Peter Mojuntin

Yang Berhormat Datuk Peter Joinod Mojuntin PGDK MLA
Golden Son of the Kadazan Tanak Amas do Kadazan
5th State Minister of Local Government and Housing
Dalam jawatan 18 April – 6 June 1976
Preceded by	Salleh Sulong
Succeeded by	Joseph Pairin Kitingan
Maklumat peribadi
Kinosusuon	Peter Joinod Mojuntin (1939-10-11)11 Gumas 1939 Kampung Hungab, Donggongon, Penampang, British North Borneo (now Sabah, Malaysia)
Kapatayon	6 Mahas 1976(1976-06-06) (umul 36) Kota Kinabalu, Sabah, Malaysia
Pinamalabangan	St. Michael’s Church, Donggongon, Penampang, Sabah
Parti pulitik	United National Kadazan Organisation (UNKO) United Pasokmomogun Kadazan Organisation (UPKO) Sabah People's United Front (BERJAYA)
Sawo	Nancy Mary Mobijohn (married on 8 May 1963 until his death)
Tanak	Donald Peter Mojuntin (born 1965) Charles Claudius Peter Mojuntin (born 1967) Esther Marianne Peter Mojuntin (1969–2022) Peter Lawrence Mojuntin, Jnr. (born 1971) Deidre Christine Peter Mojuntin (1973–2003)

Datuk Peter Joinod Mojuntin, PGDK MLA (10 Gumas 1939 – 6 Lumahas s1976) nopo nga songulun pulitikan id pogun Sabah Malaysia om bagas Komontirian Kinoyonon Porinta Sandad Malaysia id suang do porinta di Tun Fuad Stephens. Noiduan ginawo isio om puru pulitik suai id suang Kinaantakan Induo Onom id Kota Kinabalu.

Koposion

Nosusu ontok 10 Gumas 939 sabaagi tanak kotolu nga tanak koduo kusai mantad limo mogiadi-adi id Kampung Hungab, Donggongon, Penampang (kiharo tabangon dau di totuo kingaran do George, turu toun otuo ko dioti, nosusu 1932 om noiduan ginawo ontok 1983, om sumusuhut kawagu i taka totuo dau, Catherine, duo toun totuo ko dioti, nosusu ontok 1937, nga noiduan ginawo id pialatan 1980s-1990s, id nonggo kalapas dii haro tadi tondu, Maria, nosusu mamaso isio kiumul do onom toun ontok toun 1945 mamaso sangod om tohuri nopo nga songulun tadi kusai, Conrad i nosusu soira isio nopo nga siam toun ontok 1948, i noiduan ginawo 2020/21), tapau dau, Paul Mojuntin Matanul (1907 – 1971), nopo nga songulun tinaru Kadazan om tama dau nopo nga haro raha mirolot Hakka Chinese paganakan tondu Sino-Native, Magdalene Minjaim Lim (1909 – 1994).

Pinumangaranan mamaso kosusu Joinod Mojuntin, minaganu isio do ngaran Peter soira suminuang isio do Catholicism mantad animism maso umul dau 15 id 1954. Kalapas nakaanu duo-duo pondidikan id St. Michael's School id Donggongon, Penampang (1946 – 1954) om id Sacred Heart Secondary School id Tanjung Aru, Jesselton (1955 – 1957), tumimpuun isio dioti propisional, koposion kukumalaja sabaagi mongingia junior au nokoluda id St. Michael's School, Penampang, dioti alma mater maso sikul tosiriba om pintangaan tadau sikulan. primary and middle schooling days. Kalapas 2 toun, tuminingkod isio sosongulunan kalapas nakaanu kalaja suai di maan patahako mamaso umul dioti 20. Pakalaja isio id suat abal id noilaan sabaagi Borneo Koibutan Abar om Timpu Sabah (baino nopo nga noilaan sabaagi New Sabah Times, nga karatas nopo di nga notutupan no mantad toun 2020), miampai Donald Stephens sabaagi sanganu om kotua moninimban ilo kolobusan, pakaraja sabaagi songulun kolumnis om sampapas maso jurnalis id siriba mananapanai di tohuri no, kalapas dii pakaraja isio sabaagi do monunuhu buruon do Nabahu Corp. Sdn. Bhd., songulun tinimungan koperasi sandad.

Ontok 8 Mikat 1963, id nonggo tadau nopo dilo nga toun karamaian Kaamatan, minansawo isio i Datin Nancy Mary Mobijohn (26 Mikat 1945 – 13 Gumas 2023), i nopo nga tanak puru pulitik sandad om songulun bagas mongingia tambalut pakaraja i kingaran do Datuk Seri Panglima Lidwin Anthony Mobijohn (1921 – 2002) om sawo dau, Datin Seri Panglima Nora Joguim Sipanil (1923 – 2008), mantad nogi do kampung i miagal om koruhang dilo kiharo limo tanak, tolu kusai om duo tondu, kohompit no Donald Peter Mojuntin (nosusu 26 Milatok 1965) dan Deidre Peter Mojuntin (28 Momuhau 1973 – 1 Milatok 2003), nakalantoi piboian Unduk Ngadau id 1989.

Suai ko ii, momuru isio sabaagi Pengerusi Majlis Daerah Penampang solinaid duo penggal bukan okon ko mogisusuhut, mantad 1965 gisom 1971 om insan kawagu mantad 1973 gisom 1975. Maamaso poimpasi isio, Mojuntin opori id suang mogisuusuai piisaan Kadazan.Kumoiso nopo nga, isio nopo nga presiden piisaan sukod wagu i noilaan sabaagi Piisaan Sukod Wagu Kadazan Sabah Bersatu OM kalapas di mantad 1965 gisom 1973, isio nopo Presiden Piisaan Koubasanan Kadazan (KCA) om ontok 1975, isio nosiliu diolo gugumompi'.

Kalaja Politik

Kalaja politik di Mojuntin nokoimpuun ontok toun 1962 sabaagi Setiausaha Agung Koisaan Kadazan Kabansaan Miiso (UNKO). Ontok nosiliu sabaagi setiausaha, pinopotounda isio iso memorandom poimponu ii mobi pandangan kolektif om aspirasi masyarakat Kadazan. Mantad 1963 gisom 1964, ontok umul 24 toun, isio nopo nga puru parlimon do Malaysia. Ontok toun 1967, nopili isio sabaagi do timbalan id suang Diwan Undangan Negeri Sabah, nga pinopotindohoi isio do tirikohon dau hilo do potilombus gisom do kinapatayon ontok toun 1976. Mantad toun 1971 gisom 1973, nosiliu isio sabaagi Montiri Muda Pombangunan Porindustrian negeri Sabah. Miampai pomilian kawagu, ontok 1976, Tun Fuad Stephens nosiliu do Montiri Kawalayan dan Kerajaan Tempatan negeri Sabah. Limo nohopod om tolu nakatalib, minidu pogun isio tu nakaampayat id nahas kapal tulud.

Kihinta i Peter Mojuntin sabaagi momuruan di totos agaras om kirahung. Sundung do au kaanu mombontuk karajaan do Piisaan Pasokmomogun Kadazan Bersatu (UPKO) ontok pomilian raya umum Sabah 1967, nga nakaanu i Mojuntin do undi soginumu 6908 mantad ko calon Pertubuhan Kabansaan Sabah Bersatu (USNO) ii nakaanu undi do 2089. Ontok 1976, Mojuntin nopo nga sabaagi mobi mantad BERJAYA ii nakaanu 4020 undi om calon USNO i Joseph Lanjuat nopo nga nakaanu 608 undi, bagas pegawai daerah Penampang.

Kinapatayon

Ontok 6 Mahas 1976, Peter Mojuntin miampai di Tun Fuad Stephen om piipiro puru kabinet id suang kapal mantad Labuan kumaa Kota Kinabalu nopo nga napatai id kaantakan Double Six kiikiro 2 km mantad Gana Tutubpoon Sompomogunan Kota Kinabalu. Kopongo do kaantakan dii, kiwaa teori konspirasi kokomoi tadon kaantakan tu agaras tomod o kaantakan dii. Minomboros kawagu o Pesuruhjaya Pulis Yusof Khan do:

Kiwaa mayat id posorili lantai pesawat..., norumbak o tinan diolo id woyo do mogisuusuai. Poinlatan i Tun Fuad id woyo do susuai, kisudut ganjil id tinan dau. Nokotutun oku tumanud do ginayo dau. Turos di Peter Mojuntin nopo nga au oigitan om kiwaa luang momuraha id likud tulu dau. Atarom tomod tau' do raha om osomok do ahadan o tangaanak ku, nga nakalantoi yahai do papalabus do mayat mantad kapal do mirulud minsomok moi do kaanu momonsoi pengecaman do tosikap. Aiso ii nasalamat. Modosi oku do nokokito soira osomok no toinsanan do momuruan wanan BERJAYA hino do hiri. Nga i Harris no i natagak.

— Pesuruhjaya Pulis Yusof Khan ontok 6 Mahas 1976.

Soginumu lobi 3000 tulun ii nokorikot do pamalabangan dau om binarasan do pamalabangan di totos kolunggui di nadadi id Penampang.

Koiyonon kaandaman montok kaantakan dii nopo nga id Monumen Double Six, tugu diti nopo nga tinandaan miampai tugu watu ii pinoingkakat kopongo kaantakan dii. Poingiliu o Monumen dii poinsomok do perbandaran Sembulan, misomok do kawalayan Grace Garden id Kota Kinabalu, Sabah id lobuh raya Jalan Coastal kumaa Sutera Harbour Resort om Gana Tutubpoon Sompomogunan Kota Kinabalu. Tinan nopo dau nga pinolisok id Gorija St. Michael, Penampang miampai sawo dau ii Datin Nancy Mary Mobijohn, ii napatai ontok umul 78 toun ontok 13 Gumas 2023, kahapas kinapatayon dau ontok 47 toun.

Legasi

Datuk Peter Joinod Mojuntin nopo nga songulun momuruan ii abagos kumalaja montok koulunan dau om pointounda do lumubuk do tinan montok diolo. Aiso o iman-imanon dau suai ko montok koulunan om Negeri Sabah. Lantang isio okon nopo id mesyuarat Diwan Undangan Negeri nga kihinta nogi ontok au bersidang do Diwan Undangan Negeri. Ogumu mogiigiyon Sabah do ontok dii nopo nga poingiyon id kokompungan baang id gogok om nulu id gogok gisom do tumombului isio do hilo au mintong totuong ko' anaau miampai koundarangan di tokuri. Maya i Mojuntin do baang Kinabatangan miampai sumakai do rakit montok tumombului kokompungan Rungus om Tulun Sungai id gogok montok moguhot sinorou diolo om monuduk diolo kokomoi kaantakan maamaso id Sabah.

Mojuntin nopo nga nasanganu do susumaap politik Tun Mustapha. Pongugadan mubaligh om kakitangan gorija di au maan nopo nga manahak wayaan kumaa koundolihon maya sinansagan om sentimen anti-Kristian id Sabah ii nokritik tomod mantad dau tu' isio nopo nga songulun kiugama Katolik di otumbayaan. Otumbayaan isio do ii nopo nga au otopot om au kaanu o ugama papasaga woyo dii montok kalantoi do mualaf tu ii nopo nga magala do objek ugama.

Sumaap do serbuan, penahanan, kasou om pongugadan mubaligh labus om nogi dakwaan pongislaman maya koundolihon di sinansagan do tulun Sabah id siriba pomorintaan zalim Mustapha, sondii isio minambantah di Pordana Montiri, Tun Abdul Razak miampai pinapaatod do surat salinan karbon kumaa Tun Dr Ismail Abdul Rahman, songulun Timbalan Pordana Menteri merangkap Montiri Suang Negeri.

Ontok toun 2022, pinapalabus o Daily Express do dokumentari, "Double Six: The Untold Stories Documentary mantad Daily Express (Sabah)" maya YouTube, ii mogibooboros kokomoi Tragedi Double Six miampai monorubung do paganakan mangsa.

Tinulun tulun di Datuk Peter Mojuntin id Donggongon, Penampang.

Ointutunan sabaagi Tanak Amas Kadazan, nodokumentasi di o kodudukan di Mojuntin id suang biografi Bernard Sta Maria ii nakalabus miampai dakwaan do monondos do Luguan Montiri Sabah ontok dii i Tun Mustapha gisom do pinaharam o buuk di mantad di Komontirian Suang Negeri Malaysia ontok Mahas 1978. Sundung do ingkaa, solinaid toun dii, piipiro tinimungan om kotinanan okon karajaan (NGO) nopo nga pinopolombus pongharaman do buuk sajara Sabah pogulu, maamaso om kopongo nosiliu somboogian mantad Persekutuan Malaysia, kohompit no do Tan Sri Lim Kit Siang. Ontok Mei 2024, bagas luguan montiri Tan Sri Joseph Pairin Kitingan nopo nga pinopolombus do angkab dau kumaa Pordana Montiri Datuk Seri Anwar Ibrahim montok monulimbang ahal dii id panantaban Kapanaadakan Kaamatan Nayatan Pogun. Paganakan dau nopo nga mininggoos moi do au kaharam do buuk dii. Ontok Mahas 2024, ponorikohon kotinanan okon karajaan (NGO) Sunduvan Sabah, Aloysius Danim Siap nopo nga minomboros do tinimungan dii nopo nga manu do komulakan minsingilo poingkuro kaantakan Kinorotuon Double Six nokosimban do landskap politik negeri dii. Manangaki om monongodu tondu di Mojuntin, i Atalia Mae Albert Jaua, minaganu do pondirian sumaap pogoduhan buuk dii miampai minonuat surat poingukab kumaa Pordana Montiri Datuk Seri Anwar Ibrahim, moi do papalabus do buuk dii.

Koposion dau nopo nga oondom id tanga-tanga kampung dau id Donggongon, Penampang sabaagi songulun mantad momuruan Sabah miampai pinoingkakat o tinulun tulun montok kapamantangan dau.

Suai ko ii, SMK Datuk Peter Mojuntin nogi nga iso sikul ii poingiliu id Penampang, iso pamagatangan kumaa dau sabaagi kapamantangan legasi om sakadai kumaa mogiigiyon watas Penampang. Wayaan kumaa id sikul dii nogi nga pinungaranan do ngaran dau tu' ii nogi nga koiyonon tiyonon dau di pogulu ii. Diwan id SM St. Michael, Penampang nopo nga pinungaranan miampai ngaran Diwan Datuk Peter Mojuntin tu' nokoumbal isio sumiliu do mokiikinobos om mongia' id sikul dii pogulu suminuang id gana politik.