Kimaragang

Kimaragang nopo nga iso suku tinaru mantad etnik Sabah. Kimaragang nopo nga iso bansa suai miagal do Ruungus. Koduo-duo nopo bansa diti nga mantad booyungan di miagal om ii nopo nga MOMOGUN. Baino nopo, au poinsuang ii id tinimungan Tinaru Kadazandusun sundung do momoguno yolo adat resam di osomok no piagalan nga kiwaa identiti sondii do Kimaragang. Kogumuan tulun Dusun Kimaragang poingion id Koibutan Sabah kohompit no Kota Marudu, Malobang, Mendurian, Teluk Marudu om Pitas.

Etimilogi

Nontodon Kimaragang

Ngaran do Kimaragang naanu mantad ngaran Nunuk Ragang iri iso puun tagayo di tinimpuunon do oinsanan tulun hiti id pomogunan do baino.

Tumanud do susuyan tulun Kimaragang:

Reetan tokow dot tulun Kimaragang tu mantad dot wotik tarangang. Notungkusan daton mantad sid nontodon daton, maya dit tuturan tulun gulu2. Inono kabarasan mantad tokow sid Nunuk Ragang. Ogumu ot gama dot tulun monuturan. Waro no ong it tulun ot aragang nopo kokitanan kabarasan sid puun do nunuk. Waro po susunduwon dot weeg taragang kaka minangantaga dit tongo tulun siri tiya diri gisom minomioruol diri yaalo. Waro po koboros dot yaki Nunuk Ragang sinumiliw dot nunuk taragang kabarasan.

Id boros Dusun nopo nga basaon miagal diti;

Roitan tokou do tulun Kimaragang tu mantad dot wotik tarangang. Notungkusan dati mantad id nontodon dati, maya dit tuturan tulun gulu-gulu. Ino noh kabarasan (pongundodoitan) mantad tokou id Nunuk Ragang. Ogumu kama ot tulun monusui. Haro no it tulun dot aragang nopo kokitanan kaka id puun do nunuk. Haro nogi susuyan dot waig taragang kaka nakatalib dit tongo tulun hiri gisom nokopomiruol diolo. Haro po koboros dot yaki Nunuk Ragang sinumilih dot nunuk taragang ka ngawi.

Sukuon

• http://kimaragangwagu.blogspot.com/2011/02/bukan-sekadar-wotik-taragang.html