Muzium Timpu Ireland
 The facade of the Irish Museum of Time and "Tempus Fugit", a winged clock. | |
 | |
| Established | 14 Mahas 2021 |
|---|---|
| Location | Greyfriars Street, Waterford, the Republic of Ireland |
| Type | Horology |
| Website | https://www.waterfordtreasures.com/museum/the-museum-of-time/ |
Muzium Timpu Ireland toi ko' lobi ointutunan id boros Inggiris do Irish Museum of Time nopo nga iso muzium horologi id Waterford, Republik Ireland. Iti nopo nga poingiliu id Waterford Viking Triangle, iso koiyonon miampai mogikaakawo koiyonon kisajara om muzium. Noukab iti ontok do 14 Mahas 2021. Kiwaa kiikiiro 600 jaam longon do hiti. Ii nopo nga somboogian mantad do Waterford Treasures, miampai do limo muzium do suai.
Sajara
[simbanai | simbanai toud]Colman Curran om sinawaan dau i Elizabeth Clooney nopo nga minonderma koleksi jaam diolo ii kigatang do lobi 600,000 euro, kumaa do Republik Ireland, om ruminuba ii Curran di Eamonn McEneaney, pangarah doWaterford Treasures, ontok 2015.[1] Minogihum yolo do koiyonon di kosudong montok popoiliu do koleksi solinaid do duo toun, om nokoihum iso gereja Methodist id Greyfriars Street id Viking Triangle.[1] Ontok 2018, songulun po kawagu puru horologi i David Boles nogi nga minonderma do koleksi dau id projek diti.[1] Gama do pandemik COVID-19, minaganu iti do timpu lobi laid montok monginsonong do bangunan om nakalaid o pongukaban rasmi do muzium.[1]
Ontok 14 Mahas 2021, Muzium Timpu Ireland nopo nga noukaban maya rasmi om montiri tinungkusan i Malcolm Noonan nopo nga tuminindapou id abaabayan kopoimaganan dii.[2]
Ontok 22 Momuhau 2022, ontok solstis timpu tosogit, jaam kitalad tagayo, "Tempus Fugit", nopo nga pinalabus id labus muzium.[3] Jaam dii nopo nga nodesain do artis Eithne Ring om Liam Lavery mantad Cork, om kiwaa duo talad i nosiliu mantad turu dail keluli id potitikid sampaping miampai linaab kiikiro onom meter.[3]
Ontok Gomot 2024, duo kukumalaja muzium nopo nga pinoposelaras rotusan jaam id suang kopokitanan montok kopotoundaan monoguang timpu mongikit do tadau ontok timpu talasu.[4][5]
Ontok Mahas 2024, palan koburuon nopo nga pinintalang om galeri wagu nopo nga ukabon kiikiro gulu timpu talasu ontok toun 2025.[6]
Kopokitanan
[simbanai | simbanai toud]
Muzium diti nopo nga kiwaa koleksi do duo puru horologi laid id Ireland, David Boles om Colman Curran.[4] Kiwaa kiikiro 600 jaam longon om popokito piipiro jaam om jaam longon id duo taang ii popointutun do mogikaakawo jaam Ireland om nogi jaam mantad sompomogunan kohompit no do Amerika Syarikat, United Kingdom, Austria, Switzerland, Perancis, Jepun, om Rusia. [2]Jaam bobos otuo' mantad koleksi dii nopo nga ontok do toun 1551.[2] Kiwaa nogi jaam di William Clement 1663, jaam longon do otuo' kopio id pomogunan ii kakal po poimpasi miampai di pelarian sauh.[4]
Bangunan ii dinondo nopo nga koiyonon muzium dii nopo nga gereja Neo-gothic ii numaan do inwoguai om winonsoi ontok toun 1880-an.[2] Kogumuan jaam laid ii pinokito nopo nga miampai do kapingan perabot mantad id timpu di miagal.[4]
Ponorimoon
[simbanai | simbanai toud]Muzium Timpu Ireland nopo nga iso-iso muzium horologi id Ireland, miampai koleksi jaam longon Ireland di tosonong id pomogunan.[7] ii nopo nga muzium horologi kabansaan Ireland.[8] Mantad di noukab ii, nosiliu iti iso koiyonon totombuluyon di nointutunan.[9] Ontok toun 2024, maimpai no do Istana Bishop di misomok, noiktiraf iti do Tripadvisor's Travellers’ Choice Awards.[10]
The Waterford Treasures
[simbanai | simbanai toud]Miampai no ngaawi do Menara Reginald, Muzium Zaman Pintangaan, Istana Bishop, Muzium Perak Ireland om Muzium Mosik Ireland nopo nga komponen Waterford Treasures.[11] The Waterford Treasures nopo nga pinapalabus do tikit Freedom of Waterford, ii popomilo do tutumombului sumuang id Muzium Timpu Ireland, Muzium Zaman Pintangaan, Istana Bishop om Muzium Perak Ireland om mampayat nogi id Epic Walking Tour, maya do mamanau gakod om tumurug do Viking Triangle.[12]
Sukuon
[simbanai | simbanai toud]- ↑ 1.0 1.1 1.2 1.3 Jordan, Sandra (2022-03-08). "The Irish Museum of Time Tells the Country's History". The New York Times. Linoyog ontok 2024-09-26.
- ↑ 2.0 2.1 2.2 2.3 "Museum of Time opens in - Ima". Irish Museums Association (id boros Inggilis). Linoyog ontok 2024-09-26.
- ↑ 3.0 3.1 "Gigantic 'flying' clock unveiled at Waterford museum". www.waterfordlive.ie. 2022-12-22. Linoyog ontok 26 Manom 2024.
- ↑ 4.0 4.1 4.2 4.3 "Museum of Time faces 'exercise in patience' putting 200 clocks forward this weekend". Irish Independent. 2024-03-28. Linoyog ontok 26 Manom 2024.
- ↑ Halpin, Hayley (2024-03-29). "Staff at Irish Museum of Time to change over 600 clocks as Daylight Saving begins on Sunday". TheJournal.ie. Linoyog ontok 26 Manom 2024.
- ↑ Fitzgerald, Pictures by: Garreth (2024-06-01). "Additional exhibition gallery announced for popular Waterford museum". www.waterfordlive.ie. Linoyog ontok 26 Manom 2024.
- ↑ Minister Noonan officially opens Irish Museum of Time. The Munster Express. 2021-06-15. Linoyog ontok 26 Manom 2024.
- ↑ The Irish Museum of Time | Waterford Treasures. Linoyog ontok 27 Manom 2024.
- ↑ Tipperary woman appointed as youngest ever museum head-curator in Ireland.www.tipperarylive.ie. 2024-07-22. Linoyog ontok 26 Manom 2024.
- ↑ "Waterford landmarks receive Tripadvisor's Choice Awards". Irish Independent. 2024-07-24. Linoyog ontok 26 Manom 2024.
- ↑ Lonergan, Lili (2024-06-12). Waterford Treasures set to celebrate 25 years with a Viking Party. www.waterfordlive.ie. Linoyog ontok 26 Manom 2024.
- ↑ Waterford Treasures. www.waterfordtreasuresbookings.com. Linyoog ontok 26 Manom 2024.