Pergi ke kandungan

Pandelela Rinong

Mantad Wikipedia
Pandelela Rinong anak Pamg Joheng
XIX_Commonwealth_Games-2010_Delhi_Winners_of_(Women`s)_Swimming_10M_Platform_Diving,_Pamg_Pandelela_Rinong_of_Malaysia_(Gold),_Melissa_Wu_of_Australia_(Silver)_and_Alexandra_Croak_of_Australia_(Bronze)_(cropped)
Kinosusuon (1993-03-02) Gomot 2, 1993 (umul 31)
Kampung Jugan, Bau, Sarawak, Malaysia[1]
Ngaran suaiLela
Kinawas5 ft 3 in (1.6 m)
Koruhang[ Nur Dhabitah Sabri ]

Dato Pandelela Rinong anak Pamg PSBS; AMN; JBK (nosusu 2 Gomot 1993) nopo nga songulun atlet tumindak id Malaysia. Nosiliu isido tondu kumoiso Malaysia di mongiingigit bondira id Upacara Pembukaan Sukan Olimpik Musim Panas 2012 id London om nosiliu songulun atlet Malaysia di kumoiso di nakaanu do pingat Olimpik (pingat gangsa) ii no tu id suang pialaan tumindak 10 meter platform tondu,[2][3] om atlet Malaysia kumoduo Malaysia di nakaanu pingat Olimpik 2012 id London kalapas di Datuk Lee Chong Wei id suang pialaan badminton.[4]


Koposion gulu[simbanai | simbanai toud]

Nosusu isido ontok 2 Gomot 1993 id Kupuo Jugan, iso kokompungan Bidayuh id Bau, Sarawak. Molohing nopo dau nga ii Hartini Lamin om Pamg Joheng.[5][6][7] Kirinanggou isido do 5'3" om kiwinagat do 52kg.[8] Mantad isido do Kampung (Kupuo) Jugan, Bau. Kiraha isido do Bidayuh, kaum Bumiputera id Sarawak, Malaysia. Ontok umul 7 toun, nopili isido sumiliu do kukumaau negeri om mongoput do pinludaan id Sikul Sukan Bukit Jalil id Kuala Lumpur.[9] Baino, minaganu isido do ijazah Sains Sukan id Universiti Malaya, kijurusan Panarampasan Sukan.[10]

Kerjaya[simbanai | simbanai toud]

Pandelela ontok tadau kotolu FINA Diving World id Moscow, Russia.

Nokoimbulai i Pandelela sabaagi susumaap sompomogunan di koiso nogi ontok toun 2007 id Kejohanan Remaja Akuatik Asia hinombo, nokolimbou isido do apat pingas amas.[11] Id Sukan Asia Tenggara 2007 id Thailand, nokolimbou nogi isido do pingat amas id platform serentak 10m miampai di Cheong Jun Hoong.[12] Nakaampayat isido id Olimpik do koiso dau id Sukan Olimpik Beijing 2008 ontok umul 15 toun.[13] Ontok Kejohanan Akuatik Dunia 2009, nokolimbou isido do pingat gangsa id abaabayan tumunsok 10 meter miampai di Leong Mun Yee[14] Isido nogi nga nakaampayat id abaabayan tumunsok 10 meter id Sukan Olimpik Musim Panas 2008 id Beijing China.[15]

Isido nogi nga mogoogowit bondira montok Kontinjen Malaysia id Sukan Olimpik Belia 2010 id Singapura hinombo nokolimbou isido do pingat pirok id abaabayan tumunsok 10 meter om tumunsok 3 meter.

Ontok toun 2010 id New Delhi, India, nokolimbou isido do pingat amas koiso Malaysia id Sukan Komanwel 2010 id sukan akuatik id abaabayan tumunsok 10 meter.

Nosiliu isido sabaagi tondu koiso Malaysia sabaagi mogoogowit bondiri id Upacara Pongukaban Sukan Olimpik Musim Talasu 2012 id London. Nokosuat o sajara numaan dau sabaagi atlet tondu Malaysia di koiso ii nakalantoi do pingat Olimpik (gangsa) id abaabayan tumindok 10 meter platform Tondu om atlit Malaysia koduo ii nakalantoi do pingat olimpik 2012 id London kopongo di Datuk Lee Chong Wei id abaabayan do badminton.[16] Montok kapasarahan do kalantayan dau, noonuan isido do Karajaan Negeri Sarawak o Johan Bintang Kenyalang id iso majlis poimbida ii pinaharo id Astana soira nokoguli kumaa id Sarawak.[17] Nosiliu isido sabaagi atlit koiso Sarawak ii noonuan do gaa diti.[18]

Kosindualan[simbanai | simbanai toud]

Ontok toun 2010, nosindualan i Pandelela do notipu tulang id gakod ii nolingos solinaid do onom wulan. Kopongo Sukan Olimpik 2012, nosindualan isido id tampangil om nasansagan do au tumanud id Kejohanan Asia om Sukan Universiti ASEAN. Ontok Julai 2014, kiwaa kosindualan dau id totud ii minamaraag do prestasi dau id Sukan Komanwel 2014 om pinoporontob do kaampayatan dau id Sukan Asia 2014 kumaa duo abaabayan.

Koposion sondii[simbanai | simbanai toud]

Aanangan i Pandelela do K-pop om anime Jipun. Kaanangan nopo dau kopio nga tinimungan muzik do Big Bang. Kiwaa 100,000 tutumanud dau id Instagram om kiwaa lobi mantad do 117,000 tulun id liwang Facebook rasmi disido. Tabang dau, i Pardika Indoma nogi nga kohompiy id sukan tumindok.

Sukuon[simbanai | simbanai toud]

  1. ↑ "Pandelela Rinong (full name: Pandelela Rinong anak Pamg)". Archived from the original on 2015-06-11. Linoyog ontok 2017-05-09. {{cite web}}: Unknown parameter |parents= ignored (help)
  2. ↑ Olympics diving: Chen Ruolin wins second gold in 10m platform BBC News, 9 August 2012
  3. ↑ S. Ramaguru (10 August 2012). "Pandelela wins historic diving bronze in 10m platform". The Star. Linoyog ontok 21 August 2012.
  4. ↑ Vijesh Rai (10 August 2016). "(Olympic) Divers Cheong Jun Hoong and Pandelela Rinong win silver, first medal for Malaysia in Rio 2016". New Straits Times. Linoyog ontok 10 August 2016.
  5. ↑ "Pandelela – Shining example of true grit". The Borneo Post. 21 July 2012. Linoyog ontok 20 August 2012.
  6. ↑ Jonathan Edward (11 August 2016). "Dad hopeful of gold soon for Pandelela". Malay Mail. Linoyog ontok 26 May 2017. {{cite web}}: Unknown parameter |lastauthoramp= ignored (|name-list-style= suggested) (help)
  7. ↑ Anasathia Jenis (11 August 2012). "Pamg over the moon with daughter's victory". The Borneo Post. Linoyog ontok 26 May 2017. {{cite web}}: Unknown parameter |lastauthoramp= ignored (|name-list-style= suggested) (help)
  8. ↑ Pandelela Rinong Pamg, 2012 Olympics profile, BBC Sport
  9. ↑ DENNIS WONG AND DESMOND DAVIDSON (2012-08-11). "Pandelela does nation proud with medal win". Nst.com.my. Linoyog ontok 2012-08-20.
  10. ↑ Dian Pasquinal Kaur (29 July 2016). "Bright Young Things: National diver Pandelela Rinong on the road to Rio". Asia Tatler. Archived from the original on 2017-09-01. Linoyog ontok 2017-10-14.
  11. ↑ Lim, Teik Huat (13 August 2007). "Diver Pandelela makes her mark in international scene". The Star. Linoyog ontok 1 September 2017.
  12. ↑ "Pandelela becomes youngest winner, thanks to her family". The Star. 15 December 2007. Linoyog ontok 1 September 2017.
  13. ↑ "Young Pandelela sets herself lofty ambitions". The Star. 8 August 2008. Linoyog ontok 1 September 2017.
  14. ↑ "Diving: Pandelela posts impressive finish in 10m platform final". The Star. 20 July 2009. Linoyog ontok 1 September 2017.
  15. ↑ "2008 Beijing Summer Olympics | Pandelela Rinong PAMG Profile & Bio, Photos & Videos | NBC Olympics". 2008.nbcolympics.com. 2 March 1993. Archived from the original on 2012-08-19. Linoyog ontok 12 August 2012.
  16. ↑ Zulhilmi Supaat (10 August 2012). "Pandelela, Malaysia's first woman to win Olympic medal". The Borneo Post.
  17. ↑ Dennis Wong (22 August 2012). "Sarawak confers award on diver Pandelela". New Straits Times. Linoyog ontok 30 August 2012.
  18. ↑ "Pandelela receives Johan Bintang Kenyalang award". The Star (Malaysia). Linoyog ontok 12 March 2016.
Naanu mantad "https://dtp.wikipedia.org/w/index.php?title=Pandelela_Rinong&oldid=11844"