Tun Fatimah

Tun Fatimah nopo nga songulun serikandi Malaysia di maran-ngaran om tanak kumaa di Bendahara Seri Maharaja Tun Mutahir (Woyoon menteri).Bendahara Seri Maharaja Tun Mutahir nopo nga tanak di Bendahara Seri Nara Di Raja Tun Ali om Tun Kudu. Suminawo isido di Sultan Mahmud Shah kalapas toinsanan tobpinai kusai disido noukum om pinatai tu notirikan do tulun istana sondii.

Koposion pogulu

Maya solusui id boogian tapa dau, yau nopo nga mantad tungkus aasil pisasawaan mantad Tun Kudu om Tun Ali. Tumanud Sajara Malayu (ii kirati "silsilah raja-raja), goduo-duo diolo nopo nga lundu' toponsol ontok timpu Sultan Muzaffar, Sultan kolimo do Melaka. Kopio-kopio nopo nga i Tun Kudu sumawo di Muzaffar, nga soira do miniada moi do kaanu yau sumawo di Tun Ali. Kalapas di, asaga i Tun Ali do mongidu tonggungan dau sabaagi bendahara moi do ii Tun Perak, tadi di Tun Kudu ii lobi abaal kaanu monowoli kinoiyonon dau.

Pisasawaan ko iso kumaa di Tun Ali

Nakasawo no ii Tun Fatimah kumaa pinsan dau, ii Tun Ali (okon ko montok koborulongon miampai komolohingan diolo ii kingara do ii sama) masaan di posilihon da di Sultan Mahmud yau sabaagi sawo wagu. Noboros do okolu yau tun pinolisok di Tun Mutahir do haro tanak tondu dau di alawa om minapasawo dau do tulun suai miampai aiso koilaan mantad dau.^[1] Momoruhang kaagu do kobolingkangan ogumu lundu' istanan kopuriman do oiduanan mantad winonsoi di Tun Mutahir ii minomili puru paganakan dau montok tonggungan di lobi oponsol id pomorintaan Melaka. Sala iso mantad diolo nopo nga ii Shahbandar Raja Mudaliar, Luguan dadahon kapal Melaka ii noboros do minaparayad do monolod ii Tun Mutahir do takhta. Amu asaga ii Fatimah montok mangada do sawo dau mulong pia do noinsasamad do lundu' tagayo Sultan. Kopoginadaan dau diti nokopogowit do koruntuman soira toinsanai kusai id paganakan dau maan patayo kohimpit nogi ii Tun Mutahir om sawo ko iso dau ii Tun Ali.^[2]

Pisasawaan kumoduo miampai di Sultan Mahmud

Kalapas di nakasaga di ii Tun Fatimah miampai pokionuon di Sultan. Nokosiliu yau do sawo di ko limo dau.^[3] solinaida do timpu sabaagi raani' noboros do amu insan ii Tun Fatimah do kongingis om nakawaya do tantag soginumu do intolu, mantad kanto koinggoritan topuriman toi ko' sabaagi iso laang monuli do montok winonsoi di amu aadang ii nowonsoi di Sultan Ismail kumaa paganakan dau. Minaganak yau kalapas do minongunsuub ii Sultan do tanak dau kotungkus do takhta Melaka. Haro tanak kusai hinggulu di sultan Mahmud miampai sawo ko iso dau ii Tun Teja, ii nokotungkus do takhta masaan do amu po nosukod tanak kusai di Fatimah.

Tonggungan sabaagi Rani Melaka

Sabaagi rani, minoposotol ii Tun Fatimah do isai-isai ii monondos tapa om paganakan dau oonuan do tadat patayon. Kalapas di nokosiliu yau do tondu Melayu ko iso montok momuruan do mogigion miagal do rani di poimbantug om haro karisma.^[4] Noboros do puru Portugis lobi modosi dau ko sawo dau, Sultan ii momorinta. Ontok timpuunon ohotusan ko-16, naala o tulun Melayu id pisangadan miampai soudor Portugis. Tumanud do puru sjara Malaysia, haro songulun Datuk sompogunan ii kitakal id Melaka ii minoposunud kokomoi do himu kakadayan kumaa Portugis, panangkasab do nakaanu yolo monowoli om natagak di koporintaan Melayu kumaa kakadayan di. Kinoruntumon do Melaka nogi nga soboogian nopo nga mantad do kouyuuyuo sultan di kasagab om kouriasan id tinimungan do mogigion id Melaka ontok timpu di.

Kinoiyonon om kakamot pinomungaran miampai di Tun Fatimah

- Sekolah Tun Fatimah, sikul taang takawas id Johor Bahru, Johor
- Kolej Tun Fatimah,iso tionon kolej id Universiti Teknologi Malaysia id Skudai, Johor
- Stadium Tun Fatimah id Melaka
- Jalan Tun Fatimah id Batu Berendam, Melaka
- Jalan Tun Fatimah id Johor Bahru, Johor
- Kolej Tun Fatimah, iso tionon kolej id Universiti Malaysia Perlis, Bintong, Perlis

Kalapas kinoruntumon do Melaka

Naandasan ii Ahmad Shah do amu osikap om namaan patayo di Mahmud Shah sondii ontok toun 1513 kalapas do nokirar montok magahau kaagu Melaka mantad Portugis.^[5] Kalapas dii minangahau kaagu ii Mahmud Shah do takhta, mulong pia do ontok di Kosultanan Melaka nopo nga aiso, minoposiliu dau sabaagi songulun manganu takhta. Tanak totuo di Fatimah ii Raja Ali kalapas di nokosiliu sabaagi momorinta koduo kosultanan Johor sabaagi Sultan Alauddin Riayat Shah solinaid do 36 tahun. Kalapas do kinoruntumon Melaka kumaa Portugis ontok toun 1511,^[6] okito do goos di Tun Fatimah ii atalang kopio montok popoingkawas kuasa Kosultanan Johor-Riau mantad Johor om Kopulouon Riau gisom do soboogian Sumatera om Borneo. Kuasa do Sultan Melaka masaan di osomok no do poingrontob sabaagi masou simbolik no. Minopoindalan ii Tun Fatimah do pisokodungan miampai koporintaan-koporintaan sombol maya pisasawaan do tangaanak dau kumaa paganakan raja mantad Aceh, Minangkabau om Borneo. Aiso nokoilo do gisom songgira yau do poimpasi, miampai songgira om hinombo yau do napatai. Mulong pia do ingkaa, puru sajara mantad kopulouon Melayu kipomusarahan do watu nisan dau nopo nga id Kampar, Riau id pulou Sumatera Indonesia.

Nuut

Istila N.B. nopo nga montok "Raja" om "Sultan" gunoon misowoli-woli montok sumuku do momorinta Melaka.

Sukuon

↑ Keat Gin Ooi (2004). Southeast Asia: A Historical Encyclopedia, from Angkor Wat to East Timor. ABC-CLIO. p. 821. ISBN 978-1-57607-770-2.
↑ Liaw Yock Fang (2013). A History of Classical Malay Literature. Yayasan Pustaka Obor Indonesia. p. 364. ISBN 978-979-461-810-3.
↑ Ruzy Suliza Hashim (2003). Out of the shadows: women in Malay court narratives. Penerbit Universiti Kebangsaan Malaysia. p. 207. ISBN 978-967-942-637-3.
↑ Malay Annals. Longman, Hurst, Rees, Orme, and Brown. 1821. p. 349.
↑ Jaime Koh; Stephanie Ho Ph.D. (22 June 2009). Culture and Customs of Singapore and Malaysia. ABC-CLIO. p. 10. ISBN 978-0-313-35116-7.
↑ Jaime Koh; Stephanie Ho Ph.D. (22 June 2009). Culture and Customs of Singapore and Malaysia. ABC-CLIO. p. 9. ISBN 978-0-313-35116-7.

[Ooi2004-1] Keat Gin Ooi (2004). Southeast Asia: A Historical Encyclopedia, from Angkor Wat to East Timor. ABC-CLIO. p. 821. ISBN 978-1-57607-770-2.

[Fang2013-2] Liaw Yock Fang (2013). A History of Classical Malay Literature. Yayasan Pustaka Obor Indonesia. p. 364. ISBN 978-979-461-810-3.

[Hashim2003-3] Ruzy Suliza Hashim (2003). Out of the shadows: women in Malay court narratives. Penerbit Universiti Kebangsaan Malaysia. p. 207. ISBN 978-967-942-637-3.

[4] Malay Annals. Longman, Hurst, Rees, Orme, and Brown. 1821. p. 349.

[5] Jaime Koh; Stephanie Ho Ph.D. (22 June 2009). Culture and Customs of Singapore and Malaysia. ABC-CLIO. p. 10. ISBN 978-0-313-35116-7.

[KohPh.D.2009-6] Jaime Koh; Stephanie Ho Ph.D. (22 June 2009). Culture and Customs of Singapore and Malaysia. ABC-CLIO. p. 9. ISBN 978-0-313-35116-7.

[1]

[2]

[3]

[4]

[5]

[6]