Asano Naganori

In this article, the surname is Asano.

Asano Naganori

Ukiyo-e popokito saap do Asano Naganori kumaa Kira Yoshinaka id Istana Matsu no Ōrōka oid Edo

Monumen i poinladsong id Corridor of the Pines id Istana Imperial Tokyo (di pogulu nopo nga Istana Edo)

Asano Naganori (浅野 長矩, Manom 28, 1667 – Ngiop 21, 1701) nopo nga daimyō id Akō Domain id Jepun (1675–1701). Pamarait nopo disio nga Takumi no Kami (内匠頭). Otutunan isio sabaagi songulun i pinopoimbulai do piipiro siri koligaganan i pinosusui kawagu id suang do susuyan Chūshingura (popohompit do apat nohopod om turu ronin), iso tema di korohian id kabuki, jōruri, miampai buku om filem do Jepun.

Biografi

Nosusu isio id Edo sabaagi tanak totuo di Asano Nagatomo. Paganakan disio nopo nga rapang do tinimungan Asano i sinakagon utama nopo nga id Hiroshima. Taki dau, i Naganao nopo nga noonuan do jawatan daimyō Ako miampai 50 noribu koku. Kalapas napatai Naganao di toun 1671, naanu di Nagatomo o jawatan dii, nga napatau di toun 1675, tolu toun kalapas dii. Sinumoooli i Naganori do tapa dau maamaso kiumul do siam toun.

Di toun 1680, nalantik isido montok mogigit do jawatan Takumi no Kami, momuruan portukangan id mahkamah empayar, nga jawatan diti nopo nga nominal, miahal nogi jawatan suai i pinatahak do samurai maamaso timpu di, om haro no o rati kapamantangan. Sabaagi songulun daimyō id kinoyonon di tokoro diti, impiiro isio nolantik kumaa id upis tokoro id Keshogunan Tokugawa. Di toun 1683, nolantik isio kumoinsan sabaagi songulun mantad duo tulun pegawai montok sumiliu luguan walai utusan mantad mahkamah empayar kumaa Keshogunan. Iti nopo timpu kumoinsan disio nokoruba di Kira Yoshinaka, kōke kipangkat takawas, momuruan do ababayan ponguludan id Keshogunan, i monuhu do pegawai id suang do kowoowoyoon monorimo tombului toponsol mantad Kyoto.

Maamaso di 1694, noontok isio do toruol serius. Gama do aiso tanak, aiso o nokotungkus maamaso di. Soira apatai songulun daimyo miampai aiso tumungkus, uriason do keshogunan o walai dau, om saladan o tana; mononokodung nopo nga kosiliu do rōnin. Montok mongilag do ahal diti, nanu disio o tadi kusai dau Asano Nagahiro, rinoitan do Daigaku, i notorimo di shogun sabaagi tumungkus dau.

Di toun 1701, nalantik isio montok timpu kumoinduo kumaa id upis di miagal. Noroitan do timpu di nopo nga araat pionitan disio miampai di Kira Yoshinaka, om nokoingkawas o pioduhan diolo.

Lobong di Asano Naganori id Sengaku-ji

Id tadau kapatayon disio, minangakang isio do gayang disio om mumbal do mamatai di Kira id Koridor Pines id Istana Edo (baino nopo nga otutunan sabaagi Tokyo). Notogu isio nga au nakaanu minamatai di Kira. Id timpu dii nogi, Tokugawa shōgun Tsunayoshi di kolimo nopo nga mongukun disio montok popoindalan do seppuku, i pinoindalan disio kalapas minonuat do hiis kapatayon disio:

「風さそう花よりも / なお我はまた / 春の名残を / いかにとやせん」

"kaze sasou / hana yori mo nao / ware ha mata / haru no nagori wo / ika ni toyasen."

"More than the cherry blossoms, Inviting a wind to blow them away, I am wondering what to do,

With the remaining springtime."

Kapatayon om legasi

Linobong isio id Sengaku-ji.

Mononokodung disio nopo nga nosiliu do ronin soira sinaladan do Keshogunan o wilayah dau. Id siriba do puruanan di Ōishi Kuranosuke, sundung po tu miagal di, minonuli yolo kumaa kinapatayon do luguan diolo miampai minamatai di Kira Yoshinaka id walai disio id Edo di 15 Milau 1702. Bagas mononokodung diti notutunan kopio sabaagi apat nohopod om turu rōnin, om ponulian diolo kipangkat sabaagi kumoiso mantad di otutun kopio id Jepun.

Pambasa'an potilombus

• Nakajima, Shizuo (1 Milau 1985). Asano Takumi no Kami ninjō no himitsu: seishinkai no mita Akō Jiken 浅野内匠頭刃傷の秘密 : 精神科医の見た赤穂事件 [Secret of Takumi Asano's head blade wound: Ako case seen by a psychiatrist] (id boros Jepun). Sapporo: Medikaru Paburishiti. ASIN B000J6PL04. OCLC 23316985.

Noputan labus

• " Asano Naganori" Archived 2009-08-29 at the Wayback Machine at the SamuraiWiki