Zainon Munshi Sulaiman
Zain Sulaiman | |
|---|---|
| Surupu Parlimen Malaysian montok Pontian Selatan | |
| Dalam jawatan 1959–1964 | |
| Pogulu | Constituency established |
| Sumusuhut | Ali Ahmad |
| Maklumat peribadi | |
| Kinosusuon | Zainon binti Munshi Sulaiman 22 Milatok 1903 Malacca, Straits Settlements, British Malaya (now Malaysia) |
| Kapatayon | 2 Ngiop 1989 (umul 86) Johor Bahru, Johor, Malaysia |
| Pinamalabangan | Mahmoodiah Muslim Cemetery, Johor Bahru |
| Sawo |
Amin Ahmad
(m. 1934; died 1945) |
| Tanak | 3 (including Adibah Amin) |
Zainon binti Sulaiman (22 Milatok 1903 - 2 Ngiop 1989) toi ko' lobi ointutunan sabaagi do Tina Zain nopo nga songulun lundu pondidikan om politik tondu di abantug.
Kointutunan Toniba
[simbanai | simbanai toud]Tina Zain di nosusu id Nyalas, Melaka nopo nga tanak koonom mantad walu mogiadi. Tapa nopo disido nga i Munshi Sulaiman id hinombo poingion id Tanjung Pinang, Riau. Tapa di Tina Zain nopo diti nga songulun di momonsol kopio kokomoi do pondidikan di tongo tangaanak disio, au mongiro kusai ko' tondu. Suai ko iri, Munshi Sulaiman nogi nga nakasaga do minonolikud koubasanan do Tinaru Melayu di pogulu, id hinombo mogodu tanak tondu do minsingilo suai ko' mantad minsingilo kokomoi do Al-Quran. Munshi nopo diti nga iso boros pamalahawan kumaa tulun di mongia kokomoi do boros, mantad no di nointutunan i tapa di Tina Zain sabaagi do Munshi Sulaiman tu isio nopo nga songulun mongingia do ugama Islam om Boros Malayu. Suai po, i Tina Zain nopo di nga nakaanu pondidikan au formal mantad di tapa disido.
Pondidikan
[simbanai | simbanai toud]Tina Zain nopo di gulu diti nga nointutunan sabaagi songulun tanak di apaagat om aba'al kopio o' pomusarahan. Isido nogi nga abagos om ogorot do minsingilo kokomoi nunu nopo komilaan. Antakan minoyo isido di tapa dau minion hilo id Melaka nga, nokosikul isido id Methodist Girls School, Tengkera (1909-1912) om kotilombus id Tengkera School (1913-1915) gisom no do naawi isido id Junior Cambridge. Kinogompoton di Tina Zain, iri no tu naawi sumikul nopo nga iso ahal id arayou tomod antakan di tu okon ko oinsanan kaanu momodimpot ahal di loolobi po ii tongo'ondu. Suai po ko iri, nakaanu kasari i Tina Zain do popotindohoi kotumbayaan toi ko' akidah di naanu disido mantad po di tokoro po' sundung po tu poinsikul isido.
Kalantaion di nodimpot di Tina Zain nopo nga nakaralad om pino'ilang kumaa oinsanan tinimungan do tulun. Manu nogi daa isido do iri nopo tongo'ondu nga koilo mambasa om monuat, tu opurimanan di Tina Zain do komilaan nopo nga kaanu monguhup momolodi kouyuuyuon tinan di osonong. Mantad di, id umul 17 toun Tina Zain nopo nga minomuridong sikul id Pasuh Jaya, Negeri Sembilan.
Kalaja
[simbanai | simbanai toud]Antakan toun 1921, Tina Zain nopo nga minundaliu id Muar om poingkalaja do id Sikul Tondu Bandar Maharani. Toun 1924, nokosiliu isido sabaagi luguan mongingia id sikul di miagal. Okon ko iri no, nokosiliu nogi isido sabaagi mongingia mogogontong (penyelia) montok sikul tondu id watas Muar om Batu Pahat om kotilombus nogi montok oinsanan pogun Johor. Suai po, Tina Zain nogi nga pinapaharo do sikul ugama sodopon di koiso hilo id Johor.