Daphne Iking

Daphne Iking
Kinosusuon	Maria Daphne Eleanor Mozes Iking (1978-07-06) Madas 6, 1978 Keningau, Sabah, Malaysia
Ngaran suai	Dahlia Eleanor Iking
Sinikulan	Universiti Sains Malaysia, Pulau Pinang
Kalaja	Peragawati, pengacara, Pelakon
Toun mimparagat	2003-dinondo
Ointutunan montok	The Breakfast Show, Explorace, Ringgit Sense
Sawo	Ryan Chong (2007-2009) Azmi Abdul Rahman (2010-dinondo)
Tanak	Isobel Daniella Iking-Chong
Website	www.daphneeleanoriking.com

Daphne Iking (nosusu Maria Daphne Eleanor Mozes Iking; 6 Madas 1978) nopo nga songulun peragawati, popolombus ababayan, om Pelakon tondu Malaysia, mantad Keningau, Sabah. Koumbal yau suminiliu do popolombus ababayan montok program The Breakfast Show id Ntv7. Nakalantoi nogi isido sabaagi Unduk Ngadau Kaamatan Sabah 2003 mobi do Lembah Klang om suminiliu juara montok Unduk Ngadau Kaamatan Sabah 2003.

Kerjaya

Koumbal i Daphne do kipomusarahan montok sumuang id gana do Perubatan nga amu nabayaan o angkab dii tu modosi yau raha. Daphne nopo nga haro Ijazah Sarjana id Komunikasi (2004) om Ijazah Sarjana Muda id Penyiaran (Filem, TV om Radio, 2001), goduduo ijazah dii nopo nga mantad Universiti Sains Malaysia id Pulau Pinang, Suminuang i Iking do persada televisyen maya kinoimbulayon dau id suang iklan Pond's ontok toun 2001. Ontok toun 2003, Minodopitor yau montok maganu jawatan sabaagi wartawan id TV3. Amu alaid, nakaanu yau kinoyononon sabaagi hos Ringgit Sense id rangkaian dii.

Ontok toun 2004, nokoimbulai i Daphne sabaagi hos Explorace solinaid do duo toun. Kalapas dii, poingompus do toun 2005 popolombus yau ababayan do PNB World Investment Challenge (TV3), Vector Challenge (8TV), May/Antabax Health & Beauty Capsules (TV3) om Explorace Kids (TV3). Nokosiliu nogi isido do wartawan montok the Brand om Majalah Tiga id TV3.

Ontok toun 2006, tuminimpuun yau do suminiliu mimimiingkono maya siri KL Lights. Ontok toun di miagal,nokoimbulai yau id suang My Australian Adventure i kitema do Travelog. Ontok toun dii, minundaliu yau kuminaa id ntv7 om popolombus yau ababayan do The Breakfast Show id saluran dii. Nokoimbulai nogi yau sabaagi juri naalap id suang What Women Want id 8TV.

Koumbal i Daphne do popolombus ababayan pokiikiro 30 ababayan soliwan i nokosolimbou om amu nokosolimbou id televisyen mantad toun 2004, kaampai no Explorace Street Party id Bangsar (2004), Pitimbungakan Alumni USM (2005) om Guess Model Search (2006).

Koumbal i Daphne nokoimbulai id suang do mogisuusuai iklan cetak om televisyen, kaampai no Pond's onyok toun 2001, Kenny Rogers Roasters (2005), om Volvo S80 (2006). Suai ko ii, koimbulai nogi i Daphne id suang mogisuusuai majala', miagal ko' KLUE, Eve & Adam, Ezyhealth om FHM. Ontok toun 2006, nopili yau id taang ko-14 id suang FHM Malaysia's Sexiest, kinalantaion dau di bobos osonong solinaid do tolu toun mantad po nokoimbulai yau id suang pomilian dii.

Koposion

Miniongoi i Daphne miampai di Ryan Chong ontok 27 Milatok 2007, om minogosusu songulun tanak tondu kingaran do i Isobel Daniella Iking-Chong ontok Momuhau 2007. Sundung do ingkaa, ontok toun 2009, miniada i Iking miampai Ryan Chong, kerana gama pioduhan do CEO Adidas Malaysia, Darren Choy Khin Ming. Minomolohou i Chong di Choy mongoi mahkamah tumanud Kanun Keseksaan 498 ii no "maganau ginawo toi ko mononggoi toi ko mamagakom sosongulun tondu kisawo miampai kiangkab jenayah."

Suminawo i Daphne miampai songulun mongingindapu Melayu, Azmi Abdul Rahman maya karamayan pisasawaan pointutup, om nogi yinumanud ugama Islam.

Filemografi

Televisyen

• Explorace
• KL Lights
• My Australian Adventure
• The Breakfast Show
• What Women Want

Filem

• Gerhana (2009)
• My Spy (2009)
• Belukar (2010)
• Relationship Status (2012)
• Sindiket (2017)

Gaa om pencalunan

Toun	Gaa	Kategori	Kootuson
2010	Festival Filem Malaysia ke-23	Pelakon Harapan Wanita	Won

Noputan labus

• Daphne Iking at IMDb