Pergi ke kandungan

Zul Ariffin

Mantad Wikipedia
Zul Ariffin
Zul ditemuramah dalam rancangan MeleTOP di Astro Ria pada 16 Jun 2015.
Kinosusuon
Zulkifli bin Ariffin

(1986-10-25) Gumas 25, 1986 (umul 38)
Taiping, Perak, Malaysia
PondidikanSijil Pelajaran Malaysia (SPM)
KalajaPelakon, model, pengacara
Toun mimparagat2008–kini
Molohing
  • Ariffin bin Hassan (tapa)
  • Robiah binti Nasir (tama)
Websitehttps://thezulariffin.com

Zulkifli Ariffin [1] (nosusu ontok 25 Gumas 1986)[2] nopo nga songulun palakun kusai om model kusai Malaysia.[3] Isio minimpuun do mimparagat id suang gana lakunan ontok toun 2008 maya watak mongunguhup id suang drama Awan Dania om tuminilombus do minundaliu kuma'a watak apangkal sabaagi Inspektor Ashraf id suang siri drama kopulisan di bobos talaid pointalang id RTM, Gerak Khas gisom do pinoundorong siri drama dii id toun 2011. Isio nogi tuminilombus pinopoimbulai drama koiso dau maya watak ASP Zam id suang filem Evolusi KL Drift 2 ontok toun 2010.[4]

Ngaran dau nadadi do pongintangan apangkal kuma'a ginumuan maya pinipasasan dau miampai Ayda Jebat id suang Rindu Awak 200% di nakatayang id Slot Akasia TV3. Kinalantayon diti nokopogowit do pinipasasan kumoduo diolo maya drama M.A.I.D id Astro Ria. Maya do Festival Filem Malaysia ke-26, isio nakalantoi sabaagi Palakun Lansanon Kusai maya lokunan dau id filem Penanggal.

Koposion pogulu

[simbanai | simbanai toud]

Nosusu isio ontok 25 Gumas id Taiping, Perak om nogi sabaagi tanak do komulakan no mantad molohing dau, Ariffin Hassan om Robiah Nasir,[5] haro nogi duo taka om iso tabang dau om koinsanai nopo diolo nga kiraha do pinipassan Melayu om Belanda. Iman imanon nopo da dau nga sumiliu do Tentera Laut Diraja Malaysia (TLDM) nga nobungou kopio tu amu yau milo sumiliu dii tu notipu tulang id liha'a dau. Tinumongkiad isio do kampung dau id Taiping montok minogihum do kalaja id Kuala Lumpur om nakaanu yau do kalaja sabaagi barista id kafe di kingaran Dome Café id kotina'an Pogun, id umul 18 nogi toun. Isio minimpuun nogi do tinumanud kursus peraga'an om minimpuun minanganu boogian id suang piipiro pongintangan fesyen om iklan komersil.[6]

Kinaraja'on

[simbanai | simbanai toud]

Bakat disio nokito do songulun di mogiigihum do koinganan om minimpuun isio do okito id iklan-iklan television. nakaanu isio do watak koiso dau id lokunan ontok 2008 maya drama Awan Dania lokunan Scha Al-Yahya. Ontok toun 2009, nakaanu isio minigit do watak tapangkal sabaagi Inspektor Ashraf id suang drama aksi kopulisan Gerak Khas di winonsoi di Yusof Haslam, mulong pia miagal dii, 'kino'otuson' disio miampai Gerak Khas amu alaid soira drama di pinoundorong solinaid duo toun. Zul minamanau do laang id gana lokunan sabaagi rombituon id suang filem, Evolusi KL Drift 2 tisuhu di Syamsul Yusof di miampai Remy Ishak sabaagi Inspektor Kamal. Filem diti pinatayang id 25 Gomot 2010 om nakaanu puhuan mogintong di nakababak do rikod panggung.[7]

Zul aktif nadadi do rombituon Filem id 2010an, sabaagi poomitanan nakaanu isio do papalakun watak poninju id filem "Anak Rintih", tanak tindalanon Chow Kit id "Mendongak Ke Langit" om komedi rumantik miampai monsisinding Misha Omar id suang "Antara Dua" hinonggo nakaanu popointalang kopio do koinganan disio id gana lokunan. Alapas do pinoundorong o Gerak Khas "direhatkan" miampai episod tohuri no ontok 22 Julai 2011, minomalakun isio do iso drama miampai Nora Elena miampai Aaron Aziz om Siti Saleha di nokosiar id Slot Akasia TV3, noroitan yau do nakawaya kotuongon id toun 2012, id maso nakawaya yau do nagat tinan di nokolobi. id maso di, amu isio nakaanu do kalaja solinaid sontoun om sitanga. Ontok toun 2013, Zul minamalakun id iso drama TV lokunan dau id maso di, Luluhnya Sebuah Ikrar miampai Sara Ali om Ryzal Jaafar.

Kinumaraja id siriba Ellie Suriati, minamalakun i Zul id suang filem koduo dau—filem kotumporolosi di kiuhu Penanggal miampai Fasha Sandha om nosusuhut do filem kotolu dau, Bikers Kental miampai Awie, Zizan Razak om Bront Palarae di nakatayang ontok 23 Mikat 2013. Nokoguli kawagu isio id gana filem om kinoulayo disio nokopogowit do asil soira nakaanu yau rombituon id tayangan Rindu Awak 200%[8] miampai palakun om modsiisinding di basagan do minkakat, Ayda Jebat di papalakun do watak Armel Aisya om Zul minongigit do watak sabagi Zill Faezrul, drama diti nokosiar id Slot Akasia TV3 mantad 15 Madas gisom 1 Manom 2014.[9] Profil Zul sabaagi palakun nokoingkakat om nokoingkawas soira nakaanu anugerah Pelakon Harapan Lelaki Terbaik id Festival Filem Malaysia ke-26 id suang pokiikitanan talantoi dau id filem Penanggal, nokotilombus minangala palakun suai i Karl Shafek (Zaiton: Ceritaku), Shukri Yahaya (Ular) om Syazwan Zulkifli (Juvana).

Id toun dii nogi, nakaanu isio do minigit watak Airil id suang siri television maso perdana Slot Akasia TV3, Istikharah Cinta miampai heroin dau, Faye Kusairi di minongigit watak sabaagi Dina Alia, potilombus papalakun watak koduo dau sabaagi mafia id filem aksi Balistik miampai palakun tapangkal dau, Rosyam Nor om Rita Rudaini. Kinumaraja id siriba di Pierre Andre, isio miampai Mon Ryanti nadadi rombituon filem kotumporolosi, Jin winonsoi di Empat Samudera.[10]

Ontok toun 2015, nakalantoi isio id kategori Palakun TV Meletop id Anugerah MeleTOP Era 2015maya do lokunan dau di kiuhu' Rindu Awak 200%. Isio nogi nga pinipasas miampai di Siti Saleha maya do drama Uda & Dara di naadaptasi mantad do novel di kiuhu do miagal karya Allahyarham Usman Awang di pinopoimpuun tayangan perdana idAstro Ria mantad 24 Mansak gisom 6 Gomot 2016.[11]

Ontok toun 2017, filem linakun dau, J Revolusi pinatayang id pawagam ontok 2 Gomot,minongiggit isio do watak sabaagi Jay Zulkarnain, songulun huguan pagawai Unit Tindakan Khas (UTK).[12] Nokoluput nogi do minomoli isio iso mutusikol di kingaran Ducati Hypermotard montok gunoon id piipiro babak id suang do filem dii.[13][14][15] Minamalakun isio miampai di Nur Fathia maya do iso drama Menanti Februari di nokosiar id TV3, popoilo kokomoi tolu mogiambalut ii nopo nga Arie, Fiza om Edi di miagal ngawi muhang di Fiza.[16]

  1. ↑ "Profil Zul Ariffin". Berita Semasa. Linoyog ontok 12 Julai 2018.
  2. ↑ Tuan Azman (25 November 2017). "Zul Ariffin tangkis tanggapan". Sinar Harian. Pinoopi mantad sanḏad ontok 2018-12-20. Linoyog ontok 1 Disember 2017.
  3. ↑ Norhidayyu Zainal (13 Julai 2017). "Zul Ariffin mahu kekal watak utama". Sinar Harian. Linoyog ontok 3 Oktober 2017.
  4. ↑ Bibi Nurshuhada Ramli (June 27, 2017). Set being Hero New Straits Times. Retrieved on July 21, 2017.
  5. ↑ Nurul Khaleeda Rashikin (30 Ogos 2017). "'Ya, saya memang rapat dengan mak'". Sinar Harian. Linoyog ontok 3 Oktober 2017.
  6. ↑ "Zul Ariffin is more than just a pretty face". The Malay Mail. 8 September 2017. Linoyog ontok 6 Oktober 2017.
  7. ↑ Wahiduzzaman (24 Mac 2010). ""KL Drift 2" Menderum Dengan 'Enjin Lama'". mStar Online. Linoyog ontok 2010-03-30.[noputan di napatai sogigisom]
  8. ↑ Kemalia Othman (23 Mac 2015). Rindu Awak 200% Bawa Karier Zul Ariffin Ke Tahap Lebih Tinggi mSTAR Online. Dicapai pada 1 April 2015.
  9. ↑ Nina Farzuin Md. Sharom (23 Mac 2015). Rindu Awak 200% bukti kehebatan drama adaptasi Sinar Harian. Dicapai pada 1 April 2015.
  10. ↑ "Jin temukan Zul Ariffin, Mon Ryanti". Kosmo!. 19 Ogos 2014. Linoyog ontok 30 Ogos 2014.
  11. ↑ http://www.mreena.com/2015/10/drama-uda-dan-dara.html
  12. ↑ Zul Arrifin leads action movie, "J Revolusi" The Hive Asia (20 April 2016). Retrieved on 1 May 2016.
  13. ↑ Zul Ariffin beli motor untuk diguna dalam filem 'J Revolusi' Berita Harian SG (18 Februari 2017). Diperoleh pada 6 Mac 2017.
  14. ↑ Mohd Haikal Isa (28 Mac 2017). Zul Ariffin mahu jadi hero filem aksi Kosmo! (18 Februari 2017). Diperoleh pada 23 April 2017.
  15. ↑ Aref Omar (20 January 2017). "Hunky J Revolusi star Zul Ariffin says "Oh, Hell no!" to theatre". New Straits Times. Linoyog ontok 3 Oktober 2017.
  16. ↑ Kenneth Chaw (18 April 2017). Menanti Februari stars Zul Ariffin and Nur Fathia challenge each other Star2. Diperoleh pada 23 April 2017.
Naanu mantad "https://dtp.wikipedia.org/w/index.php?title=Zul_Ariffin&oldid=21277"