Pitas

Pitas
Kakadayan om kakadayan watas
Lot kakadayan id Pitas.
Coordinates: 6°43′00″N 117°04′00″E
Pogun	Malaysia
Negeri	Sabah
Boogian	Kudat
Watas	Pitas
Area
• Total	1,419.35 km2 (548.01 sq mi)
Population  (2010)
• Total	895

Pitas nopo nga kakadayan om nogi watas id Boogian Kudat, Sabah, Malaysia om kisinodu do 195 kilometer mantad Kota Kinabalu. Pitas nogi nga miwolit do watas Kota Marudu id ponongkotonobon, om Beluran om Paitan id ponongkosilahon. Pitas nogi nga poingsondot id boogian koibutan do Pulou Borneo. Populasi do mogigion id watas Pitas nopo nga lobi kuang 895 di toun 2010. Majoriti nopo do tinaru id watas Pitas nga Rungus, Orang Sungai, Tombonuo, Kimaragang, tulun Sina om etnik minoriti di suai. Ontok toun 2006, naaga do soginumu 38,600 tulun poingion id watas diti.

Etimologi

Nontodon do ngaran Pitas nopo nga naanu mantad boros "Nopitas" i gunoon do boros Sungai, i mogoit rati do "natagak". Koumbal do oluyudan o Bawang Bengkoka om papasabap do noputut bawang dii. Ngaran dii nopo nga pinotindohoi do tulun ginumuan maamaso dii sumiliu do Pitas.

Nontodonon Pitas

Jata Watas Pitas

Pogulu di pinomungaranan Pitas, ngaran nopo watas Pitas nga Tupak i kirati do 'soborong'. Tupak nopo nga sumuku kumaa kinoyonon momogun Tombonuvo om momogun Rungus id di laid. Gama do pisongkiwalan do momogun id Teluk Bandau di nootus mantad sindaat Mogkorudu di nowonsoi di aki Palzavan om Aki Sook, soboogian momogun Bandau minonongkiad kinoyonon dii mooi do koolig mantad sindaat dii.

Kinoyonon do watas Pitas

Pitas naanu mantad boros 'nopitas' toi ko' 'minitas' di sumuku do kinaantakan tongoulun Bandau di sinumoborong kinoyonon dii gama do Sindaat Mogkorudu. Boros Pitas nga sumuku do kapamalahawan tulun Momogun montok Bawang Bengkoka di asaru do opitas gama do luyud tagayo.

Dataran Bengkoka Pitas

Babaino nopo, kiwaa po soboogian momogun sandad do pitas di mamarait Pitas sabaagi do Tupak mooi do mongilag tulun do kosorou kaaagu pisongkiwalan di nosiliu di laid. Sundung po tu do ingkaa, ogumu tulun mamarait ngaran Pitas sabaagi ngaran kinoyonon dii soira nokohino ii Syarif Osman, Momuruan lanun mooi do aa olihuan o wolit-wolit di nowonsoi di Aki Palzavan om Aki Sook.

Sajara

Nokoumbal o watas Pitas id siriba do pontadbiran Watas Kudat, hinonggo otutunan o Pitas sabaagi watas tokoro gisom toun 1974. Noiktiraf o Pitas sabaagi watas maimpai poimponu id toun potilombus. Upis watas nopo nga nokoundaliu piipiro ginumu kumaa kinoyonon di misuai pogulu do nosorob o upis diti di toun 1999 om kogumuan do dokumen toponsol kokomoi watas diti nopo nga natagak.

Demografi

Intangai nogi: Demographics of Sabah

Tumanud do bancian kotohuri di toun 2010, mogigion id watas diti nopo nga soginumu 37,808 tulun i kohompit no do mogiigion majoriti Rungus, sub-tinimungan tulun Kadazan-dusun om Tulun Sungai (kohompit nogi do Tambanuo. Miagal nogi watas suai id Sabah, kiwaa nogi soginumu rurumikot aiso kasagaan mantad Kabaatan Filipina i miinsomok, lobi-lobi po mantad do Kopulauan Suluk om Mindanao i au poinsuang id perangkaan mogigion.

Galeri

• 
  Masjid Al Amin.
• 
  Gereja Masihi Hari Ketujuh Pitas
• 
  Jeti Bengkoka.
• 
  Mempakad pointoguang do Teluk Marudu.

Intangai nogi

• Watas id Malaysia

Pambasaan potilombus

• Treacher, W. H (1891). "British Borneo: sketches of Brunai, Sarawak, Labuan, and North Borneo". University of California Libraries. Singapore, Govt. print. dept. p. 190.
• Rutter, Owen (1922). "British North Borneo - An Account of its History, Resources and Native Tribes". Cornell University Libraries. Constable & Company Ltd, London. p. 157.
• Tregonning, K. G. (1965). A History Of Modern Sabah (North Borneo 1881–1963). University of Malaya Press.

Noputan labus

Media related to Pitas District at Wikimedia Commons

• (id Malay) Pitas District Council
• (id Malay) Pitas District Office