Rungus

Tulun Rungus

Dusun/Momogun/Momogun Rungus
Mongiinginsada Rungus id Kampung Loro Kecil, Kudat, Sabah, Malaysia.
Total population
74 000
Regions with significant populations
Malaysia (Sabah)
Boros
Boros Rungus, Boros Melayu (Melayu Sabah dialek) om Boros Inggiris Sabah
Ugama
Kristian (95%), Islam om Animise (5%)
Related ethnic groups
Kadazan-Dusun, Murut

Momogun Rungus nopo nga tinimungan sandad Austronesia id Sabah, Malaysia. Kogumuan nopo diolo nga poingion id boogian koibutan do Sabah, lobi-lobi po id watas Kudat, Kota Marudu om Pitas miampai minoriti tokoro id watas Beluran id boogian kosilahon do Sandakan. Haro boros, rasuk, inus winonsoi, koubasanan om sastara lisan diolo i misuai ko' subtinimungan do Dusunik di suai. Kiwaa lobi kuang 74,000 tulun Rungus id pogun diti.

Pongusinan

Miagal do kogumuan tinimungan etnik sandad id Borneo, koubasanan nopo nga poinsandad kumaa wagas; nga pananaman piasau om punti nogi nga kaanu manahak do kousinan. Monombir o koonduan do kain id ponombiran tali dolikud, om momonsoi payanan mantad do puun anggur toi ko' manik. Kogumuan do tulun Rungus timpu dinondo nopo nga kumalaja id kakadayan tagayo, om minongiduan do koposion komunal id walai tanaru montok tulun Malaysia nokoburu.

Sistom ponuatan

Momogun Rungus nopo nga haro o ponuatan koubasanan di nokodori no kopio om iso bontuk hieroglyphs toi ko' lohowon sabaagi Surip id suang do boros Rungus.

Kotumbayaan

Miampai koubasanan, tinaru diti nopo nga popoindalan do sistom kotumbayaan tulun sandad i otutunan sabaagi kotumbayaan Labus, sundung pia piipiro monunuat nopo nga popolabel diti sabaagi animisme, miampai pendeta kusai toi ko' bobolian nopo nga lohowon sabaagi Rampahan om pendeta tondu nopo nga lohowon sabaagi Bobolizan.Antakan timpu baino, kogumuan do tulun Rungus nopo nga kiugama do Kristian maya do Gereja Protestan id Sabah (PCS) id suang do koubasanan Lutheran do Protestantisme. Hali pia sabaagi gereja poingimpohon do tinaru, susumambayang nopo nga mantad tulun momoguno boros Malaysia pointongkop do pogun Sabah om id Semenanjung Malaysia, om iso gereja misi id Wilayah Persekutuan Labuan, miampai minoriti Muslim di tagayo om minoriti di tokoro montok tinaru diti nopo nga denominasi Kristian suai miagal do Roman Katolik, Sidang Injil Borneo, Anglikan, Gereja Yesus Benar om Seventh-day Adventis.

Sajara

Aki Rungsud nopo nga' songulun lundu Momogun Rahat ii minongukab kinoyonon Kudat-Bandau di pogulu po. Istilah kopomogunoon ngaran [Momogun] nopo nga' sumuku kumaa ngaran tinaru Rungus sondii. Tumanud legenda Momogun Rungus, Aki Rungsud nopo nga' lundu ii minongukab kinoyonon id Bandau-Kudat sabaagi kawasan pordagangan barter di bobos tagayo id rantau Samananjung Berungus om Teluk Bandau Borneo ontok timpu di laid po. Teluk Bandau nopo nga' iso longkod pamadagangan Momogun Rungus Kuno. Kakamot di padagangon id teluk Bandau nopo nga' miagal do mundok, punti, luong, tawadak, asil-asil talun, kain tenunan Rungus om suai-suai po. Toud lison nogi nga' nakarait do istilah RUNGUS montok etnik Rungus id Kudat naanu mantad Boros Bajau om Boros Suluk ii roitan do ''UNGUS'' ii kirati do TOGIS.

Tadau diti, miampai politik, koinsanai suku Momogun id Sabah pinotimung id kategori Tinaaru Kadazandusun-Murut (KDM). Rungus nopo nga' iso sub tinimungan ii poinsuang id tinimungan Tinaru Kadazan-Dusun. Rungus nopo nga' kiharo boros di oruhai kopiagal do boros Dusun id Sabah. Mantad pogintangan inus arkitektur om boros tinaru Momogun RUngus, otolinahas do kopokitanan masyarakat Momogun Rungus haro kopiagalan miampai sistom koubasanan Dayak. Dayak nopo nga' istilah khusus montok mogigion asli id Kopulauan Borneo.

Masyarakat Momogun Rungus papadagang mimpai tulun labus miagal do Sulu om Brunei montok maganu kakamot logam, kakamot tembaga cina, tembikar cina, kain cina om suai-suai po. Momogun Rungus kiharo adat papadagang sondii hinonggo papadagang mantad labus au pasagaon do mongukad tana kolobi do ''Duvo Lzangod'' toi ko' duo kaki. Papadagang mantad labus nogi nga' au milo managad talun toi ko' mongukab kinoyonon montok pomogompian tayam toi ko mongukab porobuatan. Popowonsoi nopo miagal diti nga' kalanggar no kooturan ugama [Labus][Labus] (roiton sabaagi Lzabvus) tinaru Momogun Rungus. Sistom kesukuan Momogun Rungus diti nopo nga' iso sistom di bordaulat ontok timpu dii. Iti nopo nga' kisabap do maya koubasanan Samananjung Kudat om Teluk Bandau alaid no umoligon do suku tinaru Momogun Rungus.