Pergi ke kandungan

Watu Pinotoruan Keningau

Coordinates: 5°20′34.49″N 116°9′41.89″E / 5.3429139°N 116.1616361°E / 5.3429139; 116.1616361
Mantad Wikipedia
Watu Pinotoruan Keningau
Watu Pinotoruan Keningau
Map
5°20′34.49″N 116°9′41.89″E / 5.3429139°N 116.1616361°E / 5.3429139; 116.1616361
LokasiKeningau, Sabah
Monuunupu bontukGarukon Gurun
KawoMegalitik
KakamotWatu
Dedikasi kumaaPibatasan do mogigion labus kakadayan Sabah miampai Karajaan Malaysia
Kopoilaan kokomoi Watu Pinotoruan Keningau id Upis Watas

Watu Pinotoruan Keningau nopo nga iso monumen id Keningau, Sabah i winonsoi poimbida montok momuhondom piomungan do Koloni Mahkota British Borneo Koibutan miampai bagas tana' jajahan Sarawak om pogun-pogun Persekutuan Tanah Melayu montok mombontuk Malaysia.[1]

Sajara

[simbanai | simbanai toud]

Saap kumaa Pombontukan Malaysia

[simbanai | simbanai toud]

Sogu montok mombontuk Persekutuan Malaysia di lobi agayo i popohompit do pogun di wagu nogi nakagabas ii nopo nga Persekutuan Tanah Melayu, tana' siriba do British id Brunei, om koloni mahkota Borneo Koibutan, Sarawak om Singapura nokotoguang do saap mantad luguan tulun ginumuan id wilayah-wilayah dii.

Notumboyo kasari di o Majlis Perundangan Borneo Utara do manain Pibatasan Malaysia ontok 12 Manom 1962 kalapas minambanta' Pibatasan 20 Ahal Sabah i sinuat di Donald Stephens maamaso pibarasan montok mombontuk Malaysia.[2] Mantad koburuon diti, haro kasari o kaganggarahan di atalang mantad luguan-luguan sandad tradisional Sabah i ointutunan sabaagi Orang Kaya-Kaya kokomoi do hak-hak pogun id suang persekutuan wagu.[3]

Jaminan i pinatantu id watu

[simbanai | simbanai toud]

Minokianu nogi o songulun di magaganu watu mantad kokomoi tadon watu dii tu watu dii nopo nga naanu mantad Bawang Senagang, okon ko Bawang Pegalan miagal di pinointalang id toud maamaso.[1]

Kalapas piipiro siri pibarasan om konsultasi, pinointalang di Luguan Pambangkang Dewan Undangan Pogun om luguan nogi do kaadat-adato' tradisional, G. S. Sundang om tabang dau i Datuk OKK Sedomon mantad Kotinanan Kabansaan Pasok-Momogun Kadazan Miiso (Noulud kawagu sabaagi Kotinanan Kabansaan Pasok Nunukragang Miiso) do iso sogu montok popoingkakat Watu Pinotoruan i mongintigas do jaminan i pinatahak do karajaan Malaysia kumaa Sabah daamot do popogirot kesetiaan do mogigion labus kakadayan kumaa Malaysia.[4] Nga tumanud di Zainnal Ajamain, songulun sajarawan Sabah, amu monokodung i G.S. Sundang do 'jaminan minimum' montok Sabah pogulu do minampayat persekutuan, nga minggisom yau do poimponu montok 'hak pogun' miagal do pogun-pogun suai id Malaysia miagal Pulau Pinang om Melaka. Minanangkap i Sundang do watu dii tu kuminaus yau.[5]

Ogumu watu naanu om pinotimung mantad kinoyonon posorili Keningau miagal do Bandukan, Bayayo, Dangulad, Senagang, Tuarid, om Ulu Liawan nga amu kosudong om ouhan do ababak. Sinuhu i Tupisor Watas Keningau , Richard Lind (sumusuhut nosiliu do Setiausaha Pogun Sabah) do mongintong kinoingkakatan watu pinotoruan dii. Naanu o iso watu di kosudong mantad Bawang Pegalan i minsomok do Kampung Dangulad (iso kampung tokoro id Keningau) om sinangkap di Garukon Gurun, songulun bagas do Sarjan Mejar mantad Tinimungan Pulis Legenda Borneo Koibutan. Natampa' om nowonsoi di Thornycroft Shipyard do iso plak id Singapura maan posokoto id watu dii.[3]

Koimaganan watu pinotoruan

[simbanai | simbanai toud]
Popoimagon i Donald Stephens do watu pinotoruan ontok 31 Magus 1964, iso kahandaman toponsol do pibatasan di pinabatos do tulun Sabah om karajaan persekutuan Malaysia.

Pinoimagon o Watu Pinotoruan Keningau ontok 31 Magus 1964 id natad do Upis Watas Keningau di laid. Abaabayan dii nopo nga pinoimagon di V. Manickavasagam, Montiri Persekutuan Buruh om nointangan do tupisor karajaan pogun om nogi luguan tulun ginumuan i kaampai no Luguan Montiri, i Muhammad Fuad Stephens, luguan Koisaan United Pasokmomogun, G. S. Sundang, om nogi OCPD Keningau, i Ajamain Duraman om luguan-luguan kaadat-adato' tampatan di suai.[3]

Pinaharo o ritual maningolig miampai pomolubukan do tayam i poindalanon do bobolian tumanud do kotumbayaan tradisional tulun Dusun montok mongogos do jaminan.[4]

Tadau Malaysia 2010

[simbanai | simbanai toud]

Montok momuhondom do Tadau Malaysia ontok toun 2010, pinapaharo kawagu o Parti Keadilan Rakyat i pinomuruanan di Jeffrey Kitingan, songulun luguan parti pogun do ritual maningolig id monumen dii. Nokito do poimpasi po o manuk di pinolubuk sundung do nokorot no o liou dau. Pinointalang di Kitingan do iti nopo kanto nga "pononsunudan simbolik do okon ko' tinanud o oinsanan pongontok do Pibatasan Malaysia".[6]

Kopoundolihon do Watu Pinotoruan om Ponondulian Plak

[simbanai | simbanai toud]

Maamaso kapanaandakan Tadau Malaysia ontok 16 Manom 2014, nokito do nosimbanan o patu id watu dii. Hogot "Kerajaan Malaysia Jamin" noidu mantad id siriba do uhu "Batu Sumpah Mengikut Parlambaga'an".[7][8][9]

Ontok 6 Madas 2015, pinoruput do plak patu di sandad nokito do songulun mogigion id Kampung Apin-Apin. Sumusuhut pinatahak o plak dii kumaa Surupu Dewan Undangan Pogun Sabah, i Jeffrey Kitingan.[10] Daamot dii, pinootus di Jeffrey do papatahak plak dii kumaa Luguan Montiri Sabah, i Musa Aman, ontok sidang Dewan Undangan Pogun Sabah di sumusuhut.[11] Sundung ingkaa, Pangarah Muzium Sabah, i Joanna Kitingan, taka nogi di Jeffrey, pinopointalang do kaganggarahan dau kokomoi sinandad do plak di wagu nogi nokito dii.[12]

Ontok 30 Milatok 2015, pinosogu do poundolihon o watu pinotoruan dii kumaa id natad do Jabatan Tana' om Monuku Keningau miampai pogulion o hogot di natagak.[13] Ontok Mansak 2016, pinosogu do poundolihon o watu pinotoruan dii kumaa id Muzium Tungkus Keningau om pawaraan sabaagi do Tapak Tungkus Kabansaan.[14]

Nokomi do surupu pulitik Sabah o panapadan di potilombus montok kopoundolihan om nogi limumu do akawas kos montok ponondulian mantad do karajaan persekutuan om minonindu yolo do aiso gaab do karajaan persekutuan do momogonop batos dau.[15][16] Sundung do haro panapadan di potilombus, minamatos i Joseph Kurup, Montiri id Jabatan Perdana Montiri do potondulion o watu dii om poundolihon miampai hogot di natagak, 'Kerajaan Malaysia Jamin'.[17] Pokiikiro do RM1.025 riong pinotounda do karajaan persekutuan montok kopoundolihon kumaa lokasi di minsomok do Muzium Tungkus Keningau.[18] Minoboros i Mohamed Nazri Abdul Aziz, Montiri Kotombuluyan om Koubasanan Malaysia do maya kopoundolihan dii lobi ogumu o tulun om tutumombului do rumikot om mamagatang do sajarah mantad do Watu Pinotoruan dii, om ii nopo nga pawaraan id siriba do Enakmen Tungkus Koubasanan Pogun (Pomogompian 1997) kalapas do kopoundolihan.[19]

Ontok wulan Manom 2018, pinoundaliu o watu pinotoruan dii kumaa id Muzium Tungkus Keningau miampai pinotonduli o tolu hogot di natagak.[20][21]

Patu do plak

[simbanai | simbanai toud]

Patu id plak i pinasang id Watu Pinotoruan Keningau nopo nga id suang boros Malayu i sinuat momoguno do sistem ija'an di laid (pogulu Ponginwoguan Ija'an 1972):[22]

Batu Sumpah Peringatan Mengikut Parlambaga'an

  1. Ugama Bebas Dalam Sabah
  2. Tanah2 Dalam Sabah Di-Kuasa Oleh Kerajaan Sabah
  3. Adat Istiadat Anak Rayat Sabah Di-hormatkan dan Di-pelihara Oleh Kerajaan

Sebalek Pula Rayat2 Sabah di Interior Bersumpah Ta'at Setia Kapada Kerajaan Malaysia

Nung podolinon, ii nopo nga:

Watu Pinotoruan Kahandaman tumanud Parlambagaan

  1. Kosinggawaan do Kiugama id Sabah
  2. Karajaan Sabah Mongigit Kuasa montok Tana' id Sabah
  3. Pantangon om Poingkakaton do Karajaan o Adat om Koubasanan Todu Taki

Sabaagi tisuli, Mamatos o Tulun Labus Kakadayan Sabah do setia kumaa Karajaan Malaysia

Sukuon

[simbanai | simbanai toud]
  1. ↑ 1.0 1.1 "Forgotten men who laboured over oath stone". Bernama. The Star. 19 Manom 2018. Linoyog ontok 22 Milatok 2019.
  2. ↑ A J Stockwell, ed. (2004), British Documents on the End of Empire, B, vol. 8, Norwich, UK: TSO (The Stationery Office), pp. 386 [141], ISBN 0-11-290581-1, linoyog ontok 16 Manom 2010
  3. ↑ 3.0 3.1 3.2 Madi, Emin (29 Milau 2010). "The story behind Keningau's Oath Stone". Bernama. BERNAMA. Pinoopi mantad sand̠ad ontok 26 Momuhau 2010. Linoyog ontok 29 Milau 2010.
  4. ↑ 4.0 4.1 Jumat, Rozie (18 Manom 2010). "Batu Sumpah Atau Sumpah-Sumpah?". Sabahkini (id boros Malayu). Sabahkini. Linoyog ontok 29 Milau 2010.
  5. ↑ Lim, David CC (24 Gomot 2024). "Query on PDA with emergency lifted". Daily Express Sabah. Pinoopi mantad sand̠ad ontok 21 Ngiop 2024. Linoyog ontok 21 Ngiop 2024.
  6. ↑ "Sacrifical Batu Sumpah rooster survives ritual". Daily Express. Daily Express (Sabah). 19 Gumas 2010. Pinoopi mantad sand̠ad ontok 21 Mahas 2011. Linoyog ontok 29 Milau 2010.
  7. ↑ Vanar, Muguntan (19 Manom 2014). "Oath Stone tampered with". The Star (Malaysia). Linoyog ontok 6 Madas 2015.
  8. ↑ Sokial, Sandra (19 Manom 2014). "Sabah leaders see red over omitted words on historical Batu Sumpah". The Rakyat Post. Pinoopi mantad sand̠ad ontok 22 Manom 2014. Linoyog ontok 6 Madas 2015.
  9. ↑ Fernandez, Joe (19 Manom 2014). "Pairin upset Batu Sumpah was tampered with". Free Malaysia Today. Pinoopi mantad sand̠ad ontok 22 Mikat 2015. Linoyog ontok 6 Madas 2015.
  10. ↑ "Hand over oath stone to police – DAP". The Borneo Post. 6 Madas 2015. Pinoopi mantad sand̠ad ontok 6 Madas 2015. Linoyog ontok 6 Madas 2015.
  11. ↑ "Plaque to be handed over during State Assembly". New Sabah Times. 6 Madas 2015. Pinoopi mantad sand̠ad ontok 6 Madas 2015. Linoyog ontok 6 Madas 2015.
  12. ↑ "Kitingan suggests oath stone plaque in Kitingan's hands may not be the original". Kinabalu Today. 6 Madas 2015. Pinoopi mantad sand̠ad ontok 6 Madas 2015. Linoyog ontok 6 Madas 2015.
  13. ↑ Lee, Stephanie (30 Milatok 2015). "Joseph Kurup: Oath Stone to be relocated". The Star (Malaysia). Linoyog ontok 15 Mansak 2016.
  14. ↑ "Nazri announces National Heritage Site and 'Kerajaan Malaysia Jamin' to be reinstated". The Borneo Post. 13 Mansak 2016. Pinoopi mantad sand̠ad ontok 13 Mansak 2016. Linoyog ontok 15 Mansak 2016.
  15. ↑ "No excuse for delay on Oath Stone: Jeffrey". Daily Express. 15 Manom 2016. Linoyog ontok 18 Manom 2016.
  16. ↑ "Restoring Oath Stone shouldn't cost million$: Sipaun". Daily Express. 18 Manom 2016. Linoyog ontok 18 Manom 2016.
  17. ↑ "Oath Stone will be restored, pledges Kurup". Daily Express. 20 Manom 2016. Linoyog ontok 22 Manom 2016.
  18. ↑ Stephanie Lee (2 Mikat 2017). "Sabah's Oath Stone to get a permanent home". The Star. Linoyog ontok 6 Mikat 2017.
  19. ↑ Uhim Wong; James Sarda (3 Mikat 2017). "RM1m Oath Stone relocation soon". Daily Express. Linoyog ontok 4 Mikat 2017.
  20. ↑ Stephanie, Lee (12 Manom 2018). "A home for oath stone at last". The Star (Malaysia). Pinoopi mantad sand̠ad ontok 5 Momuhau 2018. Linoyog ontok 21 Ngiop 2019.
  21. ↑ Johan Aziz (4 Milatok 2019). "Warisan praised for restoring words". Daily Express. Pinoopi mantad sand̠ad ontok 22 Milatok 2019. Linoyog ontok 22 Milatok 2019.
  22. ↑ Haji Omar, Asmah (1989). "The Malay Spelling Reform". Journal of the Simplified Spelling Society. 1989–2: 9–13. Pinoopi mantad sand̠ad ontok 6 Madas 2010. Linoyog ontok 29 Milau 2010.
Naanu mantad "https://dtp.wikipedia.org/w/index.php?title=Watu_Pinotoruan_Keningau&oldid=18000"