Tajikistan

Republik Tajikistan ريڤوبليك تاجيکيستن

Tajikistan (roitan /təˈdʒɪkɨstæn/ atau /təˈdʒiːkɨstæn/; Boros Tajik: Тоҷикистон, roitan tɔʤikɪsˈtɔn, toi ko' [tɒːʤikɪsˈtɒn], Boros Parsi: تاجیکی‎, tojikí) ii poimbida roitan Republik Tajikistan (Boros Tajik: Ҷумҳурии Тоҷикистон, Jumhurii Tojikiston) nopo nga iso pogun ii nosorili do tindal miampai nulu-nulu ii poingiliu id Asia Tanga. Pogun diti nopo nga miwolit miampai Afghanistan id kabaatan; Uzbekistan id kotonobon, om China id kosilahon. Tajikistan nogi nga poingiliu id sampaping do Pakistan, nga koduduo pogun diti nokopitongkiad do koridor Wakhan.

Republik Tajikistan nopo nga kinoiyonon do tulun sandad Tajik ii miilang do koubasanan om sajara miampai tulun-tulun Iran, om mimboros id boros Tajik ii mionit kopio miampai boros Parsi. Pogun diti id pogulu nopo nga kinoiyonon do Empayar Samanid ii abantug, kahapas di nokosiliu iso republik Piisaan Soviet ontok ohotusan ko-20, om noitutunan sabaagi Rerpublik Sosialis Soviet Tajik.

Mulong pia do ingkaa, kahapas do komordikaan, Tajikistan nakawaya do pisangadan tompinai ii nokopongulai do korumbakan, om nokotilombus mantad toun 1992 gisom 1997. Gisom do kinoiyan do pisangadan diti, politik di osonong om ponguhupan mantad tulun soliwan kaanu do popoingkawas ekonomi id pogun diti. Kowonuan posorili maigal ko kapas om aluminium minanakadai do koburuan di poingkakal.

Ngaran

"Tajikistan" kirati "Tindal Tajik". Piipiro tulun otumbayaan do ngaran "Tajik" nopo nga kokomoi do sukuon geografi montok timpak (Taj) Longkod banjaran Pamir.