Wilfred Madius Tangau
Wilfred Madius Tangau | |
|---|---|
 Wilfred Madius Tangau ontok 2016 | |
| Deputy Chief Minister of Sabah | |
| Dalam jawatan 16 Mikat 2018 – 29 Manom 2020 | |
| Governor | Juhar Mahiruddin |
| Chief Minister | Shafie Apdal |
| Preceded by | Jeffrey Kitingan |
| Succeeded by | Jeffrey Kitingan |
| Constituency | Nominated MLA (UPKO) |
| Minister of Science, Technology and Innovation | |
| Dalam jawatan 29 Madas 2015 – 9 Mikat 2018 | |
| Monarchs | Abdul Halim (2015–2016) Muhammad V (2016–2018) |
| Prime Minister | Najib Razak |
| Deputy | Abu Bakar Mohamad Diah |
| Preceded by | Ewon Ebin |
| Succeeded by | Yeo Bee Yin (Minister of Energy, Technology, Science, Climate Change and Environment) |
| Constituency | Tuaran |
| Surupu Parlimen Malaysian montok Tuaran | |
| Dalam jawatan 5 Mikat 2013 | |
| Preceded by | Wilfred Bumburing (BN–UPKO) |
| Majority | 5,190 (2013) 7,624 (2018) 233 (2022) |
| Dalam jawatan 29 Momuhau 1999 – 8 Gomot 2008 | |
| Preceded by | Yunof Edward Maringking (BN–PBS) |
| Succeeded by | Wilfred Bumburing (BN–UPKO) |
| Majority | 2,813 (1999) 8,499 (2004) |
| 2nd Honorary President of the United Progressive Kinabalu Organisation | |
| Dalam jawatan 15 Milatok 2023 | |
| President | Ewon Benedick |
| Preceded by | Bernard Giluk Dompok |
| 2nd President of the United Progressive Kinabalu Organisation | |
| Dalam jawatan 21 Gomot 2014 – 15 Milatok 2023 Acting:21 Gomot 2014 – 24 Manom 2018 | |
| Deputy | Donald Peter Mojuntin |
| Preceded by | Bernard Giluk Dompok |
| Succeeded by | Ewon Benedick |
| Faction represented in Dewan Rakyat | |
| 1999–2008 | Barisan Nasional |
| 2013–2018 | Barisan Nasional |
| 2018–2019 | United Pasokmomogun Kadazandusun Murut Organisation |
| 2019–2021 | United Progressive Kinabalu Organisation |
| 2021– | Pakatan Harapan |
| Faction represented in Sabah State Legislative Assembly | |
| 2018–2019 | United Pasokmomogun Kadazandusun Murut Organisation |
| 2019–2020 | United Progressive Kinabalu Organisation |
| Maklumat peribadi | |
| Kinosusuon | Madius bin Tangau 13 Gomot 1958 Kiulu, Tuaran, North Borneo (now Sabah, Malaysia) |
| Mamasok | Malaysia |
| Parti pulitik | United Progressive Kinabalu Organisation (UPKO) |
| Gabungan politik lain | Barisan Nasional (BN) (–2018) Pakatan Harapan (PH) (since 2021) |
| Sawo | Jaina Sintian |
| Kalaja | Politician |
| Laman web | madiustangau |
| Wilfred Madius Tangau on Facebook Wilfred Madius Tangau on Parliament of Malaysia | |
Datuk Seri Panglima Wilfred Madius Tangau (nosusu ontok 13 Gomot 1958) nopo nga songulun puru politik Malaysia i nokoumbal momuru sabaagi Puru do Parlimen (MP) montok Tuaran mantad Milau 1999 gisom Gomot 2008 om insan po kawagu mantad Mikat 2013. Momuru isio sabaagi Timbalan Luguan Montiri om Montiri Pongindopuan om Perindustrian Sabah id siriba kotoinaan Sabah Heritage Party (WARISAN) mantad Mikat 2018 gisom nolimpupusan kotoinaan do WARISAN ontok Manom 2020,[1] Montiri Sains, Teknologi om Inovasi mantad Madas 2015 gisom Mikat 2018. Isio nopo nga puru United Progressive Kinabalu Organisation (UPKO), parti komponen piomungan do PH. Momuru isio sabaagi Ponorikohon Tapantang UPKO mantad Milatok 2023, Ponorikohon ko-2 UPKO mantad Gomot 2014 gisom Milatok 2023, soira momuru isio id suang kapasiti nokoimagon mantad Manom 2018 gisom Milatok 2023 om kapasiti pemangkuan mantad Gomot 2014 gama do tuminingkod i Bernard Giluk Dompok kumaa official assumption do ponorikohon UPKO ontok Manom 2018.[2]
Kopointutunan
[simbanai | simbanai toud]Nosusu i Madius ontok toun 1958 id Kampung Lokos, Kiulu, Tuaran, Sabah id iso paganakan Kadazandusun hinonggo molohing nopo dau nga momuumutanom do parai tidong. Isio nopo nga tanaak kaapat mantad 14 mogiobpinai. Soira do nopupusan o pondidikan sikul tosiriba id SRK Lokos, Kiulu ontok toun 1970, kiangkab isio do popotilombus pondidikan sundung do au songkuro sokodungon do koduo-duo molohing dau di timpuunon ii gama do kobolingkangan kousinan.
Pondidikan
[simbanai | simbanai toud]Miampai kousinan dau sondii, duminopitar isio id SMK Kiulu montok Bridge Class Tingkatan Duo. Montok mananggung koposion dau, minimpuun isio do kalaja manual sabaagi do momuumutung gata' ontok timpu pompod minggu. Kumaraja nogi isio montok do "tauke" Cina, iso istilah montok di sanganu pongindopuan, id Pekan Kiulu, hinombo do ontok dii nopo nga kiwaa sambaris no kadai. Minonguhup iti dau do mongikit id ahal do kousinan montok pangakan om nogi siwa.
Nokoumbal isio do monusui kokomoi nawayaan dau di tanak po,
"Ontok do 13 toun nogi umulku, tangaanak mantad kampung ku id Lokos nopo nga misoguli kumaa do sikul takawas dahai id Kiulu miampai mamanau gakod do insan monikid duo minggu. Mamanau yahai mantad walai ontok bobog 6 kosuabon om korikot id sikul soira do bobog 6 sodopon. Mogowit nogi yahai do kokoriu taakanon miagal do wagas. Ontok di monginobos oku nogi id UPM, mamanau oku solinaid do apat jam mantad pakan Nabalu kumaa Lokos. I topunong nopo di kopio nga, mogiigion id kampung ku nopo nga mantad paganakan do mosikin om au haro toud koonuan mantad do pomutanaman sorokoro-koro ii pinoindalan".
Id kolimpupuson no tingkatan duo, nakaanu isio do gaa biasiswa mantad Karajaan Negeri Sabah montok mongoput do pondidikan id sikul kiasrama SMK Ranau montok tingkatan tolu ontok toun 1974. Kootusan Sijil Rendah Pelajaran (LCE) ii nabantug nopo nga minonguhup disio nakaanu do Sabah Biasiswa Karajaan Negeri montok mongoput tingkatan apat id Setapak High School, Kuala Lumpur.
Koombolutan id sikul-sikul diti minanahak do ilham om nogi motivasi kumaa dau montok monimpuun do iso kotinanan mokiikinobos id kampung dau ii lohowon do KEPALOS. Dana ii naanu nopo nga ginuno disio montok papaharo mogikaakawo abaabayan maya kotinanan diti miagal ko tinimungan minsingilo.
Ontok toun 1976, nakalantoi i Madius do Malaysian Certificate of Education (MCE) miampai Gred Iso. Maya diti, nakaanu isio do biasiswa kaagu do karajaan montok mongoput tingkatan Onom id Sikul Takawas Sains Selangor (SMS) Cheras, ii nopo nga sikul kiasrama poimponu karajaan. Hilo nopo nga, nosiliu isio sabaagi do momuruan mokiikinobos i opurokis om mobi sikul id piboian dibat.
Kopongo do tingkatan Onom om daamot magandad do kootusan Higher School Certificate, berkhidmat isio sabaagi mongingia daamot id SMK Tamparuli, Sabah solinaid do limo wulan. Noonuan isio do timbabaon do mongia tangaanak id tingkatan Iso miampai subjek Sains Paduan.
Ontok toun 1979, notorimo i Madius sabaagi sarjana muda id Universiti Pertanian Malaysia (UPM), Selangor, id gana Sains Kotolunan. Isio nopo ng songulun momuruan mokiikinobos i opurokis id universiti. Abaabayan-abaabayan i naampayat dau nopo nga sabaagi Presiden Koisaan Mokiikinobos Katolik solianaid do duo penggal mantad toun 1981 gisom no do 1982. Opusou nogi isio kumaa koburuon politik id pogun kinosusuon dau id Sabah om nogi pointongkop pogun.
Nolimpupusan o ponginabasan dau ontok toun 1983 om nakaanu do kalaja id Lembaga Kemajuan Perhutanan Negeri Sabah (SAFODA) sabaagi pegawai penyelidik id silvikultur.
Sumusuhut, ontok toun 1990, nakaanu isio do sarjana id Development Management mantad do Asian Institute of Management (AIM) id Filipina.
Nakasawo nogi isio miampai di Datuk Dr. Jaina Sintian om kiwaa limo tanak (apat tondu om songulun kusai).
Karaja
[simbanai | simbanai toud]Au alaid kalapas nopongo ponginabasan id UPM, pinaatod i Madius kumaa Jipun montok popoindalan do pinludaan id mogikaakawo institusi ponoriukan solinaid do apat wulan. Soira nokoguli id Sabah ontok toun do 1985, minampayat isio do Parti Bersatu Sabah (PBS) sabaagi staf ponokodung montok mombontuk karajaan Sabah do wagu. Minimpuun nogi isio berkhidmat id Institute for Development Studies (IDS) i wagu po noturidong ontok dii sabaagi songulun mononoriuk gisom toun 1994, ii nopo nga solinaid siam toun.
Soira naala do BN o PBS ontok toun PBS 1994, minonguhup i Madius do momuruan ngaawi i sinumilowan mantad parti dii montok monuridong Parti Demokratik Sabah (PDS). Montok limo toun sumusuhut, momuru isio sabaagi Luguan Pegawai Eksekutif id Institute for Indigenous Economic Progress (INDEP) Sabah. Tinuridong o INDEP do PDS montok popohompit tinimungan momogun Pasokmomogun id Sabah id suang penggubalan impohon kerajaan om monguhup momuruan ngaawi UPKO do momonsoi kootuson di kosudong.
Nosiliu i Madius sabaagi Ponorikohon montok piipiro lembaga om syarikat miagal do Sabah Cultural Board, Forest Plantation Development Sdn. Bhd., Malaysian Timber Industrial Board and Asian Supply Sdn. Bhd. Poinsuang nogi isido id lembaga Suria Capital Berhad, Sabah Energy Corporation Sdn. Bhd, om Supply Base Asia Sdn. Bhd. Nosiliu i Madius sabaagi Ponorikohon Sabah Electricty Sdn. Bhd mimpuun Mahas 2023 gisom dinondo.
Karaja politik
[simbanai | simbanai toud]Pinosiliu sabaagi Timbalan Luguam Montiri Sabah (2018 - 2020)
[simbanai | simbanai toud]Soira nakasaga isio miniamung miampai Gabungan Warisan Plus om Pakatan Harapan (PH) om minanahak do suul otumbayaan kumaa YAB Shafie Apdal sabaagi Luguan Montiri Sabah di wagu (Luguan Montiri Sabah ko-15), nakalantoi o Gabungan Warisan Plus dii minaganu majoriti ouhan om nosiliu porinta Sabah di kawawagu (2018-2020). Kopionit do kinalantayon parti dii nosiliu porinta Sabah ontok Pilihanraya Umum Ko-14, noonuan i Datuk Madius Tangau do tonggungan sabaagi Timbalan Luguan Montiri (TKM) Sabah omm nogi nosiliu ADUN Dilantik id suang kabinet Sabah (ADUN dilantik UPKO). Ii nopo nga koinsan nogi disio nosiliu sabaagi Timbalan Luguan Montiri id suang Kabinet Porinta Sabah om ii nogi nga kumoinsan do UPKO id siriba buruanon di Madius Tangau kiwaa penjawat takawas id suang kabinet porinta Sabah (Timbalan Luguan Montiri).
Momuru isio sabaagi Timbalan Luguan Montiri Sabah id siriba pomorintaan YAB Shafie Apdal mantad toun 2018 gisom Pilihan Raya Negeri (PRN) Sabah 2020 (26 Manom 2020). Ontok PRN 2020 Sabah, minonongkiala isido montok kerusi N.15 Kiulu. Sundung do ingkaa, naala isio id N.15 Kiulu di momuru, Datuk Joniston Bangkuai mantad Parti Bersatu Sabah (PBS). Notobus kawagu kinalaan dii ontok Pilihan Raya Umum (PRU 16) soira pointindohoi isio nosiliu pipilion mogigion Tuaran soira nakalantoi id suang pilihan raya dii sundung nokinam do piipiro calon di monongkiala nogi kaampai i Joniston.
Pinosiliu Sabaagi Montiri Kabinet Kerajaan Persekutuan Malaysia (2015-2018)
[simbanai | simbanai toud]Ontok 28 Madas 2015, pinosiliu i Madius sabaagi Montiri Sains, Teknologi om Inovasi. Mengangkat sumpah isio id toguang di Yang di-Pertuan Agong Tuanku Abdul Halim Mu'adzam Shah id Istana Negara ontok 4 Magus 2015.[3]
Visi nopo Madius montok Komontirian Sains, Teknologi om Inovasi nga momuruan "ekonomi wagu", toi ko' Revolusi Perindustrian di Kumaapat. Haro o liwang kolumn disio monikid tadau Tiwang (boros Inggeris) om Madsa (boros Melayu) id The Daily Express ii no abal tikid tadau i bobos agayo id Sabah, id nombo monuat isio pomusarahan dau kokomoi koburuon om polisi sains, teknologi om inovasi id pogu diti.
Ontok wulan Gomot 2014, monunuridong om nogi Ponorikohon UPKO, Tan Sri Bernard Dompok minidu mantad jawatan, osomok no 10 wulan kalapas natagakan isido timpohon Parlimen Penampang soira naala id suang raya umum Malaysia. Mantad dii, momuruan i Madius sabaagi Pemangku Ponorikohon UPKO. Ontok toun 2012, pinoaiso o jawatan Timbalan Presiden soira sinumoliwan i Datuk Wilfred Bumburing mantad UPKO montok mampayat piomungan gugumaga' Pakatan Rakyat. Nopili i Madius sabaagi Timbalan Presiden ontok wulan Gumas 2013 soira nakaala di Datuk Dr. Ewon Ebin, Naib Presiden UPKO, miampai majoriti tipis.
Serpihan Parti Bersatu Sabah om ponuridangan UPKO
[simbanai | simbanai toud]Ontok pilihan raya pogun id Sabah di toun 1999, 10 mantad 12 calon PDS i minongoi ponongkiala nopo nga naala. Gama kootuson pilihan raya di au kosontob diti, pinokianu do duntu luguan parti i Madius doo mongoi ponongkiala id pilihan raya umum ontok toun dii nogi. Maya dii, nokoimpuun o kaampayatan disio miampai au potilombus id gana politik. Nopili i Madius sabaagi Puru Parlimen Tuaran di kumoinsan nogi ontok Milau 1999 om insan po kawagu ontok toun 2004.[4] Au isio minongoi ponongkiala id Parlimen Malaysia Ko-12 montok manahak kosiwatan kumaa timbalan ponorikohon UPKO Datuk Wilfred Bumburing. Id suang do Pilihan Raya Umum oe-13 ontok toun 2013, nopili kawagu isio sabaagi Puru Parlimen Tuaran om nakalantoi miampai majoriti lobi 5,000 undi. Nakalantoi isio miampai nakaanu undi soginumu 20,685 minangala calon saap, i Wilfred Mojilip Bumburing mantad [id suang UPKO mantad di kinoponuridangan do parti. Au alaid mantad di insan nogi nopili sabaagi Puru Parlimen, noonuan isio buruon sabaagi Luguan Penerangan parti. Pinosiliu isio sabaagi Setiausaha Agung parti ontok toun 2002.
Kootuson pilihan raya
[simbanai | simbanai toud]| Year | Constituency | Candidate | Votes | Pct | Opponent(s) | Votes | Pct | Ballots cast | Majority | Turnout | ||
|---|---|---|---|---|---|---|---|---|---|---|---|---|
| 1999 | P149 Tuaran | Wilfred Madius Tangau (UPKO) | 13,083 | 55.58% | Templat:Party shading/United Sabah Party | | Yunof Edward Maringking (PBS) | 10,270 | 43.63% | 23,745 | 2,813 | 65.88% | |
| Rubiah F. Ayid (IND) | 185 | 0.79% | ||||||||||
| 2004 | P170 Tuaran | Wilfred Madius Tangau (UPKO) | 17,354 | 66.21% | Ansari Abdullah (PKR) | 8,855 | 33.79% | 27,190 | 8,499 | 69.14% | ||
| 2013 | Wilfred Madius Tangau (UPKO) | 20,685 | 51.77% | Wilfred Bumburing (PKR) | 15,495 | 38.78% | 40,760 | 5,190 | 84.62% | |||
| Erveana Ansari Ali (IND) | 2,264 | 5.67% | ||||||||||
| Templat:Party shading/State Reform Party | | Samin Dulin (STAR) | 1,509 | 3.78% | |||||||||
| 2018 | Wilfred Madius Tangau (UPKO) | 22,494 | 51.54% | Chrisnadia Sinam (PKR) | 14,870 | 34.07% | 44,601 | 7,624 | 82.42% | |||
| bgcolor="Templat:Love Sabah Party/meta/shading" | | Kalakau Untol (PCS) | 2,611 | 5.98% | |||||||||
| Templat:Party shading/Sabah People's Hope Party | | Syra Peter (PHRS) | 2,311 | 5.30% | |||||||||
| Mohd Aminuddin Aling (PAS) | 1,357 | 3.78% | ||||||||||
| 2022 | Wilfred Madius Tangau (UPKO) | 24,943 | 42.84% | Joniston Bangkuai (PBS) | 24,710 | 42.44% | 58,227 | 233 | 69.80% | |||
| Templat:Party shading/Sabah Heritage Party | | Jo-Anna Sue Henley Rampas (WARISAN) | 5,728 | 9.84% | |||||||||
| Noortaip Suhaili @ Sualee (IND) | 2,008 | 3.45% | ||||||||||
| bgcolor="Templat:Party of Homeland's Fighters/meta/shading" | | Muminin Kalingkong @ Norbinsha (PEJUANG) | 445 | 0.76% | |||||||||
| Boby Lewat (IND) | 393 | 0.67% | ||||||||||
| Year | Constituency | Candidate | Votes | Pct | Opponent(s) | Votes | Pct | Ballots cast | Majority | Turnout | ||
|---|---|---|---|---|---|---|---|---|---|---|---|---|
| 2020 | N15 Kiulu | Wilfred Madius Tangau (UPKO) | 2,786 | 36.11% | Templat:Party shading/United Sabah Party | | Joniston Bangkuai (PBS) | 4,007 | 51.93% | 7,716 | 1,221 | 70.87% | |
| bgcolor="Templat:Love Sabah Party/meta/shading" | | Andau Yasun @ Bruno (PCS) | 363 | 4.70% | |||||||||
| Rozylyn @ Rosalyn Gelunu (LDP) | 274 | 3.55% | ||||||||||
| Dominic Yasun (IND) | 266 | 3.45% | ||||||||||
| Jolianis Lampog (IND) | 20 | 0.26% | ||||||||||
Gaa'
[simbanai | simbanai toud]
Malaysia :
Darjah Yang Mulia Setia Mahkota Malaysia (JSM) (2003)
Sabah :
Panglima Gemilang Darjah Kinabalu (PGDK) - Datuk (2005)
Seri Panglima Darjah Kinabalu (SPDK) - Datuk Seri Panglima (2015)
Intangai nogi
[simbanai | simbanai toud]Noputan labus
[simbanai | simbanai toud]Sukuon
[simbanai | simbanai toud]- ↑ Jenne Lajiun (17 Mikat 2018). "Shafie unveils his State Cabinet with four new ministries". The Borneo Post. Linoyog ontok 25 Mikat 2018.
- ↑ Chris Maskilone (24 Manom 2018). "MADIUS TANGAU WON UPKO PRESIDENT POST UNCONTESTED". Sabah News Today. Linoyog ontok 29 Milau 2019.
- ↑ "Tangau sworn in as minister". The Borneo Post. 5 Magus 2015. Linoyog ontok 25 Mikat 2018 – via PressReader.
- ↑ Maklumat kerusi Parlimen Tuaran
- ↑ "Keputusan Pilihan Raya Umum Parlimen/Dewan Undangan Negeri". Election Commission of Malaysia. Linoyog ontok 18 Mikat 2018. Percentage figures based on total turnout (including votes for candidates not listed).
- ↑ "Sabah [Parliament Results]". The Star. Pinoopi mantad sand̠ad ontok 17 Mikat 2018. Linoyog ontok 18 Mikat 2018.
- ↑ "N11 Kiulu". Malaysiakini. Linoyog ontok 30 Mikat 2020.
