Sybil Kathigasu
Sybil Kathigasu | |
|---|---|
| Kinosusuon | Sybil Medan Daly Gomot 3, 1899 |
| Tadauwulan minidu pogun | Mahas 12, 1948 (umul 49) Lanark, Scotland |
| Nakapapatai | Spektersemia Akut |
| Pinamalabangan | Tanah Perkuburan St.Michael's, Ipoh, Perak |
| Tanak | William Pillay (anak angkat) Olga Kathigasu Dawn Kathigasu |
| Paganakan | Elaine Daly (cucu saudara) |
Sybil Medan Daly toi ko' lobi nointutunan sabaagi Sybil Kathigasu (3 Manom 1899 - 12 Mahas 1948) nopo nga lundu Tanah Melayu i minonguhup ogumu koposion, iri no tu nokopongumolig isido lobi mantad hatus tinaru Cina mamaso kopomolintaan Jipun id Tanah Melayu. Lansanon isido do Tinaru Cina id Malaysia sabagi songulun di kiginawo tosonong. Montok momuhondom kinosonongo disido, pinungaranan o iso ralan tagayo id Ipoh momoguno ngaran disido. Minanahak nogi Karajaan British do Pingat King George montok goos disido.
Biografi
[simbanai | simbanai toud]Nosusu isido sabaagi Sybil Medan Daly ontok 3 Manomr 1899 id Medan, Sumatera, Indonesia om molohing nopo dau nga i Joseph Daly, songulun momumutanom kipusakag Ireland-Serani/Eurasian, om Beatrice Matilda Daly nee Martin, songulun bidan kipusakag Perancis-Serani/Eurasian. Ngaran tanga disido nopo nga sabaagi momuhondom kakadayan kinosusuon dau, Medan. Ginumayo isido id Tanah Melayu. Nokotorimo isido pinludaan sabaagu noos om Bidan id Singapura ontok di 21 o toun. Miniongoi isido miampai Dr. Abdon Clement Kathigasu, songulun dokutul kpusakag India Malaysia mantad bansa Tamil Ceylon (baino nopo nga tinaru Tamil Sri Lanka) ontok 7 Milatok 1919 id Gereja St John, Bukit Nanas, Kuala Lumpur. Monoina yolo iso klinik id Brewster Road (baino nopo nga Jalan Sultan Idris Shah), Ipoh, Perak solinaid 15 toun. Milo isido mimboros do Boros Kantonis miampai osonong. Isido nogi nga songulun Katolik om vegetarian.[1]
Soira pinorinta do Jepun o Tanah Melayu ontok toun 1942, luminisok om minundaliu yolo id Pekan Papan, Perak, kiikiro 20 km id barat bandar Ipoh. Ogumu mogigion Cina id kakadayan diti i kumalaja sabaagi pelombong om mongingindapu.
Ihumon om patayon do tentera Jepun o mogigion Cina gama sajara anaru id China. Suhuon yolo momonsoi sunsuyon om Landasan Keretapi Maut id piolitan Thailand-Myanmar. Sumaap o tentera MPAJA kumaa kemaraan tentera Jepun id Sungai Siput, Tanjung Malim, Slim River, Papan, Pusing, Gopeng om suai-suai kinoyonon.
Mimpuun i Sybil om sawo dau manahak kouhupan pongusapan om nogi koilaan kumaa gerakan bawah tanah maya walai kadai tinuridong di Kathigasu id Pekan Papan, Perak. Minongukab kawagu yolo klinik hihimu (rahsia) om minohowit tulun sumakit, tentera MPAJA i nongosindualan id klinik dii moi onuan do pongusapan. Ontok dii, kiwaa 6000 lansanon gerila MPAJA i sumangod do tentera Jepun. Nosiliu nogi o Sekolah St Michael do ibu pejabat polis tentera Jepun ontok dii. Ogumuhuguan Cina i dipancung miampai au no onuan kosiwatan mimboros.
Nagakom o misasawo dii do tentera Jepun om numan inggorito soira noilaan o goos diolo monguhup gerila anti Jepun. Au Jepun mengesyakkinya tu okon yolo ko tulun Cina om au koilo mimboros Cina. Au Sybil minoposunud ngaran- ngaran- do gerila MPAJA. Minaan kodongo sondulu om sinulu do dalat id siriba sondulu dau. Nolonuk o gakod dau noontok besi alasu, binobog do guas poring om noinggorit do rawatan waig. Naraag o tulang dau id likud, notipuan tulang om roo. Tinorubung isido gama minonguhup gerila anti Jepun om minopoopi do rodiu. Aanu o kosolimbahan rodiu maya gelombang oniba miampai kod 'Josephine' . Gunoon o rodiu di montok maganu koilaan om rahsia mantad Rodiu BBC. Sumusuhut, pinosuang id Penjara Batu Gajah ontok 1943 soira minanahak o Kempetai Jepun do koilaan kokomoi nunu winonsoi dau. Natampasi isido mantad sangod om nopupusan o Perang Dunia Kedua ontok Magus 1945. Kalapas tolu minggu, Kapten David mantad tentera British i rinumikot kawagu id Tanah Melayu minongoi ruba disido id Penjara Batu Gajah. Pinoidu i Sybil om noowit kawagu kumaa Papan om pinaatod hilo England miampai kapal tutumulud montok monorimo pongusapan potilombus.[2]
Minidu pogun isido di 49 o toun ontok 4 Mahas 1948 id Hospital Lanark, Scotland, Britain noontok septisemia gama ganit nakalaid id roo, noontok sepakan but Yoshimura, ii minonginggorit dau . Minopoindlaan o Glasgow City Medical Center do bedah siasat kumaa rata disido om nadalaan no naraag o organ-organ id suang tinan dau. Linobong o rata disido id pamalabangan Lanark. Sumusuhut ontok toun 1949, noowit o rata dau ginumuli hilo Ipoh om linobong id pamalabangan Roman Katolik i misampapaing do Gereja St. Michael om mitoguang do Main Convent of the Holy Infant Jesus (baino nopo nga SMK Convent) id Brewster Road (baino nopo nga Jalan Sultan Idris Shah), Ipoh.
Sukuon
[simbanai | simbanai toud]- ↑ "Sybil Kathigasu". Pinoopi mantad sanḏad ontok 2012-07-12. Linoyog ontok 2012-07-12.
- ↑ http://www.lestariheritage.net/perak/webpages/papan01.html Archived 2011-08-04 at the Wayback Machine Sybil Kathigasu's Clinic: 74 Main Road, Old Papan]