Pergi ke kandungan

Bawang Suir

Coordinates: 52°07′N 6°34′W / 52.11°N 6.56°W / 52.11; -6.56
Mantad Wikipedia

 

Bawang Suir
Bawang Suir id Holycross, Tipperary
Pata do Three Sisters, kohompit no do Suir
EtymologyOld Irish siur, "tompinai tondu"[1]
Native nameAbhainn na Siúire (Irish)
Location
PogunIreland
WatasTipperary, Waterford, Kilkenny
Physical characteristics
SourceNulu Devil's Bit
 • locationTemplemore, Watas Tipperary
 • coordinates52°49′16″N 7°54′50″W / 52.821°N 7.914°W / 52.821; -7.914
 • elevation480 m (1,570 ft)
MouthTuundorongon Kapal Rahat Waterford
 • location
Waterford
 • coordinates
52°07′N 6°34′W / 52.11°N 6.56°W / 52.11; -6.56
Length185 km (115 mi)
Basin size1,394 sq mi (3,610 km2)
Discharge 
 • average76.9 m3/s (2,720 cu ft/s)

Bawang Suir (/ʃʊər/ SHOOR; Irish: an tSiúr [ənʲ ˈtʲuːɾˠ] toi ko' Abhainn na Siúire [ˌəun̠ʲ n̪ˠə ˈʃuːɾʲə]) nopo nga bawang id Ireland i lumuyung kumaa Rahat Atlantik maya do Waterford miampai sinodu 185 kilometer (115 mi).[2] Kinoyonon panahawan do Suir nopo nga 3,610 km2.[3] Kadar koluyungon purata timpu talaid nopo nga 76.9 meter padu sesaat (m3/s), lobi kuang induo mantad ko' koluyungon do Bawang Barrow (37.4 m3/s) toi ko' Bawang Nore (42.9 m3/s) i kopiamung sobolum dii,nga opian tokuri mantad do koluyungon Barrow soira kopiamung do Suir id 20 km ponong sawa (lobi 80 m3/s).[3]

Otutunan kopio miampai magagapon, ogumu sada trout sokulat om salmon do hiti. Hali pia mongigit o Suir do rikud montok salmon i onuon mantad bawang Ireland (winagat 57 lb/26 kg, maamaso tumulud di toun 1874), miagal do nunu i nokoindalan id kogumuan bawang Atlantik suai, nokoingkuri o salmon mantad piipiro toun notoliban.[4]

Sumilau mantad doliwan do Nulu Devil's Bit, id ponong koibutan do Templemore id Watas Tipperary, lumuyung o Suir kumaa kabaatan maya do Loughmore, Thurles, Holycross, Golden om Knockgraffon. Miamung miampai Bawang Aherlow id Kilmoyler om tumilombus kumaa Tar, i tumongkiad kumaa kosilahon do Konuluhan Comeragh, mombontuk pialatan do Waterford om Tipperary. Potilombus, maya iti do Cahir, Clonmel om Carrick-on-Suir sobolum korikot id Waterford. Miinsomok do Tuundorongon Kapal Rahat Waterford, kopiruba iti miampai Bawang Barrow id Cheekpoint montok mombontuk dolungan di alaab, om kaanu popoula kapal rahat gisom do 32,000 tan dwt. Lumuyung iti sumoliwan kumaa rahat id pialatan do Dunmore Kosilahon om Hook Head.

Miampai do Nore om Barrow, bawang Suir diti nogi nga iso mantad The Three Sisters di otutunan kopio.

Kotogisan Woodstown, Waterford, poingompus do dolungan Bawang Suir

Suir nogi nga otutunan id suang do boros Irish sabaagi Siúr om noroitan do ija'an timpu baino id suang do boros Inggiris miampai u om i nopo nga nokopibadung gama do nosilapan. Mantad dii, piipiro tulun nopo nga kipomusarahan do ija'an id suang boros Inggiris nopo nga Siur om monoroinsan okito sabaagi Siur. [minog do kisukuon] Edmund Spenser (1552–1599), minonuat do The Fairie Queene, id suang do ponuatan dau maamaso timpu Elizabeth, maamaso poingion id Watas Cork, sumuku kumaa "Shure lembut", ija'an di bobos otopot kanto om otopot maya fonetik maamaso timpu dii.

Id kotimpuunon do abad ko-21, bagas nionon do Viking di agayo kopio nopo nga nokito id pirau do bawang id Woodstown, ponong sarayo no do Waterford.

Id Clonmel, noluyudan do Suir o kinoyonon songkinoyonon kalapas asapou o rasam id boogian panahawan do waig id sarayo miampai linaab do 2,173 km2. Pejabat Kerja Raya (OPW) minomongo om pinapapasang do Sistom Pangagaan Luyud i ginuno montok mangaga do luyud di Milatok 2008 om Milatok 2009, luyud di Milatok 2009 nopo nga kinaantakan 1 id suang do 5 toun. Fasa 1 pongumoligan Luyud Clonmel (1–100 toun) i pinoilo di toun 2007 nopo nga pinoilo opongo id koompokon do 2009, om fasa koduo om kotolu sabaagi iso kontrak miinsomok do toun 2011/2012. Pongumolig luyud diti nopo nga mantad do pongumolig i milo uriason, limput om piras tana. Sunsuyon Gashouse, Ralan Coleville, Ralan Davis, dermaga om Sunsuyon Laid nopo nga iso kinoyonon di araat kopio kinorumbako.

Bawang Suir id Ardfinnan id Tipperary.

Carrick-on-Suir nopo nga waig pasang surut om kiwaa pongumoligan luyud 1–50 tahun. Pejabat Kerja Raya (OPW) baino mamalan montok papasang do pongumoligan luyud 1–200 toun id koluyungon do bawang Suir maya do kakadayan Waterford.

Intangai nogi

[simbanai | simbanai toud]

Sukuon

[simbanai | simbanai toud]
  1. ↑ "eDIL - Irish Language Dictionary". www.dil.ie.
  2. ↑ [1] River Suir, Ireland's Fisheries
  3. ↑ 3.0 3.1 South Eastern River Basin District Management System. Page 38 Archived 3 Gomot 2016 at the Wayback Machine
  4. ↑ Taverner, Eric; John Moore (2006). The Angler's Weekend Book. READ BOOKS. p. 495. ISBN 978-1-4067-9791-6.

Noputan labus

[simbanai | simbanai toud]
Naanu mantad "https://dtp.wikipedia.org/w/index.php?title=Bawang_Suir&oldid=17599"