Wikipedia:Limo guas
Prinsip di impohon do Wikipedia milo maan intigasai kumaa limo "impohon"
Wikipedia nopo nga ensiklopedia
Papaamung o Wikipedia do ogumu woyo ensiklopedia koizaai om poimbida, almanak om gazeter. Wikipedia nopo nga okon ko' tionon popoimagon pomusarahan sondii, okon ko' montok popointutun kakamot padagangon, okon ko' pogiromutan sosial, news bohiton om pogumbalan anarki toi ko' demokrasi, tinimungan toilaan, okon ko' nogi direktori web. Okon nogi ko' komoiboros, suat abal, ponimungan dokumen toud, sundung do piipiro projek Wikimedia di suai nopo nga miagal dii kanto.
Wikipedia nopo nga nosuat mantad pisuk pomusarahan neutral
Monotos yahai montok monuat artikol di au poinwagat do sampaping i popodokumentasi om popotolinahas pomusarahan tosontol miampai manahak timbagat di mibagal kumaa koposolimbahan. Mongilag yahai advokasi om poposotol yahai do kotolinahasan toilaan om okon ko poposiwal miampai pomusarahan sondii. Id soboogian tionon haro iso no pomusarahan di ohimag; ii suai nopo popointalang yahai toilaan mantad mogisuusuai pisuk pomusarahan om monikid pisuk nopo nga koontok om tumanud konteks okon ko "katapatan" toi ko' "pomusarahan bobos tosonong". Monikid artikol pingaasan do maan wonsoyo' miampai sukuon di ohimag om upuon mantad toud di milo tumboyo'on loolobi' po montok pibarasan di kontroversial toi ko' tulun di kakal po poimpasi. Nawayaan sondii, kopomolingkuman om nogi pomusarahan mongingidit okon ko sanganu do Wikipedia
Wikipedia nopo nga toilaan osinggawa di milo gunoon, iditon, do isai-isai nopo om milo poilangon kumaa ginumuan.
Monikid mongingidit milo manahak lisin karaja diolo montok ginumuan om aiso mongingigit manansanganu iso-iso artikol - nunu nopo kouhupan milo maan kanto simbanai om poilangon kawagu. Pantango no kooturan sanganu wonsoi tulun suai om kada no pomonsoi plagiat mantad honggo nopo koonuan. Pasaga'on onpomogunoon media di mokibarai sabaagi kopomogunoon di kosudong, nga pogulu po nuru o mongingidit do mogihum alternatif di au barayan.
Nuru o mongingidit Wikipedia do modsurung(melayani) di suai miampai kapantangan om kohinamadan
Pantango' koombolutan Wikipedia nu mulong po au ko osokodung. Tonudo' no etika Wikimedia, kada ampap id palangan sosongulun toi ko' sangod mongidit. Pogiupakat no, om kada no kasaho' Wikipedia montok popokito iso-iso ahal. Siliu songulun di olidang ginawo, om sorohon nopo do ii suai nga olidang i ginawo. Torimoo' om suaho' puru kawawagu. Sokiro koimbulai konflik, pibarasai maya woyo di otoronong id bolikan pibarasan di kosudong, tonudo' prosedur monolibamban pogolimumuan, om ilo'o no do haro lobi 150 artikol id Wikipedia Boros Kadazandusun i milo maan insanangai om maan pibarasai.
Aiso kooturan Wikipedia di ogirot
Haro kooturan om tonudon diti Wikipedia, nga au ii pinatatap miampai pointindogoi; tonsi om kotolinahasan dau milo simbanan tumanud timpu. Oponsol nogi o prinsip om sunduan mantad ko' pomolombusan literal, om somoonu au nuru do momonsoi ponginsanangan Wikipedia. Siliu songulun di obingkatama nga okon ko mandar-andar do monginsonong artikol. Om kada kooris do kasala' soira momonsoi artikol: osonong ii maan insanangan kawagu tu (osomok no) nongkoopi ngaawi monikid kawo kosimbanan artikol di nokopogulu. .