakal o rasem beri diti lobi kuang sobulan, daamot do magandad pun dii do mongusak kawagu. Tua dau nopo nga obulugu, om aragang omulok di omulok po nga osohug-obuluo soira oonsok.
Gunoon o tongkurangoh diti sabaagi rusap tradisional, maya robuson, soduhon toi ko' akanon toomod. Akanon o tua' diti do tondu monontian sabaagi suplemen kolidasan om nogi sabaagi pongusap montok sadaanon, notogu kabang, antiradang, antibarah om nogi antibakteria.[3]
Kinoyonon sunion
[simbanai | simbanai toud]Susumuni diti nopo nga haro miampai semulajadi id Borneo, Jawa, om Filipina. Id Borneo, okito iti id posorili do Taman Pogun Kinabalu, Malaysia. Sunion do tongkurangoh diti nogi nga kohompit no semenanjung Malaysia (Pulau Pinang, Perak, Pahang, Selangor), Jawa, Sumatera, Kepulauan Sunda Kecil (Sumbawa, Lombok), Sulawesi, Maluku, om Borneo.[4]
Habitat
[simbanai | simbanai toud]Spesies diti nopo nga koubasan no sumuni id talun konuluhan om orohian id kinoyonon di olungung om tana di asagub, miampai kinawas id pialatan do 300 metres (980 ft) om 750 metres (2,460 ft) id sawat do tipong rahat.
Galeri
[simbanai | simbanai toud]-
Susumuni Medinilla speciosa -
Tusak Medinilla speciosa -
Noungkalad om roun Medinilla speciosa -
Nungkalad do Medinilla speciosa
Sukuon
[simbanai | simbanai toud]- ↑ Maxwell, J. F. (1978). "A revision of Medinilla, Pachycentria, and Pogonanthera (Melastomataceae) from the Malay Peninsula". The Gardens' Bulletin: Singapore (id boros Inggilis). Singapore: Botanic Gardens Parks & Recreation Department. pp. 185–186.
- ↑ Gledhill, David (2008). "The Names of Plants". Cambridge University Press. ISBN 9780521866453 (hardback), ISBN 9780521685535 (paperback). pp. 253
- ↑ Alima Saida Hanum, Erma Prihastanti & Jumari (2017) Ethnobotany of utilization, role, and philosophical meaning of parijoto (Medinilla, spp) on Mount Muria in Kudus Regency, Central Java, AIP Conference Proceedings; https://doi.org/10.1063/1.4995210
- ↑ Hassler M. (2020). World Plants: World Plants: Synonymic Checklists of the Vascular Plants of the World (version Nov 2018), http://www.catalogueoflife.org/col/details/species/id/201f3bb181a80f9acc12dd7f37c7e21e