Wenanita Angang
Wenanita Angang | |
|---|---|
| Kinosusuon | Wenanita Wences Angang Kota Kinabalu, Sabah, Malaysia |
| Sinikulan |
|
| Kalaja | Model |
| Kinawas | 1.75 m (5 ft 9 in) |
| Beauty pageant titleholder | |
| Title |
|
| Years active | 2016 – present |
| Major competition(s) |
|
Wenanita Angang nopo nga songulun model Malaysia om nokosiliu nogi isido sabaagi do Miss World Malaysia 2022. Mobi yau do pogun dau id Miss World 2023.
Pogulu do nokosiliu sabaagi Miss World Malaysia 2022, nakalantoi isido sabaagi do Miss Planet Malaysia ontok toun 2016 om nakaanu taang koduo id Batumi, Georgia. Ontok toun 2018, nakalantoi isido sabaagi do Unduk Ngadau Kuala Penyu id kinoyonon nontodonon dau id Sabah, Malaysia. Sumusuhut, mobi yau do Malaysia id Miss Tourism and Culture 2019, om nakaanu isido do taang kotolu. Mobi i Angang do pgun dau id Miss World 2023, om nakalantoi isido id 40 bobos takawas.
Piboi'an rani tolundus[simbanai | simbanai toud]
Busak Mosongon 2016[simbanai | simbanai toud]
Piboi'an rani tolundus i kumoiso nogi natanud di Angang nopo nga Busak Mosongon 2016. Busak Mosongon (kikomoyon do Bunga Talawa) nopo nga iso piboi'an rani tolundus i pohoroon ontok karamaian Odou Bakanjar, i taandakon do komuniti Tatana id Sabah. Id piboi'an diti, tahangon o mamaampayat maya kopokitanan diolo do kaadat-adato' om tonudon dounggulu-gulu do Tatana. Nakalantoi isido id taang koduo id piboi'an diti.
Miss Sabah Model of the Year 2016[simbanai | simbanai toud]
Nakalantoi i Angang sabaagi do Miss Sabah Model of the Year 2016 om minangala' 13 mamaampayat di suai. Pinaharo o piboi'an diti id Shangri-La's Tanjung Aru Resort and Spa ontok 4 Mahas 2016.[1] Pinoturidong o piboi'an diti ontok toun 2011 montok koonduan Sabah popokito do kaabalan diolo id gana do pemodelan om nogi id piboi'an rani tolundus.[2]
Miss Planet International 2016[simbanai | simbanai toud]
Nakalantoi isido sabaagi do Miss Planet Malaysia id Miss Planet International 2016, i pinaharo id Batumi, Georgia. Nakalantoi isido id taang koduo om nakaanu nogi gaa' do 'Bobos Tosonong id Bangkad Kabansaan'.[3]
Unduk Ngadau 2018[simbanai | simbanai toud]
Ontok Mikat 2018, id karamayan Kaamatan, i pohoroon do tikid toun id Sabah, nakalantoi isido sabaagi do Unduk Ngadau montok do watas Kuala Penyu, hinonggo nakalantoi i Hosiani James Jaimis, mongongobi watas Inanam id nayatan pogun montok do piboi'an diti.[4] [5]
Miss Tourism and Culture Universe 2019[simbanai | simbanai toud]
Ontok 31 Magus 2019, mobi yau do Malaysia montok Miss Tourism and Culture Universe 2019 id Myanmar. Nakalantoi isido id taang kotolu.
Miss World Malaysia 2022[simbanai | simbanai toud]
Ontok 27 Magus 2022, nakalantoi i Angang sabaagi Miss World Malaysia 2022 om minangala' do 14 mamaampayat suai. Minonowoli isido i Dr Lavanya Sivaji mantad Selangor.[6] Nokosiliu isido sabaagi do Miss World Malaysia i kumolimo mantad pogun dau id suang timpu do turu toun, kalapas di Brynn Zalina Lovett id Miss World Malaysia 2015.[7][8]
Id boogian tohuri do 'Miuhot Misimbar', nouhot isido do momuruan ababayan, "Nunu katapatan di bobos monginggorit kokomoi do kosimbanan iklim", om simbar dau nopo nga:
"Sumoliwan tokou nopo mantad SICC, loolobi no montok tulun Sabah, kopuriman ko do kolosuon di amu tokou opurimanan id piipiro toun nakatalib. Mantad dii, mongunsub oku toinsanan do okon ko' monokodung om popoingkawas koukaban ginawo kokomoi do kosimbanan iklim no nga nuru do haro wonsoi montok monoguang ahal diti."[9]
Id piboi'an dii, nakalantoi isido do kawalu di bobos takawas montok gaa' do Kolunduson miampai Tudu.[10] Mobi yau do Malaysia id Miss World Malaysia 2023.[11][12]
Miss World Malaysia 2023[simbanai | simbanai toud]
Mobi i Angang do pogun dau id Miss World 2023,[13][14] om nakalantoi id taang 40 bobos takawas.
Sukuon[simbanai | simbanai toud]
- ↑ "Kuala Penyu's Wenanita is Miss Sabah Model". Borneo Post Online (id boros Inggeris AS). 10 June 2016. Linoyog ontok 2022-12-10.
- ↑ "Kuala Penyu lass wins Model of the Year". www.dailyexpress.com.my. 2016-06-09. Linoyog ontok 2022-12-10.
- ↑ "Miss Planet 2016 Marina Voykova: Kindness shall save the world". bnr.bg (id boros Inggeris). Linoyog ontok 2022-09-04.
- ↑ Geraldine, Avila (31 May 2018). "Actress Hosiani is the new unduk ngadau". New Straits Times. Linoyog ontok 2022-09-13.
- ↑ "Unduk Ngadau Kuala Penyu 2018 Wenanita Angang". www.facebook.com (id boros Inggeris). 21 May 2018. Linoyog ontok 2022-09-04.
- ↑ "Kuala Penyu lass Wenanita Angang is Miss World Malaysia 2022 - Sabah Baru News Kuala Penyu lass Wenanita Angang is Miss World Malaysia 2022". Sabah Baru News (id boros Inggeris AS). 2022-08-27. Linoyog ontok 2022-09-04.
- ↑ "Sabah beauty Brynn Lovett is Miss Malaysia World 2015 - Citizens Journal" (id boros Inggeris AS). 2015-09-01. Linoyog ontok 2022-09-12.
- ↑ "Kuala Penyu lass Wenanita Angang is Miss World Malaysia 2022 | Daily Express Online - Sabah's Leading News Portal". www.dailyexpress.com.my. 2022-08-27. Linoyog ontok 2022-09-04.
- ↑ Eazzycom. "Sabahan Wenanita Angang is the new Miss World Malaysia". www.missnews.com.br (id boros Portugis Brazil). Linoyog ontok 2022-12-10.
- ↑ Mu, Paul (28 August 2022). "Sabahan wins Miss Malaysia World 2022, Sarawakian is runner-up". New Straits Times. Linoyog ontok 4 September 2022.
- ↑ "Sabahan Wenanita Angang wins Miss World Malaysia 2022". Hipz Malaysia (id boros Inggeris AS). 2022-08-28. Linoyog ontok 2022-09-04.
- ↑ Firdaus, Wan (2022-08-29). "Gadis Sabah Dan 'Advocate' Untuk Kanak-Kanak Autisme, Wenanita Angang Dinobat Miss World Malaysia". Nona (id boros Inggeris AS). Linoyog ontok 2022-09-04.
- ↑ "Sabahan Wenanita Angang is the new Miss World Malaysia - Citizens Journal" (id boros Inggeris AS). 2022-08-27. Linoyog ontok 2022-09-04.
- ↑ "Kuala Penyu lass Wenanita Angang is Miss World Malaysia 2022 | Daily Express Online - Sabah's Leading News Portal". www.dailyexpress.com.my. 2022-08-27. Linoyog ontok 2022-09-04.