Yesus Kristus
- Montok mogintong Yesus Kristus tumanud pomuandaman do Islam, ongoi id liwang Nabi Isa a.s.
Jesus Kristus | |
|---|---|
 Mozek Kristus Pantokrator id suang gaya Byzantine, mantad Katedral Cefalù id Sicily, Itali, kiikiro 1130M | |
| Kinosusuon | kiikiro 4SM [lower-alpha 1] |
| Tadauwulan minidu pogun | 30-33M Nulu Golgota,Yerusalem,Empayar Rom |
| Nakapapatai | Pinapapak |
| Molohing | |
Ih Yesus nopo nga songulun di raitan id suang Buuk do Kinorohingan, lolobi po id suang Habar Tosonong do Matius, Markus, Lukas om Yohanes. Maya nogi oh koposion dau dit kikuasa om boros dau dit poimponu kopio dot rati, nimpuunan dot agama Kristian. Minomoros ih Yesus dot iyau noh oh minomonsoi iti pomogunan, milo mangampun do dosa om manahak dot kotumbayaan kumaa tumatanud dau om katanud yolo dau mulong pia apatai. Nopo di maso yau poimpasi, pinopokito yau koimayaan do suma'ap diti kara'aton do pomogunan, sakit om kapatayon. Sorita kinotungaggan dau mantad kapatayon nosiliu pogintutunan om batos do kalansanan, mitanud koimayaan om ponudukan dau dit osonong kopio.Yau songulun nopo nga poinsuai kopio ko isai nopo nokoumbal do poimpasi om pangaruh nopo dau nga opurimanan gisom baino, duo ribu toun do nakatalib.Ih koposion om ponudukan dau dit doungkosuwai kopio sonrikot-rikot o tulun mongoi poki'ilo koila'an om kalansanan mantad di Yesus.
Ngaran nopo do "Yesus" nga mantad do boros Aram, dit mantad nogi oh boros Ibrani "Ya-shua", dit komoyon do "Tuhan di minamasi".
Kinosusuwon di Yesus
[simbanai | simbanai toud]Iti noh oh sorita dot kinosusuwon di Yesus naanu mantad id Habar Tosonong do Lukas. Tontok nopo di Kaisar Agustus, oh Raja do pomorintaan do Rom, om i Herodes, oh Raja Yudea, suhuo noh minamangun ih malaikat Gabriel do minongoi hilo Nazaret do sumolowot di Mariam.
"Boros ka di malaikat, 'Kada ko'oris Mariam, do pinuhawangan ko'd Kinorohingan, do monontian ko om maganak ko kusai om pungaranan nu yau ih Yesus.'" Lukas 1:30
"Nga boros ka di Mariam, 'Poingkuro miagal diri?, sumandak oku po.'" Lukas 1:34
"Simbar di malaikat Gabriel, 'Rumikot o rusod tolidang id diya om raitan olidang om tanak do Kinorohingan.'" Lukas 1:35
Nokorikot oh kopoilaan mantad id pomorinta do Rom, ih Kaisar Agustus di minonuhu do kiroon tulun id kokuasaan dau om koinsanai pomogunan Galilea om Yudea, koinsanai oh mongoi daptar hilo bandar om kota kinosusuwon dau. Ih Mariam om Yusuf, sawo dau, nga minongoi nogi hilo Bethlehem do popotulis do ngaran diolo, nga soira nokorikot diolo, aiso noh do tiyonon. Om maso kosusuwan di Mariam nga muhai-ruhai, iyon nodi yolo id iso ponunumadan do domba. Id watas diri, haro oh gompomogompi domba do madtamong do domba diolo. Sigog ih intalang oh malaikat Tuhan id toguang diolo.
"Tadau noh baino do nosusu id pomogunan di Daud oh gampamasi dikoyu. Iri noh oh Kristus, Tuhan." Lukas 2:11
Otood kopio ih gompomogompi domba, ponudukan dot yahudi minangajar diolo do insan maso korikot ih gampamasi hiti pomogunan,pinatahak dau koposion dau do mamasi tulun om tangkus nodii yolo minongoi intong ih tanak.Om kosolowot nodi diolo ih Mariam, ih Yusuf om ih Yesus, ih maso po'd ragang, dit poingodop id iso ponunumadan. Soira nokouli ilo gompogompi domba om mogiboros-boros nodi diolo, pasal dih nunu nokito diolo, mamarayou kopio yolo tuhan, koinsanai di nokito diolo om miagal ngaawi dit nokoboros dit malaikat.
The "Jesus" Film project id boros Dusun
- ↑ Meier, John P. (1991). A Marginal Jew: The Roots of the Problem and the Person. Yale University Press. p. 407. ISBN 978-0-300-14018-7.
- ↑ Rahner 2004, p. 732.
- ↑ Sanders 1993, pp. 10–11.
- ↑ Finegan 1998, p. 319
- ↑ Brown, Raymond E. (1977). The birth of the Messiah: a commentary on the infancy narratives in Matthew and Luke. Doubleday. p. 513. ISBN 978-0-385-05907-7.
- ↑ Theissen & Merz 1998.
Ralat maganu:Tag <ref> wujud untuk kumpulan bernama "lower-alpha", tetapi tiada tag <references group="lower-alpha"/> yang berpadanan disertakan