Buah naga
Tua' naga, mato naga toi ko' Pitaya nopo nga kawo susumuni do kaktus id salom tinimungan genus-genus Stenocereus om Selenicereus, id suang paganakan Cactaceae.[1] Kawo spesies tua diti tonomon maya komersial id pogun Vietnam, Thailand om Taiwan, [2] sundung po tu ingkaa, tua' diti tadon kopiipio dau id pogun Amerika Selatan.
Tua diti ointutunan sabaagi pitaya toi ko Kaew Mang Kron id Thailand, Honey Fruit toi ko Red Dragon Fruit id (Amerika Syarikat) om Paw Wong Fa Kor id China.
Tonsi do tua' diti nopo nga opurak, aragang toi ko osohug miampai linso kiwotik do toitom i milo do akanon. Tekstur tonsi dau nopo nga miagal-agal do tua' Sadur, om roso dau nopo nga miagal-agal do tua' Kiwi. Tua' diti komilo dumadi roromu do salad tua'ua tu koula-ulaho dau di unik.
Spesies Suai[simbanai | simbanai toud]
Ngaran suai do tua' naga ointutunan sabaagi Pir Strawberi, Tua' Kaktus, Pitaya, Pitahaya, Kaktus Orkid. Haro duo spesies tua' diti di asaru tonomon maya komersial. I nopo nga Hylocereus Undatus (i kitonsi topurak) om Hylocereus Polyrhizus (i kitonsi taragang). Spesies i au kopio otutunan nopo nga lohowon sabaagi Seleniereus Megalanthus i kitonsi topurak om kikulit tosilou.
Tusak[simbanai | simbanai toud]
Tusak tua' naga papaasil do taau di owongi i kagayat do songongi om pungit i kiguno sabaagi agen pendebungaan. Tusak diti mungkalad id timpu sontuong no om kalapas minsusuab au no poinralad. Kawo kaktus diti nopo nga abaal do popoopi waig. Iri no sabab do tua' naga diti haro 80% waig, suai ko haro vitamin C i togumu mantad ko' i tua' sadur om epal.
Zat Takaanon[simbanai | simbanai toud]
Zat suai id suang do tua' naga nopo nga serat, kalsium, zat besi om fosforus di poimponu i kiguno do monguhup momolingos toruruol raha takawas toi ko' hipertensi[3] . Tua' naga i kitonsi taragang nopo nga osonong montok monguhup poposonong do mato tu' haro o karotenoid dau di takawas. Fitokimia salom tua' dau dii, nogi nga noilaan monguhup poposiriba do risiko oonong kanser.
Industri tua'ua id pogun suai momoguno tua' naga salom kapamansayan wain. Suai ko tua', i tusak om guas tua' naga mantad spesies Selenicereus Grandiflorus, gunoon salom kapamansayan tubat i manahak bagas di tosonong kumaa salur raha' koronari om popounsub do kalantasan koturugan raha' di tosonong salom tinan.
- ↑ Janick, Jules; Paull, Robert E., eds. (2008). "C". The Encyclopedia of Fruit and Nuts. Cambridge, United Kingdom: CABI International. pp. 215–216. ISBN 978-0-85199-638-7.
- ↑ Mahani Amat@Halimi; Mohd. Ghazali Mohd. Satar (2007). Mata Naga. Kuala Lumpur, Malaysia: Dewan Bahasa dan Pustaka. ISBN 9789836297952.
- ↑ http://www.myhealth.gov.my/tekanan-darah-tinggi-2/#:~:text=Essential%20hypertension%20atau%20primary%20hypertension,penyakit%20endokrin%20dan%20lain%2Dlain.