Masjid Pogun

Masjid Negara Malaysia
را‎مسجد نݢا
Religion
Affiliation	Sunnah Waljamaah
Location
Location	Kuala Lumpur, Malaysia
Geographic coordinates	3°8′31″N 101°41′30″E
Architecture
Architect(s)	Howard Ashley, Ikmal Hisham Albakri dan Dato Baharuddin Abu Kassim
Completed	1965
Specifications
Capacity	15,000
Minaret height	73 m (240 ft)
Website
www.masjidnegara.gov.my

Masjid Pogun nopo nga masjid di apangkal id pogun Malaysia, poinladsong id Kuala Lumpur. Winonsoi o masjid diti di toun 1963 om pinohimagon di 27 Magus 1965. Masjid diti nopo nga iso lambang kogoyoon do Islam sabaagi ugama rasmi id Malaysia om iri nopo nga iso simbol kumaa pombontukan do Malaysia. Kaanu o masjid diti do poporumpos osginumu 15,000 tulun.

Kinoyonon

Poinladsong o Masjid Pogun diti id kinoyonon strategik Longkod Kakadayan Kuala Lumpur misampaping do Stesen Koritapui Malaysia, Bangunan Daya Bumi, Pos Besar Malaysia, Muzium Koinusan Islam, Taman Tombolog Kuala Lumpur om miinsomok do Taman Tasik Perdana. Kinoyonon do Masjid Pogun diti nopo nga soginayo 13 ekar om bangunan tapangkal nopo nga lobi kuang 3 ekar. Koinsanai posorili do masjid nopo nga soboogian do limput konkrit om soboogian nopo nga tansar noinlumisan. Kiwaa turu totobon sumuang. Koumatan montok tutumombului okon ko Islam nogi nga pinotounda miagal do pagawasan id somok do totobon sumuang montok don tutumombului labus om suang pogun.

Sobolum do nowonsoi o Masjid Sultan Salahuddin Abdul Aziz Shah, Masjid Pogun nopo nga iso masjid di bobos nokoburu id Kabaatan Kosilahon Asia. Miampai poinladsong id kinoyonon soginayo 13 ekar, mitoguang do Tuundorongon Koritapui Kuala Lumpur.

• 
  Masjid Pogun id Kuala Lumpur, Malaysia
• 
  Menara Masjid Pogun
• 
  Kopokitanan id suang do Masjid Pogun Malaysia.

Inus winonsoi

Reka bontuk om ponyoliaan bangunan diti nopo nga pinoindalan do tinimungan tolu tulun arkitek mantad Boogian Reka Bontuk om Ponoriukan, Jabatan Kerja Raya Porsokotuan - arkitek Hisham Albakri, Howard Ashley (mantad United Kingdom) om Dato Baharuddin Kassim. Minaganu yolo timpu solinaid tolu toun montok momongo kalaja diti. Sobolum nokotimpuun o kalaja merekabontuk Masjid Pogun diti, arkitek tapangkal, Baharuddin Abu Kassim minonoriuk do masjid-masjid id India, Pakistan, Iran, Turki, Arab Saudi, Republik Arab Bersatu om Sepanyol.

Koinsan do intnagan, menara dau nopo nga kikinawas do 73 meter (245 gakod) miampai kokiikitanan do songinan roket. Bontuk dau nopo nga miagal do payung di poinsompon, om ta'ap konkrit nopo nga kibontuk do rombituon 18 tompok i kaagal-agal do payung di poingungkalad. Bontuk menara om ta'ap di ropol id Masjid Pogun nopo nga panakalambang do kosotiaan. Konsep diti kopiagal do kowoowoyoon payung Diraja. Menara kibontuk do gambal payung di poinsompon om ta'ap miagal do payung di poungkalad.

Bontuk poinlopi ta'ap konkrit tapangakal nopo nga iso ponolibambanan kreatif montok maganu liwang di agayo kumaa kinoyonon sumambayang. Bongunan kigatang RM10 riong diti nopo nga kohompit no kinoyonon soginayo limo ekar. Miampai iso kinoyonon sumambayang soginayo 22,500 gakod poinpasagi, diwan porsidangan, pamalabangan, longkod pambasaan, upis, liwang, menara, linimput diraja om iso linimput imam. Pamalabangan montok turu susumangod pogun nopo nga' poinladsong id ponong kabaatan. Pointounda nogi linimput radio om televisyen kiekon id galeri diwan sambayangan.

Rekabontuk diti nopo nga kaagal do rekabontuk bongunan timpu nokoburu nga inus winonsoi Abbasiyah/Turki Usmaniah poingkakal po kasari. Kokiikitanan bontuk masjid diti nopo nga nakaasil mantad piomungan do wotik koislaman om nokoburu miampai norohungan do inus winonsoi songkinoyonon.

Bontuk ukiran jerjak bosi i poinsorili do bongunan diti om dom-dom tokoro id boogian sawat do pandatan nopo nga noimpohon mantad rekabontuk Sarasin, nga pinosudong miampai rekaan nokoburu.

Menara

Id taatanga kulam id Masjid Pogun diti nopo nga poingkakat o iso menara masjid. Gunoon iti montok poporongou do azan maamaso sumuang o timpu do sumambayang. Kikinawas o menara diti soginumu 235 gakod mantad sili kumaa tompok lambang tulan rombituon.

Id suang do bongunan menara diti nopo nga kiwaa lif montok sumakai id pentas menara. Kinawas do pentas diti mantad gana nopo nga 140 gakod. Kiwaa nogi iso tukad borpilin i pinotounda id sampaping do lif di, Duo limput menara i mitoguang nopo nga pinasakatadan do papak watu kapur om terazzo miampai duo limput id sampaping nopo nga noinlumisan momoguno do kekisi terazzo.

Tompok-tompok do menara masjid diti nopo nga noinlumisan momoguno do mozek kaca topurak. Gerabak lif pinotounda id suang do menara. Gerabak lif nopo nga kiwaa liligaon kaca montok popomilo do susumakai mogintong do kakadayan Kuala Lumpur. Anaau o menara diti miampai lampung kiburis, poposiliu do olumis kopio kokiikitanan lobi-lobi po id timpu totuong.

Terdapat tiga buah pintu besar dan sebuah pintu khas bagi kegunaan diraja. Di tingkat bawah ruang depan terdapat beberapa buah bilik untuk berwuduk, bilik mandi, tempat menyimpan kasut dan bilik berehat bagi mereka yang datang dari luar Kuala Lumpur. Sebelum sampai ke dewan sembahyang di tingkat pertama terdapat sebuah halaman besar. Di bahagian tengah halaman ini terdapat 48 kaki payung konkrit manakala di rusuknya pula terdapat kolam-kolam beserta beberapa buah pancuran bagi menyejukkan keadaan sekeliling.

Diwan sambayangan diti nopo nga kilimput konkrit tetulang om pinasakatan do watu marmar Itali. Kiwaa siam totobon lorot aluminiun id tolu boogian limput dii. Pipiro panandatan al-Quran sinuat miampai pointibabar id limput id boogian do sawat totobon boogian suang do diwan sambayangan dii. Sinuatan miampai duo gakod kinawas nopo nga pinirolot miampai mozek kaamasan om obuluo di okilat. Ta'ap di poinropol nopo nga popotitiu do babang aragang, mirolot do id taatanga nopo nga kekisi terrazo id galeri dii. Ta'ap konkrit nopo nga kibontuk payung poungkalad om noinlumisan momoguno mozek kaca om nogi amas topurak.

Ta'ap miampai kinawas 84 gakod nopo nga kiwaa buris longkod soninaru 200 kaki om sinokodung do 16 torigi i kiginayo buris pusat do 3 gakod. Torigi-torigi dii nopo nga linapahan do terrazzo. Id taatanga do ta'ap nopo nga kiwaa iso aluminiun di sinuatan do panandatan al-Quran – miagal do replika Kubah Masjid Biru id Istanbul,Turki. Di pogulu, bontuk mihrab nopo nga pasagi miagal do totobon nga sinimbanan kumaa poinlisang miagal do gerbang. Mihrab nopo nga sinuatan do boros-boros al-Quran id suang do inus khat Morroco. Turos do limput di poinsorili do mihrab nopo nga winonsoi tumanud do inus winonsoi Morocco, Mimbar, kinoyonon do imam manahak do booboros nopo nga id boogian do wanan mihrab. Mimbar i kibontuk do pandatan nopo nga winonsoi mantad do kayu.

Mantad apat boogian limput di nopo nga kiwaa galeri montok koonduan om tutumombului di orohian do mingintong id boogian diwan sambayangan. Boogian galeri di nopo nga ninlumisan momoguno kokisi tawan larat i popokito do koubasanan Islam om kaagal do tawan larat nopo nga haro id Masjid Taj Mahal om Patehphur Sikri id India. Boogian soliwan nopo nga linapahan do kekisi terrazzo. Siam totobon om kekisi galeri mogoit do binabang tadau kumaa kinoyonon sambayangan id sampaping do lampung-lampung ponginlumis, lampung-lampung poinlisok id roset aluminiun id ta'ap om 16 tepak lampung (chandelier) kurniaan raja-raja, gabenor-gabenor om bagas Gabenor Singapura.

Diwan sambayangan dii nopo nga kaanu poporumpos do 3,000 tulun om 5,000 tulun id boogian pandatan id kotolu-tolu tisan boogian diwan dii. Pandatan dii nopo nga oumolig mantad soliwan momoguno do tirai kekisi mantad aluminium om terawang dau nopo nga kitawan larat Islam sandad. Sili nopo nga winonsoi mantad kapingan terrazo om ta'ap nopo nga winonsoi mantad konkrit om kiwaa piipiro kubah-kubah tokoro i winonsoi mantad mozek obulou. Id boogian do kotonobon kompleks nopo nga' kiwaa diwan porsidangan. Ahal di kagayat kopio nopo nga' ta'ap konkrit di poinlakun. Diwan diti kitirai do kekisi terrazo id boogian soliwan. Dewan diti nopo nga osogit om kaanu momorumpos do 500 wakil porsidangan kougamaan. Haro nogi o longkod pambasaan doid hiti.

Angkab montok momonsoi masjid diti nopo nga nokoimbulan sonwulan sobolum do tadau kinagabasan. iso majlis i di pogulu nopo nga otutunan sabaagi do Majlis Kerja Persekutuan minaganu do koutuson montok popoingkakat iso masjid sabaagi tanda' kounsikahan kumaa bagas Luguan Pogun, Tunku Abdul Rahman Putra Al-Haj, kumaa nunu i pinatahak disio kumaa tulun pogun. Kalapas do nakaanu kinagabasan, nokosokodung o Majlis Raja-Raja do projek di. Sundung pia miagal di, mada i Tunku do pungaranan o masjid i sabaagi ngaran dau, nga pinoposogu ngaaran sabaagi do "Istana Pogun".

Antakan di toun 1987, noinsanangan kawagu o Masjid Pogun diti miampai poinggonop, om ta'ap di pogulu nopo nga au olumis nokowoliu kumaa lobi olumis miampai jubin otomou om obulou. Baino, Masjid Pogun nopo nga poingkakat miampai oondos om olumis kopio id Kuala Lumpur. Wayaan siriba gana popooput do Masjid Pogun kumaa Stesyen Koritapui, poingompud so Ralan Sultan Hishamuddin. Poinsomok do masjid nopo nga kiwaa Makam Pahlawan, kinoyonon montok pamalabangan piipiro surupu pulitik id Malaysia. Makan Pahlawan diti nogi nga kiwaa struktur ta'ap konkrit rombituon kipisuk 7.

Sanarai Imam Tagayo Masjid Pogun

Sanarai Imam Tagayo Masjid Pogun

• 1965 - 1970 : Dato' Haji Mohd Ghazali bin Haji Abdullah
• 1970 - 1974 : Dato' Seri Utama Diraja Dato' Haji Mohd Salleh bin Hassan Farid
• 1974 - 1975 : Tan Sri Dato' Sheikh Abdul Mohsein bin Haji Salleh
• 1975 - 1978 : Dato' Haji Ahmad Shahir bin Haji Daud
• 1978 - 1983 : Datuk Haji Abu Hassan bin Din al-Hafiz
• 1984 - 1992 : Dato' Haji Ahmad Shahir bin Haji Daud
• 1992 - 1993 : Tuan Haji Arifin bin Harun
• 1993 - 1999 : Dato' Haji Taib Azamudden Md. Taib
• 1999 - 2001 : Tuan Haji Abdul Jalil bin Sindring @ Perangreng
• 2001 - 2004 : Tuan Haji Wan Halim bin Wan Harun
• 2005 - 2006 : Dato' Haji Kamaruddin bin Haji Zakaria
• 2007 - 2019 : Tan Sri Dato' Seri (Dr) Syaikh Haji Ismail bin Haji Muhammad
• 2020 - kini : Tuan Haji Ehsan bin Mohd Hosni

Intangai nogi

• Jabatan dan Agensi kerajaan Malaysia
• Makam Pahlawan
• Jabatan Kemajuan Islam Malaysia

Noputan labus

• Laman rasmi Masjid Negara
• Laman rasmi Jabatan Kemajuan Islam Malaysia
• Informasi Masjid Negara
• [1] Homepage
• Laman utama Masjid Negara.