Korumbakan do Jill id Waterford

Nokoimbulai o Korumbakan do Jiil id Waterford aantakan kosuabon do 4 Gomot 1943 soira iri torigi do jiil do kuta nakalaid no id Ballybricken in Waterford, Ireland, napayang kumaa doid walai poinsomok, om nakasabab do minidu pogun o 9 tulun om 17 tulun nabaangan.

Nowonsoi o jill talid do Waterford dii ontok 1727 miampai do berek soujor id kuta dii. Nowonsoi kawagu o bongunan diti d toun 1861 om notilombusan do noguno sabaagi jiil gisom toun 1939 ii no kotimpuunan do Emergency tu World War II ontok dii noilaan do neutral no id Ireland. Id toun sumusuhut naanu o bongunan diri do soujar do Ireland om noguno sabaagi kinoyonon pogirurubaan om nogi depot pomogompian montok do Local Defence Forces, sabaagi tinimungan di opion masaan sumangod.

Aaantakan totuong do napayang o limput dii, haro o rasam di topuhd om oluhoi dii i limput tu nosuangan do waig gisom haro luang. Ontok jaam ko 12.45 kosuabon do 4 Gomot, limpu di kikawas do onom nohopod kaki dii napayang om noontok doid walai di misampaping do King's Terrace om soboogian mogigion di poingodop. Nahaba kopio iso boogan limput di kisinawat do hatus gakod gisom nogompi o apat walai om minamaraag o tolu i duai. Kopomogompian do sakot do soujar nogi nga panakasabab do kiluang di o limput diri. Notumbayaan do ii no minomoruhang do koinsakan kumaa limput do jiil laid dii. Sakot di nayapasan do darun nopo nga nogompi id suang do jiil montok papalasu tu kokurian yolo do tohun watu dii noimport.

Monguhup po daa kogumuan tulun do popoundaliu iri payang tawagat nga aiso no milo maan diolo powonsoyo. Siam tinan di tongotiagak nagayat mantad payang jiil , kohompit no piipiro tangaanak, i bobos omulok nopo nga duo toun. Ngaran-ngaran di minidu pogun id Korumbakan do Limpu Jiil nopo nga: James Roche (umul 60 toun), Thomas Roche (umul 20 toun), Maureen Roche (umul 16 toun), James (Seamus) Roche (umul 6 toun), James Barrett (umul 11 toun), Kitty Barrett (umul 9 toun), Joseph Upton (umul 60 toun), Patrick Upton (umul 15 toun), and Betty Steward (umul 2 toun). Norualan tulun soginumu do 17 o tulun

Kapamalabangan kalapas dii nopo nga i togumu koumbal nokito doid Waterford City. Mogihaahatus tulun tuminindapou om do kapamalabangan diii. Aantakan timpu kopogihadan dii notutup ngawi kakadayan. Pinayang o jiiil dii di toun 1949.

Sukuon

1. "Victims of 1943 Jail Wall disaster are remembered | Munster Express Online". Munster-express.ie. 2006-03-10. Linoyog ontok 2012-10-2
2. "Bite Size Culture Talks - Ballybricken Jail and the Jail Wall Disaster". Waterford Treasures. Linoyog ontok 10 January 2021.
3. "Victims of 1943 Jail Wall disaster are remembered | Munster Express Online". Munster-express.ie. 2006-03-10. Linoyog ontok 2012-10-27.
4. St. John's Parish". The Munster Express. 10 Mar 2006. Pinoopi mantad sand̠ad ontok 29 October 2011.