Planetarium Pogun

National Planetarium
Planetarium Negara
	Fail:National Planetarium logo.png
	Wayaan sumuang kumaa Planetarium Pogun
Established	1993; 31 years ago
Location	Jalan Perdana, Tasik Perdana, 50480 Kuala Lumpur, Malaysia
Coordinates	3°8′22.08″N 101°41′21.73″E / 3.1394667°N 101.6893694°E
Type	Muzium sains
Owner	Ministry of Science, Technology and Innovation
Website	planetariumnegara.gov.my

Planetarium Pogun nopo nga iso planetarium pogun Malaysia id Kuala Lumpur, Malaysia. Iti nopo nga iso bongunan kikubah obulou i poinlongkod id timpak nulu id Taman Tasik id Ralan Perdana, Kuala Lumpur. Poinghangkum o kinyonon diti soginayo 120,000 gakod pasagi (11,000 m2).

Sajara

Nokotimpuun o Planetarium Pogun sabaagi do Boogian Planetarium id Jabatan Perdana Menteri Malaysia di toun 1989. Pamansayan kompleks Planetarium Pogun nokotimpuun di toun 1990 om nopongo di toun 1993. Kopohimaganan au rasmi nopo nga nokotimpuun di wulan Mikat 1993 om pongukaban rasmi nopo nga nokohimagon di bagas Luguan Montiri, Tun Dr. Mahathir Mohamad, di 7 Mansak 1994. Kalapas sontoun om satanga noukaban miampai alantasm di wulan Madas 1995, pinoundaliu o boogian diti kumaa Komontirian Sains, Teknologi om Winoun Posorili Malaysia. Kinaantakan diti okon no ko montok manahak tumpuan kumaa koinsanai reka bontuk om inus winonsoi, om nogi kolumison koumatan Planetarium nogi nga popokito do koingisaman Kerajaan montok koingkakaton gana sains om teknologi tawan.

Minaganu iti timpu solinaid tolu toun montok wonsoyon, kompleks Planetarium Pogun diti nogi nga kohompit no iso teater kikubah id taatanga. Kolumison reka bontuk teater diti nakaanu manahak pangaga'an kumaa momomonsoi projek, jurutera om kontraktor bongunan. Pongimuaian om kotopoton i nuru kopio montok projektor rombituon om filem kiformat tagayo nogi nga manahak do pangaga'an di agayo kopio. Ogumu kobolingkahangan nuru do tolibambanon om haro timpu do momongoi kinoyonon koposolimbahan.

Gama do kobolingkahangan monuku do ogumu mananahak mantad labus pogun, miampai nogi aiso i abaal kopio id kalaja-kalaja di nuru do pongoon, kalantayan minomongo do kompleks om papasang toinsanan kakamot miampai kinolokoton timpu di minimum nopo nga iso kinalantayon di kata'adan kopio.

Maya kobolingkahangan di notoguangan, nakalantoi o Planetarium Pogun papaharo piipiro projek pondidikan montok sikul om tulun awam. Baino, oponsol kopio Planetarium Pogun diti montok manampasi kopurimanan kumaa kapansalan gana sains tawan montok tulun ginumuan om nogi sabaagi iso laang montok mogoit pogun Malaysia sumuang id gana sains tawan.^[1]

Koposolimbahan om pamagayat

Iso nopo pamagayat apangkal id planetarium nopo nga kohompit no pawagam tawan i popokito do tayangan tawan om nogi filem format tagayo.

Id galeri tapangkal nopo nga haro koposolimbahan kokomoi sains tawan. Haro nogi o enjin tawan Arianne IV, iso enjin i ginuno montok kohimaganan MEASAT 1, satelit kumoiso Malaysia minongoi id tawan. Om nogi haro Teleskop 14-inci (360 mm) id menara pongintangan.

Planetarium Pogun nogi nga monganjur kumaa taman tema tawan hinonggo poinladsong o replika balai cerap doungulu-gulu. Mioput iti miampai do Muzium Negara maya do sunsuyon tulun mamanau gakod.

Haro nogi Stonehenge tokoro id soliwan do planetarium dii moi do au minog o tutumombului do rumikot id England montok mogintong replika diti.

Timpu pongukaban

Ukaban o Planetarium Pogun diti monikid tadau mantad 9.00 kosuabon gisom 4.30 sodopon (poinsompon ontok tadau Tontolu, Hari Raya Puasa om Hari Raya Haji om tadau-tadau koundarangan am i posunudon do Planetarium Pogun).

Kopokitanan id planetarium nopo nga pokitonon monikid iso jaam mantad 10.00 kosuabon gisom 4.00 sodopon.

Kopokitanan diti pokitonon ontok jaam 10 kosuabon, jaam 11 kosuabon, jaam 12 pitangaadau, 1 jaam sosodopon, jaam 2 sosodopon, jaam 3 sosodopon om jaam 4 sosodopon.

Maamaso tadau Kurudu, aiso kopokitananan antakan do jaam 1 om 2 sosodopon, tu' mundorong toruhai montok manahak liwang kumaa solat Jumaat. Ukaban o koposolimbahan miagal koubasan.

AU TAGAL MAMBAYAR montok sumuang nga nuru mambayar sokiro momili o tutumombului montok mintong do kopokitanan.

Sinompon toruhai o Planetarium Pogun di 9 Mikat 2018 maamaso do pilihan raya umum Malaysia 2018.^[2]^[3]

Sukuon

↑ "Pameran Misi Angkasa, Planetarium Negara". Kosmo!. 20 Disember 2017. Linoyog ontok 17 Mei 2018.
↑ "National Planetarium closed on May 9 for GE14". The Sun Daily. 30 April 2018. Linoyog ontok 17 Mei 2018. {{cite web}}: Cite has empty unknown parameter: |dead-url= (help)
↑ "Planetarium Negara tutup pada 9 Mei sempena PRU-14". Kosmo!. 30 April 2018. Linoyog ontok 17 Mei 2018. {{cite web}}: Cite has empty unknown parameter: |dead-url= (help)

Noputan labus

Laman rasmi Planetarium Negara
Laman rasmi Kementerian Sains, Teknologi dan Inovasi (MOSTI), Malaysia
Facebook rasmi Planetarium Negara
Twitter rasmi Planetarium Negara

[1] "Pameran Misi Angkasa, Planetarium Negara". Kosmo!. 20 Disember 2017. Linoyog ontok 17 Mei 2018.

[2] "National Planetarium closed on May 9 for GE14". The Sun Daily. 30 April 2018. Linoyog ontok 17 Mei 2018. {{cite web}}: Cite has empty unknown parameter: |dead-url= (help)

[3] "Planetarium Negara tutup pada 9 Mei sempena PRU-14". Kosmo!. 30 April 2018. Linoyog ontok 17 Mei 2018. {{cite web}}: Cite has empty unknown parameter: |dead-url= (help)

[1]

[2]

[3]