Syria

Templat:PindahSuriyah toi ko' ngaran Inggeris dauSyria —miampai arasmi Republik Arab Suriyah— nopo nga iso pogun id Asia Barat i poingiliu id disan rahat kosilahonLaut Rum om id labus kakadaian kinoyononMasyrik. Ii nopo nga miwolit miampai do Turki id koibutan, Iraq id kosilahon om kabaatan kosilahon, Jordan id kabaatan, miampai kinoyonon ii pisosolodon Palestin/Israel om pogun Lubnan id kabaatan kotonobon dau. Iri nopo iso pogun republik ii kiharo 14 kegabenoran. Damsyik nopo nga ama pogun om kakadaian tagayo. Miampai do mogiigion korikot gisom do 25 riong ii kadarapas do kinoyonon 185,180 square kilometres (71,500 sq mi), suminiliu iri do pogun doid 57 i bobos togumu o mogiigion om id doid 87 tagayo.

Pogun diti poingiliu id suang do monompogunan tagayo Syam ii nointutunan nogi do ngaranSyria do koinsanai sejarawan Barat. Ii nopo nga kaakup do kinoyonon pogun om empayar purba, kohompit nogi o Tamadun Ebla ontok era milenium doid 3 SM. Damsyik om Halab nopo nga kakadaian ii kiwaa koponsolon koubasanan ii agayo. Damsyik suminiliu do longkod kotoinaan Khilafah Umaiyah om ama kakadaian Kesultanan Mamluk id Mesir. Pogun Suriyah nokoburu pinoinkakat ontok pintangaan ohotusan doid 20 kalapas ohotusan id siriba pomorintaan Uthmaniyah, sabaagi Mandat Perancis. Pogun diti mobi do pogun Arab ii tagayo ii poinsuai mantad kinoyonon Suriyah ii pinorinta Utmaniyah. Nakaanu ii do kagabasan miampai do kooturan (de jure) sabaagi iso republik berparlimen ontok 1945 soira Republik Suriyah Pertama suminiliu do koinano minongimpu'un Pertubuhan Bangsa-Bangsa Bersatu, laang ii miampai do kooturan dau pinopotingkod do Mandat Perancis. Soudor Perancis suminunsuri ontok Ngiop 1946, pinapatahak do kabagasan (de facto) kumaa do pogun diti.