Pergi ke kandungan

Institut Teknologi Waterford

Mantad Wikipedia

Waterford Institute of Techno
Institiúid Teicneolaíochta Phort Láirge
Kampus Waterford ontok Mahas 2021
Former name
Waterford Regional Technical College
MottoFoirfe chun fónaimh
Motto id  Boros Kadazandusun
Perfect to Serve
KawoPublik
Pinoturidong ontok1970 (1970)–1 Mikat 2022 (2022-05-01)
ChairRichard Langford[1]
PresidentWilliam Donnelly[2]
Staf Akademik
715
Staf Pomuruanan
395
Mokiikinobos8,061
Siswazah7,208
Ijazah/Sarjana766
Other students
1,519
Lokasi
Cork Road
,
Waterford
,
Munster
,
X91 K0EK
,
Ireland
Websitewww.wit.ie

Institut Teknologi Waterford (WIT; Irish: Institiúid Teicneolaíochta Phort Láirge) nopo nga Institut teknologi, id Waterford, Ireland. Institut nopo dii nga kiwaa onom sikul konstituen om papaharo program id suang pongindopuan/bisnes, kejuruteraan, sains, sains kolidasan, pondidikan & koulunan.

Noukaban institut diti ontok 1970 sabaagi Kolej Teknikal Serantau om minonorimo om nogi minomoguno ngaran dau ontok 7 Mikat 1997.[3] Miampai Institut Teknologi, Carlow, tinutupan institut dii ontok 1 Mikat 2022 om sinowolianan do South East Technological University. [4]

Sajara

[simbanai | simbanai toud]

Ontok kinoponuridangan RTC, kiwaa duo po kawagu institusi ponginabasan id kakadayan dii, ii no St John's Seminary[5] Waterford News om Star minoposuat kioponutupan do St John's Seminary ontok 1999 om De La Salle Brothers teacher training college, nga notutupan goduo no ii.

Nokototos o goos do puru pulitik Waterford do papaharo iso universiti id Waterford maso ponuridagan Queen's University of Ireland ontok 1840-an nga au nakalantoi ii. Goos nopo dii nga binuruan di Thomas Wyse, Puru Parlimen montok Kakadayan Waterford, i au songkuro kirahung id Dewan Rakyat tu kiwaa pionitan miampai Napoleonik[minog do kisukuon] (nakasawo isio miampai manangaman di Napoleon I of France), nosiliu Katolik om mumang daa Ireland di nakagabas.[minog do kisukuon] Galway, iso kakadayan di okoro ontok dii, nakaala Waterford, gama do nuru paparalad geografi toi ko' monokodung Boros Irish. Minonuat i Wyse miampai lobi osorisid kokomoi ahal diti id suang teks dau "Education reform or the necessity of a national system of education" (London, 1836).

Tinuridong o institut dii ontok 1970 sabaagi Kolej Teknikal Serantau, Waterford. Soira noturidong, osikap nokoburu o kolej teknikal dii gama atalang om ogumu koonuan pondidikan takawas id rantau dii. Ontok 1997 minomoguno o kolej diti do ngaran miagal di ngaran dau babaino tumanud ponuhuan Montiri Pondidikan Niamh Bhreathnach, miampai Institut Teknologi Dublin no institusi suai i kiwaa pamalahawan sabaagi "institute of technology" ontok dii id Ireland. Kalapas noosimban o porinta om panatalan (tekanan) tagayo montok puru kolej teknikal serantau di suai, loolobi Kolej Teknikal Serantau Cork, oinsanan kolej teknikal serantau di suai nga pinungaranan nogi miampai ngaran di mogiagal maya ponuhuan Montiri Pondidikan i Micheál Martin.

Mantad di 2001, minanahak o institut dtii do gaa' ijazah sondii id oinsanan taang, mantad Sijil Takawas gisom PhD, tumanud piawai i pinatatap om piintangan do Majlis Anugerah Pondidikan Takawas om Pinludaan (HETAC) i tinuridong do Porinta ontok Mahas 2001, id siriba Akta Kelayakan (Pondidikan om Pinludaan), 1999.[6] Ontok Gumas 2005, pinili do abal The Sunday Times o institut diti sabaagi "Institute of Technology of the Year" id Ireland.

Baino nopo, soginumu kiikiro 6,000 mokikinobos poimponu om 1,000 mokikinobos sampapas (part-time) id institut diti. Lulumaraja nopo dau nga kiikiro 470 kukumaaja akademik poinggonop, 300 kukumaraja sampapas om 300 kukumaraja ponkodung.[7]

Minangapalai o institut diti do status universiti ontok 2006 tumanud Akta Universiti, 1997, om nokoimpuun o proses monorisid kes montok pomungaranan kawagu. Ontok Milatok 2007 pinosiliu do porinta i Dr Jim Port montok popoindalan tongungan sabaagi "mananahang pogulu" kumaa pangapalayan institut dii.[8][9]

WIT om Nemeton TV (i poilongkod id Waterford Gaeltacht) monoina Diploma Takawas Inus id suang Produksi Televisyen i sokodungon do Údarás na Gaeltachta.[10]

Kinoyonon (Ranking)

[simbanai | simbanai toud]

Ontok 2018, pinoiliu Webometrics o WIT sabaagi institusi pondidikan takawas ko-7 bobos abantug id Ireland (mantad 32). Poinsuang nogi institut diti id kinoyonon kohopod tumanud Unirank, om institut teknologi ointutunan id Ireland (suai ko' DIT, baino nopo nga Universiti Teknologi).[11]

Kampus

[simbanai | simbanai toud]
Kampus Institut Teknologi Waterford

Institut nopo diti nga kiwaa 5 kampus: Cork Road, College Street, Carriganore, Applied Technology Building om Granary.[minog do kisukuon]

Organisasi

[simbanai | simbanai toud]

Abaagi o institut diti kumaa 6 o sikul miampai mogikaakawo o jabatan.

  • Ponginabasan Pongindopuan
    • Jabatan Akauntan & Ekonomi
    • Jabatan Kotoinaan & Organisasi
    • Department of Graduate Business Studies
  • School of Lifelong Learning & Education
    • Department of Education
    • Department of Lifelong Learning
  • School of Engineering
    • Department of Architecture
    • Department of the Built Environment
    • Department of Engineering Technology
  • School of Health Sciences
    • Department of Nursing & Health Care
    • Department of Health, Sport & Exercise Science
  • School of Humanities
    • Department of Applied Arts
    • Department of Creative & Performing Arts
    • Department of Languages, Tourism & Hospitality Studies
  • School of Science and Computing
    • Department of Chemical & Life Sciences
    • Department of Computing and Maths


Sukuon

[simbanai | simbanai toud]
  1. ↑ "Governing Body - Waterford Institute of Technology". WIT.ie.
  2. ↑ "Office of the President". Linoyog ontok 14 Milau 2016.
  3. ↑ Regional Technical Colleges Act 1992 (Amendment) (No. 2) Order 1997 (S.I. No. 199 of 1997). Signed on 7 May 1997. Statutory Instrument of the Government of Ireland. Retrieved from Irish Statute Book on 8 March 2021.
  4. ↑ "Establishment of South East Technological University and its first president is welcomed by Minister Harris". www.gov.ie (id boros Inggilis). Linoyog ontok 16 Mahas 2022.
  5. ↑ On the market: St. John's College sale to fund new pastoral centre Waterford News & Star
  6. ↑ "AboutWIT". Linoyog ontok 21 Mikat 2008.
  7. ↑ "Project Partners".
  8. ↑ Institute a step nearer to university status Irish Independent
  9. ↑ "Waterford Scholarship 2017". Afterschool.
  10. ↑ Nemeton Training, www.nemeton.ie
  11. ↑ "Ireland:Ranking". Linoyog ontok 7 Momuhau 2017.

Noputan labus

[simbanai | simbanai toud]

Naanu mantad "https://dtp.wikipedia.org/w/index.php?title=Institut_Teknologi_Waterford&oldid=17730"