Labuan

Wilayah Persekutuan Labuan
ولايه ڤرسكوتوان لابوان

Pulau Mutiara Borneo
Wilayah Persekutuan Labuan; ولايه ڤرسكوتوان لابوان Pulau Mutiara Borneo
Wilayah Persekutuan
	Dari atas, kiri ke kanan:; Kompleks Labuan Taman Kewangan, Tanah Perkuburan Perang Labuan, Lapangan Terbang Labuan, dan Terminal Feri Antarabangsa Labuan
	Flag Seal
	Labuan di Malaysia
	Coordinates: Ralat Lua pada baris 80 di package.lua: module 'Module:ISO 3166/data/MY' not found.
Negara	Malaysia
Negeri	Wilayah Persekutuan
Menjadi Wilayah; Persekutuan	16 April 1984
Ibu kota	Bandar Victoria
Government
• Ditadbir oleh	Perbadanan Labuan
• Pengerusi	Anifah Aman
Area
• Total	91 km2 (35 sq mi)
Population (2010)
• Total	86,908
• Density	955/km2 (2,470/sq mi)
Time zone	UTC+8 (MST)
Min waktu suria	UTC+06:46:40
Website	www.pl.gov.my

Wilayah Persekutuan Labuan nopo nga' Wilayah Persekutuan koduo id Malaysia. Papahangkum iti do pointongkop pulau Labuan di kiginayo do 91.64 km². Poingili o Pulau Labuan diti lobi kurang 10 km mantad disan rahat Sabah, 2 1/2 jam pamanahon momoguno kapal tulud mantad Kuala Lumpur, om lobi kurang 30 km mantad disan rahat Brunei. Pulau Labuan diti noisytihar sabaagi longkod pongusinan labus disan rahat ontok di 1990 om tuundorongon kapal obibas cukai mantad di toun 1956. Haro nogi tuundorongon kapal di aralom om agayo id Labuan diti, i nosiliu sabaagi nontodon do ngaran kinoyonon diti ii kirati do tuundorongon toi ko' Labuhan. Longkod kakadayan montok Wilayah Persekutuan Labuan nopo nga' Bandar Victoria.

Waig id Pulau Labuan nogi nga' oniting om disan rahat di kitogis soninaru do disan rahat, poposiliu do kinoyonon diti sabaagi kinoyonon do tutumombului di osonong kopio. Pulau Labuan diti nogi nga' haro kowoigan di osonong montok aktiviti montolop om haro apat kinoyonon do pintalapan skuba.

Sajara

Pulau Labuan di kopiipio nopo nga' soboogian mantad do Kosultanan Brunei. Antakan di toun 1846, pinatahak di Sultan Brunei Omar ALi Saifuddin II kumaa British o pulau diti soira ginuno do British o pulau diti sabaagi longkod manangod do lanun.Ontok di toun 1848, noisytihar o Labuan sabaagi Tanah Jajahan Mahkota British. Katalib dii, ontok di 1890, nigitan do Borneo Utara. Hali pia miagal di, antakan di 1 Milatok 1906, tinahak kagawu o Labuan kumaa British om nokosiliu soboogian do Negeri-Negeri Selat antakan di 30 Gumas miampai Singapura, Melaka om Pulau Pinang. Mantad era pontadbiran British id Pulau Labuan,Bandar Victoria nopo nga' longkod pomorintahan om sosio ekonomi mogigion do pulau dii.

Ontok di Momuhau 1941 gisom Mahas 1945, Labuan nopo nga' id siriba porinta do Jepun. Ngaran Labuan diti pinoundaliu kumaa Pulau Miada (前田島 [Maeda-shima]), i naanu mantad ngaran Komander susumangod Jepun id Borneo Marquis Toshinari Maeda. Soira nokopogidu o Jepun om naayi pontadbiran British, piniamung o Labuan miampai Borneo Utara ontok di 1946. Kalapas dii, miampai do Sabah miniamung do Malaysia di toun 1963.

Di pogulu po, Labuan nopo nga' iso kinoyonon di aada'an do koimogoton. Kalapas noisytihar do Wilayah Persekutuan ontok di 1 Mansak 1984, kinoyonon do tinaru Kedayan om Melayu Brunei tumimpuun no sabaagi iso pingongoyon utama montok pelabur labus pogun do papadagang, lobi-lobi no katalib nooisytihar o Labuan sabaagi Longkod Pongusinan Disan Rahat Sompomogunan toi ko' IOFC ontok di Gumas 1990 (dondo nopo nga' otutunan sabaagi Longkod Pamadangan om Pongusianan Sompomogunan toi ko' LOFSA).

Bagas sajarah timpu nakatalib id Labuan nokosiliu sabaagi iso pamagayat do tutumombului miagal do id Taman Damai (kinoyonon do Jepun minokiala kumaa British), lobong susumungod labus ii napatai ontok pisangadan miampai susumangod Jepun id Tanjung Taras om Taman Burung Eksotik.

Suai ko' bagas sajara timpu di laid, labuan nogi nga' otutunan sabaagi iso kinoyonon do aktiviti sipoot rahat taang sompomogunan miagal do pialaan magapon rahat taralom, jet ski om kayak sumorili do Pulau Labuan.

Labuan i di pogulu po iyonon do monginginsada, tumimpuun do sumiliu ririkoton do mokiikinobos mantad suang om labus Labuan gama do pinongukaban do Universiti Malaysia Sabah Kampung Antarabangsa Labuan om Kolej Matrikulasi Labuan.

Politik

Labuan nopo nga' iso wilayah Persekutuan Malaysia. Pulau diti nopo nga' todbiron do Karajaan Persekutuan maya Jabatan Wilayah Persekutuan (Di laid nopo nga' Komontorian Wilayah Persekutuan). Luguan Kotinanan Labuan nopo nga' songulun Pongorusi ii kitonggungan do popoindalan tugas sabaagi do pihak kikuasa tempatan ii kitonggungan do koingkakatan om pontadbiran Labuan. Labuan diti nogi nga' haro songulun do porwakilan id Dewan Negara om songulun id Dewan Rakyat. Puru Dewan Negara montok do Labuan diti nopo ng" (Aiso, aiso po lantikan wagu) om wakil Labuan id Dewan Rakyat nopo nga' YB Dato' Indera Dr. Suhaili Bin Abdul Rahman. Koubasan nopo, puru Dewan Rakyat id Labuan nopo nga' lontikon sabaagu Pongorusi Kotinanan Labuan. Kampung-kampung id Labuan nopo nga' tamangan do 27 tulun Luguan Kampung ii linantik do Kotinanan Labuan. Koubasan, soboogian tagayo do luguan-luguan kampung nopo nga' sukod Kadayan-Brunei, suai ko Luguan Kampung Sungai Keling ii mantad do tinaru Sina.

Id siriba nopo nga' sanarai pontadbir id Labuan:
Gabenor
27 Momuhau 1847 - Momuhau 1852 James Brooke (l. 1803 - m. 1868)
1852 - 1856 Spencer St. John (l. 1825 - m. 1910)

Leftenan Gabenor (pemangku tonggungan Gabenor)
1848 - 1850 William Napier
1850 - 1856 John Scott (l. 1814 - m. 1898)

Gabenor
1856 - 1861 George Warren Edwards
1861 - 1866 Jeremiah Thomas Fitzgerald Callaghan (l. c.1830 - m. 1881)
1866 - 1867 Hugh Low (l. 1824 - m. 1905)
1867 - 1871 John Pope Hennessy (l. 1834 - m. 1891)
1871 - 1875 Henry Ernest Gascoyne Bulwer (l. 1836 - m. 1914)
1876 - 1878 Herbert Taylor Ussher (l. 1836 - m. 1880)
1878 - 1881 Charles Cameron Lees (l. 1837 - m. 1898)
1881 - 1888 Peter Leys
1888 - 1890 Arthur Shirley Hamilton
1890 - 1906 Gabenor Borneo Utara
1906 - 1946 Gabenor Negeri-negeri Selat

Timbalan Gabenor
1906 - 1946 Residen British di Brunei

Residen British
1907 - 19.. M.S.H. McArthur
Feb 1917 - 1918 Geoffrey Edmund Cator (l. 1884 - m. 1973)
1918 - 1934 ....
1934 - 1936 A.D. York (l. 1907)
1936 - 1940 ....
1940 - 3 Jan 1942 A.H.P. Humphrey (l. 1912)

Komander Jepun
3 Milatok 1942 - Gomot 1945 ....
Gomot 1945 - 10 Mahas 1945 Hichiro Okuyama

Residen British
1945 - 16 Manom 1963 ....

Pengerusi Perbadanan Labuan
2001 - 2003 Dato' Othman Mohd Rijal (l. 1945)
2003 - 2008 Dato' Suhaili Abdul Rahman (l. 1961)
2008 - 2011 Tan Sri Ahmad Phesal Talib
2011 - 2013 Datuk Yussof Mahal
2013 - 2018 Datuk Rozman bin Datuk Haji Isli
2018 - kini Dato' Sri Amir Hussein

Geografi

Wilayah Persekutuan Labuan nopo nga' lobi kurang 8km mantad disan rahat pulau Borneo boogian pantai barat. Pulau Labuan nopo nga' pulau bobos tagayo, om haro limo po pulau tongokoro id posorili pulau diti ii otutunan sabaagi Pulau Papan, Pulau Burong, Pulau Kuraman, Pulau Rusukan Kecil om Pulau Rusukan Besar.

Kampung

Wilayah Persekutuan Labuan abaagi kumaa 27 kampung :-

Ekonomi

Senarai hitam syurga cukai OECD

Antakan di Ngiop 2009, miampai pinokianu di Tinimungan 20 pogun di kiharo-haro om mingkakat,Organisasi Kerjasama dan Pembangunan Ekonomi (OECD) pinoposanaraiitom Labuan sabaagi do iso mantad ko' "syurga montok rahsia perbankan". Suai ko Malaysia, OECD nogi nga' manyanariitom do Filipina, Costa Rica om Uruguay. Apat pogun diti pinomungaranan do pogun di bobos osiriba tu' mangada kooturan wagu kopongukaban pongusinan miagal do mogiolon moklumat kokomoi cukai. Hali pia miagal di, pinosoliwan do OECD o Longkod Pongusinan Labus Disan Rahat Labuan mantad sanarai oitom syurga cukai ii amu misokodung toi ko' komitmen montok misokodung id suang moningolig do ponginsalaan tumumboyo id suang piawai porcukaian do piipiro tadau katalib dii. ^[2]

Demografi

Komposisi etnik id Labuan di toun 2020 nopo nga' Melayu Brunei om Kedayan (61,549 toi ko' 72.81%), Kadazan-Dusun, Rungus, Murut om Lun Bawang/Lundayeh (2,084 toi ko' 1.82%), Cina (17,620 toi ko' 18.75%), India (209 toi ko' 0.86%) om tinaru suai (7,179 toi ko' 6.14%).

Budaya

Majoriti mogigion id Labuan nopo nga' sukod Melayu Brunei om Kedayan. Kiugama yolo do Islam om mooboros momoguno boros Malayu dialek Kadayan-Brunei toi ko' lobi otutunan sabaagi dialek Labuan. Haro piipiro pisuayan do dialek Labuan diti sokiro piadangon do Boros Malayu standard. Id siriba nopo nga' katayadab do piipiro boros di insaru gunoon id suang pibarasan monikid tadau:

Awu=ho'o
ani=iti
atu=ilo
kita=iya (gunoon montok tulun di lobi otuo toi ko' pantangon)
batah=laid
tah=lah
mun=sokiro
basar=agayo
damit=okoro
aing=waig
karang=tinu
bisai=olumis/olundus
ia=yau
mulih=muli
mengatil=mengasou
antah=koilo
nda=amu
majal=sonsog
karit=tamaha

Taakanon koubasanan montok mogigion id Labuan nopo nga' ambuyat, Kelupis om taakanon karing.

Darjah Kebesaran

Minintonod di toun 2008, Seri Paduka Baginda Yang di-Pertuan Agong nokosudong do minanahak karunia Darjah Kebesaran, Bintang om Pingat Persekutuan (Wilayah Persekutuan) maamaso Hari Wilayah Persekutuan. Darjah Kebesaran Yang Mulia Mahkota Wilayah diti nopo nga' haro 7 pangkat ii otutunan sabaagi:

Seri Utama Mahkota Wilayah (SUMW) yang membawa gelaran Datuk Seri Utama
Seri Mahkota Wilayah (SMW) yang membawa gelaran Datuk Seri
Panglima Mahkota Wilayah (PMW) yang membawa gelaran Datuk
Johan Mahkota Wilayah (JMW)
Kesatria Mahkota Wilayah (KMW)
Ahli Mahkota Wilayah (AMW)
Pingat Pangkuan Mahkota Wilayah (PPW)

Hali pia miagal di, gama do haro iso syarat pisokodungan sulit nokoruhang ii nometerai di toun 1984 maamaso tinahak o pulau dii kumaa Kerajaan Perseketuan, mogigion id Labuan (au mongira do tanak di nosusu om nakagayo hilo toi ko' tanak koturunan Sabah ii nosusu/ pinagayo id pulau diti, sebelum, maamaso om kalapas nokosiliu do Wilayah Persekutuan) nogi nga' asagaan do kaanu anugerah darjah-darjah kebesaran pogun Sabah, ii otutunan sabaagi Darjah Yang Amat Mulia Kinabalu. Darjah diti haro 4 pangkat ii otutunan sabaagi do: