Watas Keningau

Pata do Watas Keningau

Watas Keningau nopo nga kinoyonon ponguludan watas di kosuang id pogun Malaysia iri no tu id pogun Sabah, watas diti kohompit id suang Boogian Labus kakadayan iri no tu watas Beaufort, Keningau, Kuala Penyu, Nabawan, Sipitang, Tambunan om Tenom. Toud watas diti nopo nga id Pekan Keningau. Kogumuan tulun id watas diti nopo nga mantad tinaru sandad iri no tu Dusun om Murut miampai haro komuniti minoriti do tinaru Cina.

Etimologi

Tadon ngaran do Keningau nopo nga naanu mantad puun kayu toomis Jawa (Cinnamomum burmannii) di ogumu nokosuni id kinoyonon dii om nointutunan sabaagi Koningau.

Sajara

Keningau nopo nga iso toud pontadbiran di oponsol montok British North Borneo ontok pogulu abad ko-20. Nokosiliu nogi Keningau sabaagi toud pomorintaan namot timpu pomorintaan diolo ontok Sangod Pomogunon Koduo. Noonuan numbur "44" do kampung Nuntunan osomok do Apin-Apin sabaagi sukuon kumaa pomorintaan British. Numbur dii papatanda do sinodu 44 kilomito mantad kakadayan Tenom, om nogi mantad Tambunan, Penampang, om Kota Kinabalu. Nointutun nogi Nuntunan sabaagi "upis" sabab kapamansayan kinoyonon pomorintaan Bristin ontok dii nopo nga poinsomok do bawang Apin-Apin. Kinoyonon dii naanu do porinta Jipun om noguno sabaagi toud pomorintaan ontok timpu pomorintaan diolo.

Geografi

Ginayo do watas Keningau nopo nga kiikiro 3,533 kilomito pasagi om id iso kinoyonon poinsomok do Banjaran Crocker id ponong kotonobon miampai Nulu Trus Madi ponong kosilahan.

Demografi

Ginumu mogiigion id watas Keningau nopo nga soginumu 173,103 tulun tumanud pongintaban di tohuri ontok toun 2010. Kogumuan mogiigion id watas diti nopo nga 90% mantad tinaru Dusun om Murut, suai ko iri, kiikiro 8% mogiigion tinaru Cina Hakka miampai piipiro tinimungan etnik sandad minoriti suai.

Galeri

• 
  Masjid Ar-Rahim
• 
  Gereja St. Margaret Anglican.
• 
  Gereja Basel Keningau.
• 
  Papan tanda do Gereja Sook Holy Spirit Katolik.
• 
  Gereja Seventh Day Adventist Keningau Seventh Day Adventist.
• 
  Keningau Temple.
• 
  Haun id Keningau.
• 
  Talun id Keningau kalapas dumarun.

Intangai suai

• "https://en.wikipedia.org/wiki/Districts_of_Malaysia"

Pambasaan kotilombus

• Treacher, W. H (1891). "British Borneo: sketches of Brunai, Sarawak, Labuan, and North Borneo". University of California Libraries. Singapore, Govt. print. dept. p. 190.
• Rutter, Owen (1922). "British North Borneo - An Account of its History, Resources and Native Tribes". Cornell University Libraries. Constable & Company Ltd, London. p. 157.
• Tregonning, K. G. (1965). A History Of Modern Sabah (North Borneo 1881–1963). University of Malaya Press.