Rita T. Jaafar

Yang Berbahagia Datuk Hajah Rita T. Jaafar PGDK (Sabah); AMN
Pengarah Institut Pendidikan Guru Kampus Gaya, Kota Kinabalu, Sabah
Dalam jawatan 2002–2004
Raja	Tuanku Syed Sirajuddin
Perdana Menteri	Yang Amat Berhormat Tun Datuk Seri Panglima Dr. Mahathir Mohamad Yang Amat Berhormat Tun Datuk Seri Panglima Abdullah Ahmad Badawi
Gabenor	Tuan Yang Terutama Tun Datuk Seri Panglima Sakaran Dandai Tuan Yang Terutama Tun Datuk Seri Panglima Ahmadshah Abdullah Yang di-Pertua Negeri Sabah
Ketua Menteri	Yang Amat Berhormat Tan Sri Datuk Seri Panglima Chong Kah Kiat Yang Amat Berhormat Tan Sri Datuk Seri Panglima Musa Aman
Pengetua Institut Pendidikan Guru Kampus Gaya, Kota Kinabalu, Sabah
Dalam jawatan 2000–2002
Dalam jawatan 1986–1988
Pengerusi Majlis Penasihat Wanita Sabah (MPWS)
Dalam jawatan 1995–2000
Ketua Penolong Pengarah Pendidikan (Bahagian Teknologi Pendidikan) Sabah
Dalam jawatan 1990–2002
Pemangku Pengetua, Institut Pendidikan Guru Kampus Gaya, Kota Kinabalu, Sabah
Dalam jawatan 1984–1986
Timbalan Pengetua, Institut Pendidikan Guru Kampus Gaya, Kota Kinabalu, Sabah
Dalam jawatan 1976–1984
Maklumat peribadi
Kinosusuon	Rita Bagong 1944 (1944) Kampung Sawah, Tuaran, Sabah
Kapatayon	30 Mahas 2020(2020-06-30) (umul 75–76) Likas, Kota Kinabalu, Sabah
Sawo	Datuk Dr. Haji Mohd. Tahir Jaafar (lahir 12 Mac 1949)

Yang Berbahagia Datuk Hajah Rita T. Jaafar (1944-30 Mahas 2020) nopo nga songulun lundu pondidik tondu Malaysia mantad Tuaran, Sabah. Isido nopo nga Lundu Mongingia' Kebangsaan Malaysia i aparagat id suang gana korporat om nogi penjawat awam wanan Sabah id suang sektor pondidikan.

Koposion Pogulu

Nosusu i Rita T. Jaafar id Kampung Sawah, Tuaran, Sabah om mantad tinaru Dusun Lotud.

Karaja Penjawat Awam

Minongimpuun isido karaja sabaagi mongingia'. Kalapas do piipiro linaid berkhidmat sabaagi mongingia' id taang sikul, pinawaliu isido id Maktab Perguruan Gaya, dondo ointutunan sabaagi Institut Pendidikan Guru Kampus Gaya montok menjawat Jawatan sabaagi Timbalan Luguan (Pengetua) Maktab Perguruan Gaya ontok toun 1976 gisom 1984. kalapas 8 toun menjawat jawatan sabaagi Timbalan Luguan Maktab Perguruan Gaya, minongigit isido jawatan Luguan Maktab Perguruan Gaya solinaid duo toun mantad toun 1984 gisom 1986.

Kalapas minongigit jawatan Pengetua Maktab Perguruan Gaya, nosiliu isido sabaagi Luguan Maktab Perguruan Gaya mantad toun 1986 gisom 1988.

Nokoumbal nogi isido minongigit jawatan sabaagi Ketua Penolong Pengarah Pendidikan (Bahagian Teknologi Pendidikan) Sabah mimpuun toun 1990 gisom 2002. Kalapas 12 toun minongigit Jawatan sabaagi Ketua Penolong Pengarah Pendidikan (Bahagian Teknologi Pendidikan) Sabah, pinawaliu kawagu isido id Maktab Perguruan Gaya sabaagi Luguan solinaid duo toun mimpuun toun 2002 gisom 2004.

Kaampayatan id gana Unduk Ngadau

Ontok toun 1964, nakalantoi i Rita id pialaan Ratu Pesta Kaamatan toi ko' Unduk Ngadau, id nombo pialaan nopo dii nga lobi ointutunan sabaagi Pialaan Miss Kadazan ontok toun 1964. Isido nopo nga Unduk Ngadau Sabah kaapat om tondu koiso mantad tinaru Dusun Lotud i nakalantoi om nakaanu pamalahawan Unduk Ngadau.

Mimparagat Id Program Momogun om Kotundunan (Kebajikan)

Opogot kopio i Datuk Rita id suang program momogun om kotundunan mantad di nosiliu isido sabaagi;

• Ponorikohon Majlis Penasihat Wanita Sabah (MPWS)

Kinogompoton Id Suang Gana Pondidikan

Gaa' Taang Pogun (Negeri)	Gaa' Taang Kebangsaan
Lundu Mongingia' Taang Sabah Toun 2010	Lundu Mongingia' Taang Kebangsaan Toun 2011
Lundu Maulidur Rasul Taang Pogun Sabah Toun 2011

Minidu Pogun

Minidu pogun isido ontok 30 Mahas 2020 di 76 toun gama toruol kinolohingo.

Gaa'

Montok sakadai disido id suang gana pondidikan, noonuan isido do karayahan (kepujian) miagal id siribat:

• Malaysia :
  • Ahli Mangku Negara (A.M.N) - (1997)

• Sabah :
  • Panglima Gemilang Darjah Kinabalu (PGDK) - Datuk (2000)