Gadis Arivia

Gadis Arivia
Arivia ontok 2016
Kinosusuon	(1964-09-08) 8 Manom 1964 New Delhi, India
Momogun	Indonesi
Kalaja	Philosopher, aktivis
Ointutunan montok	Establishing Jurnal Perempuan
Website	www.filsafatgadisarivia.com

Gadis Arivia (nosusu 8 Manom 1964) nopo nga songulun aktivis, lungkitas, surupu falsafah om feminis Indonesia. Daamot mongia feniminsme om falsafah id Universiti Indonesia, Arivia pinopotimpuun do Jurnal Perempuan, jurnal feminis kumoiso id Indonesia, ontok toun 1996. Nokoumbal yau ginakom do porinta Suharto tu mogilang koinsatan gatang susu ontok 1998.

Biografi

Nosusu i Arivia id New Delhi, India, ontok toun 1964. Tanak do songulun diplomat Indonesia, kogumuan nopo timpu disido maso di tanak po nga hilo id labus pogun; suai ko' poingion id India, nokoumbal nogi isido pointimporon id Ethiopia om Hungary, id nombo sinumikul isido id Sikul Kedutaan British, Budapest. Kalapas nokosikul id Indonesia, nakaawi i Gadis do sikul takawas id McLean High School hilo McLean, Virginia, daamot do hilo id Washington D.C. o tapa dau.

Kalapas minomongo do sikul takawas, binalajal kawagu i Arivia do boros Perancis id suang do program diploma hilo id Universiti Indonesia, kalapas do minomongo ijazah id suang do filosofi id universiti di. Maamaso momongo sarjana dau, nagayat rahi disido kumaa feminis. Minambasa isido do piipiro kalaja kokomoi dii, kohompit nogi ponuatan mantad lungkitas disido, Toeti Heraty, om nogi ponuatan di Barbara Smith, All the Women Are White, All the Blacks Are Men, But Some of Us Are Brave: Black Women's Studies. Nokotimpuun isido do mongia id Universiti Indonesia di 1991, om kitonggungan montok kopohimaganan kursus sobolum minondopitat isido id EHESS, Sikul Ponginabasan Potilombus id suang do Sains Sosial di toun 1992. Nakaanu i Arivia do Master id suang do Ponginabasan Potilombus id suang do psikologi sosial kalapas duo toun.

Kalapas ginumuli isido id Indonesia, tinumimpuun kawagu i Arivia do mongia. Kopuriman isido do apagon montok mogihum kakamot feminis id Indonesia om lumansan montok popopromosi do goos pondemokrasian om mongumolig do hak minoriti, tumimpuun no isido do kumalaja, sinokodung di Ida Dhanny, Asikin Arif, om Toeti Heraty, montok poposoliwan do jurnal feminis kumoiso id pogun diri. Nokoihum isido do Jurnal Perempuan Foundation di toun 1995, om kopohimaganan do Jurnal Perempuan (Women's Journal) id toun do sumusuhut; Krishna Sen mantad Universiti Western Australia popotolinahas dii sabaagi do "jurnal kokomoi teori feminis di kumoiso id Indonesia. Kiwaa dana di poinrontob montok ponorbitan do jurnal diti om nogi kalaja sosial kalapas dii, om solinaid walu toun di Arivia borkhidmat sabaagi do pongarah jurnal, au yau monorimo do pongolus As of 2016, kakal isido id lembaga ponyunting do jurnal.

Maamaso do Krisis Kousinan id Asia, noiktiraf i Arivia – sabaagi songulun cendekiawan feminis di bobos otutunan id Jakarta  – momogogol do kerajaan mantad momoguno do koingkawasan gatang do susu sabaagi pamahaur. Antakan di Mansak 1998, minoyo isido do lobi kuang duo nohopod tondu id turugan Hotel Indonesia montok mangada gatang takawas maya protes i pinaanjul do Jurnal Perempuan om pinopohimagon do Rolou Tama Peduli ("Rolou Tama Obinlisi"), iso organisasi i sinolaras di Arivia. Sumambayang, monondig, popotikid do bunga om mambasa kointalangan i mokianu kohompitan do koonduan di lobi ogumu montok monolibamban do krisis dii. Ginakom i Arivia miampai duo tondu suai, surupu astronomi Karlina Leksono Supelli om aktivis Wilasih Noviana. Kalapas nakaanu sokodung do ginumuan, pinoidu kawagu yolo.

Di toun 2002, nopongo di Arivia o ponginasan disido id gana kodokutulan id jabatan falsafah Universiti Indonesia. Ponoriukan disido,Dekonstruksi Filsafat Barat, Menuju Filsafat Berperspektif Femini Merungkai Falsafah Barat, Melangkah Ke Arah Falsafah Perspektif Feminis) pinosoliwan di toun sumusuhut sabaagi Filsafat Berperspektif Feminis (Falsafah Perspektif Feminis).

Di toun 2009, pinoposoliwan i Arivia do koleksi hiis miampai uhu do Yang Sakral dan yang Sekuler (The Sacred and the Profane). Koleksi diti nopo nga pinosoliwan kalapas sontoun do kontroversi undang-undang Pornografi om Pornoaksi pinosoliwan, nabasa sabaagi panangi-sangi kumaa kuasa potilombus do pogun Indonesia kumaa tinan do koonduan om seksualiti. Nakaanu i Arivia do Toluod Tasrif mantad do Alliance of Independent Journalists (AJI).

Mongia i Arivia do falsafah kontemporari om teori feminis id Fakulti Kemanusiaan id Universiti Indonesia gisom 2017. Di toun 2018, minamung isido do Montgomery College, Taman Takoma, Silver Spring, Maryland sabaagi profesor pomoruhang id suang do sosiologi om sosiologi do jantina.

Nakasawo idiso miampai di Richard Pollard, om nakaanu do duo tanak, i Anisa Joyce Pollard om Benjamin Arif Pollard. Baino, poingion isido id Bethesda, Maryland.

Selected publications

• Arivia, Gadis (2003). Filsafat Berperspektif Feminis [Feminist Perspective Philosophy] (id boros Indonesian). Jakarta: Jurnal Perempuan Foundation. ISBN 9789793520001.{{cite book}}: CS1 maint: unrecognized language (link)
• Arivia, Gadis (2003). Menggalang Perubahan: Perlunya Perspektif Gender dalam Otonomi Daerah [Pushing for Change: The Need for Gender Perspectives in Regional Autonomy] (id boros Indonesian). Jakarta: Jurnal Perempuan Foundation. ISBN 9789793520001.{{cite book}}: CS1 maint: unrecognized language (link)
• Arivia, Gadis (2006). Feminisme: Sebuah Kata Hati [Feminism: A Word from the Heart] (id boros Indonesian). Jakarta: Kompas. ISBN 9789797092443.{{cite book}}: CS1 maint: unrecognized language (link)
• Adian, Donny Gahral; Arivia, Gadis (2009). Relations between Religions and Cultures in Southeast Asia. Washington, D.C.: Council for Research in Values and Philosophy. ISBN 9789797092443.

Kalaja di pinotonggoi

• Arivia, Gadis. "Dr. Gadis Arivia, SS, DEA". filsafatgadisarivia.com (id boros Indonesian). Pinoopi mantad sand̠ad ontok 1 October 2016. Linoyog ontok 27 September 2016.{{cite web}}: CS1 maint: unrecognized language (link)
• Ariyani. "Smart Woman: Dr. Gadis Arivia (38)". CBN (id boros Indonesian). Cyberindo Aditama. Pinoopi mantad sand̠ad ontok 1 March 2005. Linoyog ontok 27 September 2016.{{cite news}}: CS1 maint: unrecognized language (link)
• "Merefleksikan Makna Gerakan Perempuan" [Reflecting on the Meaning of the Women's Movement]. Kompas (id boros Indonesian). 17 March 2003. Pinoopi mantad sand̠ad ontok 27 July 2003. Linoyog ontok 27 September 2016.{{cite news}}: CS1 maint: unrecognized language (link)
• "Profil Yayasan Jurnal Perempuan" [Profile of the Jurnal Perempuan Foundation] (PDF). Jurnal Perempuan. Pinoopi mantad sand̠ad (PDF) ontok 25 March 2016. Linoyog ontok 27 September 2016.
• Qimala, Rica Naza. "Gadis Arivia". Merdeka.com (id boros Indonesian). Pinoopi mantad sand̠ad ontok 1 October 2016. Linoyog ontok 27 September 2016.{{cite web}}: CS1 maint: unrecognized language (link)
• Sen, Krishna (2002). "Gendered Citizens in the New Indonesian Democracy" (PDF). Review of Indonesian and Malaysian Affairs. 36 (1): 51–65.
• "When Mothers Speak, Milk Prices Come Down - And So Does a Government". Mercy Corps. 7 November 2002. Pinoopi mantad sand̠ad ontok 1 October 2016. Linoyog ontok 27 September 2016.
• Wiyatmi (2013). "Yang Sakral dan Yang Sekuler: Menggugat Kuasa Atas Tubuh dan Seksualitas" [The Sacred and the Profane: Challenging Power over Bodies and Sexuality]. Prosiding Seminar Nasional Sastra Bandung, Balai Bahasa Bandung, pada Sastra Daerah Meraih Sastra Dunia [Proceedings of the National Seminar on Literature at the Language Center of Bandung, regarding Regional Literature moving towards Global Literature] (PDF) (id boros Indonesian).{{cite book}}: CS1 maint: unrecognized language (link)