Pulou Mantanani

Pulou Mantanani
	Pulou Mantanani
Geography
Coordinates	6°42′30″N 116°20′45″E / 6.70833°N 116.34583°E
Administration
	Malaysia
Pogun	Sabah

Pulou Mantanani (Boros Malayu: Pulau Mantanani) nopo nga sontinimungan tolu pulou id labus do kotogisan kotonobon do rahat pogun Sabah, Malaysia, mitoguang do kakadayan Kota Belud id boogian do koibutan Borneo. Pulou bobos tagayo nopo nga Mantanai Besar; duo kawagu nopo nga Mantanani Kecil om Lungisan. Iti nopo nga kinoyonon di otutunan kopio montok rekreasi montolop om otutunan miampai dugong dau.^[1]

Ngaran do pulou diti nopo nga piomungan do boros Ubian, "manta" (kumut toi ko' kobog) om "Nani" (ngaran songulun di agaras om manangod do ponokisangod di kikumut).^[2]

Mogintong do tombolog

Montok tulun di orohian do mogintong tombolog, Kopulawan Mantanani nopo nga kinoyonon di kosudong kopio montok mogintong do tombolog di momirumun id pulou dii, gama do okuri relatif mangangakan diolo id tindal, om ingkuri toi ko' aiso id tana tagayo. Kiwaa piipiro wayaan maya do longkod Mantanani Besar suai ko' kotogisan di poingukab i poingompus do kotogisan, hinonggo milo mogintong do tombolog. Mantanani Besar nogi nga kinoyonon id Malaysia montok mogintong do puok scops Mantanai. Popoion o pulou-pulou diti do apat kawo merpati kohompit no merpati empayar pied, merpati empayar obuhod, merpati otomou kiliou tarahang om merpati metalik. Tombolog merpati Nicobar om tombolog merpati tua-ua kiliou oitom nogi nga rumikot id pulou diti monoroinsan mantad do tana tagayo. Mantanani Besar nogi nga walai kumaa do megapode Filipina, i sumuni miampai oruak id talun kotogisan. Tolu kawo tombolog matahari nogi nga nokorikud do haro id pulou diti; tombolog matahari kiliou sokulat, tombolog matahari kiliou taragang om tombolog matahari kiwarana zaitun. Tombolog kakak tua obulou nopo nga nopunso no maya songkinoyonon. Pulou Lungisan nopo nga haro koloni gua kirumun do tombolog walit Jerman om nogi rumun toponsol montok tolu kawo tombolog frigat. Tombolog rahat suai i milo nogi intangan id posorili do pulou-pulou nopo nga miagal do rumun sokulat om kiliou toitom.^[3]

Padasakayan

Milo rikoton o pulou diti maya sanjaam do pamanahon bot tosiau mantad jeti Kuala Abai, Kota Belud, 80 km id koibutan kosilahon do Kota Kinabalu, ibu negeri do Sabah. Au milo rikoton do tutumombului o pulou-pulou diti do monoroinsan gama do kowoowoyoon di montongus. Mantanani Besar nopo nga haro piipiro kinoyonon do kotombuluyan di tongokoro, i popotounda do ababayan montolop skuba, om Mantanani Kechil nopo nga haro sulap tokoro montok montolop.

Intangai nogi

List of islands of Malaysia

Sukuon

↑ van Wijnen.
↑ Haji Mahali, Saidatul Nornis (2018). "The Description of Ubian Language: A Preliminary Discussion" (PDF). International Journal of the Malay World and Civilisation. doi:10.17576/jatma-2018-0602-07 (inactive 1 Milau 2024). Pinoopi (PDF) mantad sanḏad ontok 22 Gomot 2020. Linoyog ontok 22 Gomot 2020.{{cite journal}}: CS1 maint: DOI inactive as of 2024 (link)
↑ Phillipps & Phillipps (2009), p.326.

Toud

Phillipps, Quentin & Phillipps, Karen (2009). Phillipps' Field Guide to the Birds of Borneo. Oxford: Beaufoy Books. ISBN 978-1-906780-10-4.
"Pulau Mantanani". Ben van Wijnen. Linoyog ontok 23 Ngiop 2010.

[1] van Wijnen.

[2] Haji Mahali, Saidatul Nornis (2018). "The Description of Ubian Language: A Preliminary Discussion" (PDF). International Journal of the Malay World and Civilisation. doi:10.17576/jatma-2018-0602-07 (inactive 1 Milau 2024). Pinoopi (PDF) mantad sanḏad ontok 22 Gomot 2020. Linoyog ontok 22 Gomot 2020.{{cite journal}}: CS1 maint: DOI inactive as of 2024 (link)

[3] Phillipps & Phillipps (2009), p.326.

[1]

[2]

[3]